CHIMISI 5:19 - Yataa 'a Dɔbɛnɛ Nama

¹⁹ N suun ma nyɔɛ nu Chasi ɔ, ni wo dɔndɔ wɛɛ ka‑a Yataa 'a tea chia ma, a suun ma nyɔɛ dɔ mende ni a ma, a ni yɛ a ma.

CHIMISI 5:19 ပူးပေါင်းရင်းမြစ်များ

MATIU 18:15

Mbɛ Chisɔsi ɔ, “Wo wɛn mbe ka n fɛ, ni i bɔɛ‑a ko yama ma i a, ta a tena wo fea gbe a, mbɛ i‑a a ɔ yian a a, a‑a koe min ma i a. Ni a dɔn‑da a 'a ko yama ma gba chɛ ma, mbɛ wo fea ma‑a to a a kuiɛ dɔndɔɛ ɔ.

DUKU 22:32

Saimɔn, chɛɛ n‑na samunɛ chɛ i ko a, i chenɛ ni sɔ gban i 'a danaya ɔ n na. A sin, ni i‑a i ya a yɛ to n ma, a ma i bɔɛ n bɛɛ, an chenɛ ni sɔ gban an 'na danaya ɔ n na.”

Gboo Kadesia Ko A 6:1

N suun ma nyɔɛ nu Chasi ɔ, wo e a ɔ yen‑da wan, mbɛ mɔɛ ɛ wo tɛ ɔ, ko yama kun‑da min ma. Yataa Nyina ɛ wo wɛn sɔ tena wɛ chia chɛndɛ ma, wo tima ya, wo ni an mɔɛ chɛ sɔ chia chɛ ma. Wo wandi gbu wɛɛ, wo wo kun ma fɛn, wo yiima ma na mun, a ka an chia ma.

1 TIMOTI 6:10

A mu min na, kɔpɔɛ koe, ko yama sɛsɛ ɛ a kuu sɔ an ma. Kɔpɔ koe wa dɛgbɛ chɛ, an‑na a ma, mɔɛ dɔ n ka‑a danaya chia ma Chisɔsi a, a sin‑na an na dɛ faa yɔn koe n dɔ.

1 TIMOTI 6:21

Mɔɛ dɔ n bea‑a an yiimatɛ chɛ an fɛ, min‑na a ma, an‑na an kan kɔ sɔ chɔchi a. Yataa ni wo dua.

2 TIMOTI 2:18

An ka‑a tea chia ma, mbɛ an bun‑da an bɔɛ n bɛɛ ɔ chɛ‑a, danaya ɛ miin dɔ Chisɔsi ko a. An mbe kanɛ chɛ‑a, an dɔ, mɔɛ n ban‑da an kɔɔ sɔ‑a saya ɔ.

GBOO IBU MƆƐ N KO A 5:2

An tɛ mɔ wa chɛ, ɛ kun fan, a ni a bɔɛ n bia faa chima a. Chɛ nu, miin ma ko sɔn, ni chɛ nu miin bia koe gbɛ, ɛ an bia wan. Koe min na mu, a wandi wɛɛ, a yama chia nu, an mbe wan sɛsɛ.

CHIMISI 1:16

N suun ma nyɔɛ nu Chasi ɔ, wo ko a di n ye. Wo ma dɔn mɔ ɔ mɔ ni wo bun.

CHIMISI 1:19

N suun ma nyɔɛ nu Chasi ɔ, wo ko a di n ye. A sin, wo chɛ sa wo yii ma. Ni wo too ma sɔ koe mu, wo ma tima yayi a ma sɔ koe a. Chɛɛ wo tima ya koɔ koe a. Wo ni tima ya, faatɛ bɔ koe a.

CHIMISI 3:14

Chɛɛ toomaya faenɛ ɛ mɔɛ min faa ɔ, a toenɛ ɛ dechee a faa ma koe n na, yiimatɛ tɔ ma a mɔɛ chɛ a. A yau ko yama tɔɛ gbɛɛ ma, a mɔɛ chɛ yii na chii koe a, mbɛ yiimatɛ tɔɛ mu a a.

CHIMISI 5:20

Mɔɛ miin mbe ko yama ma, a ni ma wo yii ma, mbɛ mɔɛ min mbe an dɔndɔɛ wɛɛ a yɛ‑a Yataa 'a chia ma, a‑a an mɔɛ chɛ baun fan ka. A‑a a ma, Yataa‑a a boo bɔ an mɔɛ chɛ a ko yama main sɛsɛ ɔ, a sin kunɛ bɔ‑a saya ɔ.

2 PITA 3:17

Chɛɛ n dia nyɔɛ nu, wo tana, wo‑a chɛ ɔ sɔn fan gbɛ. Chɛ an fɛ mu, wo wo kun ma fɛn, sawa sɔn bai chɛ n ma na a ma, wo ni saman, mbɛ wo ka‑a chia ma. An ni a ma, wo ni bea, a bɔ wo sɔ tena chɛndɛ chɛ ɔ.

CHUDA 1:11

Koe min mbe an tan‑da, a yau gba an ko a. An puin‑da mɔna chɛ chen gba ɔ, mɔna min tɔ ni Ken, min na‑a a dɔɛ fa. Kɔpɔ koe‑a a ma, an bɔ‑a Badaan gba ɔ, an mbe ko ɔ ko ma wan kɔpɔ koe a. A yɛ to, Kɔya 'a gbunɛ nyɔn sima, an‑na a a bea, min‑na an kasaa pɔɛ.