CHIMISI 5:3 - Yataa 'a Dɔbɛnɛ Nama

³ Wo‑a sanu miin na sɔn ka, ni kain gbɛ nu, an mbe ee ma‑a fen fen na. Wo 'a nyan chɛ, wo na‑a wo fa min na, an mbe wo gboo kasaa‑a ta ɔ. Wo‑a an sa tena ɔ bɛn ka wo wandi ko a, tee chɛ ma kɔnɛ a, kaa a tɛ tee chɛ.

CHIMISI 5:3 ပူးပေါင်းရင်းမြစ်များ

CHISƆSI 'A SƆ MƆƐ NU 2:17

‘Yataa ɔ te, “N mbe koe chɛ an ma‑a, tee dankama chɛ n kɔɔ, dunya e na to ban‑da.” A ɔ, “N mbe a ma‑a wan n Nyina ni bea mɔ ɔ mɔ fɛ. Chɛ ɛ a ma‑a wan wo 'a denɛ kaima nu, an bɛ a musuma n na, an ni n 'na sakana bai chɛndɛ chɛ ɔ yian mɔɛ n na. Wo 'a kamin tɔngbɔɛ n mbe kamaya koe n dɔ yen‑da wan, wo 'a chenan kai n bɛɛ, an mbe cho‑a wan cho n na.

GBOO DOMI KO A 2:5

Chɛɛ wo faa a kɔɔen mu, wo too wɛɛ ɔ gbɛ. Chɛ ko a, wo 'a tɔɔya ma ɛ munda‑a wan, tee chɛ ma, tee min ma mɔɛ n mbe Yataa 'a faatɛ ɔ yen‑da. A sin, an mbe a ɔ gbɛ‑a wan, mbɛ ɛ tea kaa an na tɛ.

2 TIMOTI 2:17

A bai chɛ n mbe wan yɔ tɛɛ boo kaenɛ, min mbe fui, mbɛ a‑a gboo daun ta‑a. Imenayɔsi mu mɔ dɔndɔ a, an mɔɛ chɛ n tɛ ɔ, a basan Fidetɔsi a.

2 PITA 3:3

Koe saa saa gbu, a nyin wo ni min dɔ sɔn an nɛ. Mbɛ tee dankama nɛnɛ chɛ n kɔɔ, Chisɔsi Chasi e na to na‑a, mɔɛ n mbe na‑a wan wo tɛ ɔ, miin mu yɔnɛ n na. An mu yɔnɛ n na, an 'na fɔɛ ɔ, an faa ma koe yama n boo ɔ. An mbe wo ma yɛn‑da wan.

KO Ɔ NUNDENƐ 17:16

I na‑a bena tanɛ miin sin yen, an bɛ soe yama chɛ a, duu dia chɛ wakoe ɛ don‑da wan an ma. An mbe fen kɔ fen bɔ‑a wan a boo ɔ, an ni a ma senɛ to. An mbe a gboo daun‑da wan, mbɛ an‑na ta ya, mbɛ an‑na a minda.

KO Ɔ NUNDENƐ 20:15

A sin, mɔ ɔ mɔ min tɔɛ nii ma bɔ ni gboo chɛ ɔ, mɔɛ miin‑na kuɔ fɔ fɔɛ ma sɔn, an tɔɛ ɛ gboo min dɔ, an mɔɛ chɛ a dɛ‑a wan ta man ba ɔ.

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”