CHIMISI 5:20 - Yataa 'a Dɔbɛnɛ Nama

²⁰ Mɔɛ miin mbe ko yama ma, a ni ma wo yii ma, mbɛ mɔɛ min mbe an dɔndɔɛ wɛɛ a yɛ‑a Yataa 'a chia ma, a‑a an mɔɛ chɛ baun fan ka. A‑a a ma, Yataa‑a a boo bɔ an mɔɛ chɛ a ko yama main sɛsɛ ɔ, a sin kunɛ bɔ‑a saya ɔ.

CHIMISI 5:20 ပူးပေါင်းရင်းမြစ်များ

CHƆN 5:24

“N mbe chɛ ma din tena wo tena, mbɛ mɔɛ min mbe n da a bai a min‑da, a ni a kai fa Fa Yataa a, min‑na n sɔ, a mɔɛ chɛ ɛ kuɔ fɔ fɔɛ ma sɔn‑da wan. A mɔɛ chɛ, kaa a ee tɛ‑a a wakoe ma, a ni tɔɔ. A ban‑da saya ɔ tandin‑da, a ta kuɔ fɔ fɔɛ ɔ.

GBOO DOMI KO A 11:14

Kɔkɔɛ chɛ ɛ che‑a wan a ma‑a, n ta mɔɛ nu, miin mu Chu n na, n ni a ma toomaya ni chɛ an faa ɔ. Chɛ ɛ a ma‑a wan, an dɔ n ni bauncha ma sɔn.

GBOO SAA KƆYINDI KO A 1:21

Yataa yiima tɛen ba mu, an‑na a ma, a‑a a ma mɔɛ n 'na yiimatɛ ee che a ma‑a, an ni a ɔ gbɛ a gbu ɛ ka ma. A‑a chɛ ma, min mbe a ma, mɔɛ chɛ n ni bauncha ma sɔn. Mɔɛ chɛ nu, miin mbe an kai fa‑a a a, ni an‑na wooya sakana bai chɛ a min, nn mbe min dɔ yian.

GBOO SAA KƆYINDI KO A 9:22

Ni n ma‑a wai chɛ‑a mɔɛ chɛ n tɛ ɔ, miin 'na danaya ɔ ma gbɛ, Chisɔsi a, n bɛɛ, n mbe a ma wan yɔ n ta wɛɛ ɔ ma gbɛ. N mbe chɛ ma, n ni an ma sawan Chasi tena. Chɛ ɛ a ɔ yian, mbɛ n mbe mun fan mɔ kan kɔ kan na, mɔɛ kan kɔ kan tena. N mbe chɛ ma, an dɔ n baun koe an na, chia ɔ chia a.

1 TIMOTI 4:16

Tima ya i ben buɛ a fɔɛ ɔ, a basan i‑a kan chɛ buɛ a. A ma yɔ n‑na a fɔ buɛ min dɔ i ye, min mbe a ma, i ni bauncha ma sɔn, wo bɛ i kuiɛ a min mɔɛ n na.

FIDEMƆN 1:19

N fan Pɔɔ, n fandi gbu boo gba an nɛ. N fan mbe a be tena, n‑na a ɔ sɔn bɛɛ ka boo ɔ boo, mbɛ n fan ta mu i wandi gbu a.

CHIMISI 1:15

Mɔ faa ma koe yama chɛ nu, an fan mbe na ko yama n na. Mbɛ ko yama chɛ n sin ko a, a na‑a saya a.

CHIMISI 1:21

Chɛ an fɛ mu, wo ni wo boo bɔ ko yama gbɛɛ ɔ wo 'a fɔɛ ɔ. Wo ni wo boo si a 'a sakana bai chɛ kɔɔ, min been mu wo ma. Bai chɛ, a‑a a kun a ma koe a, wo ni bauncha ma sɔn.

CHIMISI 5:15

An mɔɛ chɛ n 'na samunɛ, danaya ɔ, ɛ a ma‑a wan, Mansa Yataa ni an mɔɛ chɛ baun, a ni a kɔɔ sɔ gbandi chɛ ɔ. Ni a sin na‑a ko yama kan kɔ kan ma, Yataa ɛ a boo bɔ‑a wan a ɔ. A mu min na, an‑na a ɔ yian, mbɛ an kai faen fan mu Yataa a.

CHIMISI 5:19

N suun ma nyɔɛ nu Chasi ɔ, ni wo dɔndɔ wɛɛ ka‑a Yataa 'a tea chia ma, a suun ma nyɔɛ dɔ mende ni a ma, a ni yɛ a ma.

1 PITA 4:8

Min mbe ko ɔ ko kun ma, wo to wo nyɔn na wo faa gbɛɛ a. Koe min na mu, koadia ɛ a ma wan mmɔ ni mmɔ ya ka ko yama sɛsɛ a.

KO Ɔ NUNDENƐ 20:6

Yataa‑a miin na sɔ a ka saya ɔ tima chɛ a, an duaen mu chɛndɛ chɛ, Yataa 'a mɔɛ mu an na. An mbe ee saya fean bɔɛ chɛ‑a, chɛɛ an mbe ma‑a wan mɔɛ n na mɔ gbu n tɛ ɔ Yataa a, an fea Chasi a, kunka mansa. An bɛ Chasi a, an mbe ma‑a wan mansaya ɔ san wu dɔndɔ ko a.