CHIMISI 5:16 - Yataa 'a Dɔbɛnɛ Nama

¹⁶ Chɛ ko a, wo wo 'a ko yama n kɔɔ yian wo nyɔn na. Mbɛ wo‑a samunɛ chɛ wo nyɔn ko a. Chɛ ɛ na‑a wan bauncha a wo tena, wo 'a gbandi n dɔ. Mɔɛ min tanden mu Yataa tena, ɛ samunɛ min chɛ, a faa gbɛɛ a, gbasaya koo min mbe bɔ a ɔ.

CHIMISI 5:16 ပူးပေါင်းရင်းမြစ်များ

MATIU 21:22

Ni danaya ma‑a wo ɔ Yataa ko a, ɛ ko ɔ ko chɛ‑a wan wo ye, wo e samunɛ chɛ‑a min ko a.”

MATIU 3:6

An dɔn‑da an 'na ko yama n ma, fanka ɔ den. Mbɛ Chɔn‑na yii chɛ an kunɛ ɔ, Yataa chia a, Chɔdan yii ɔ.

MAKI 1:5

A sin, mɔɛ n gbɛɛ ni ka wan Chuusaɛn duu ɔ, an mbe ka duu tɔɛ n dɔ, Chudia chɛnyɛ ɔ. An ni na wan, mbɛ an‑na Chɔn tan. An ni dɔn fan ko yama n ma, an na‑a miin ma. Chɔn ni yii chɛ wan an kunɛ ɔ, Yataa chia a, Chɔdan yii ɔ.

DUKU 9:6

Chisɔsi ban‑da kɛn bai chɛ n fɔ‑a an ye, mbɛ an ta‑a, an ben ben‑da konko n gbɛɛ ɔ. An‑na sakana bai chɛndɛ chɛ ɔ yian fan mɔɛ n na, an mbe ta‑a mɔɛ n baun‑da, ni an che‑a kan kɔ kan.

CHƆN 9:31

Mmɔ‑a a ɔ sɔn fan, mbɛ Yataa ee mɔɛ n 'na samunɛ a min, miin mbe ko yama ma. Chɛɛ ɛ mɔɛ chɛ n 'na samunɛ a min fan, miin mbe a tɔɛ fai, an mbe a faa ma koe n ma.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 19:18

Mɔ sɛsɛ nu, miin bɛɛ na‑a an kai fa Chisɔsi a, an na‑a wan fanka ɔ, mbɛ an dɔn‑da an chɛ chɛ wai yama n ma, an sin‑na an dɔ yian fan.

CHISƆSI 'A SƆ MƆƐ NU 8:24

Mbɛ Saimɔn dɔ, “Wo dimu, wo Mansa Yataa fai n ko a, min mbe a ma, wo‑a koe miin gbɛɛ fɔ ka, an ma na ma n na.”

GBOO DOMI KO A 3:10

Ɛ wan yɔ Yataa 'a gboo‑a a fɔ buɛ min dɔ, a ɔ, “Mɔ dɔndɔ wɛɛ ee nɔ, min tanden mu Yataa chen kɔɔ.

GBOO DOMI KO A 5:19

Adami dɔndɔ gbe na‑a Yataa da a kuiɛ bɔ wan a ɔ, min na‑a a ma, mɔ sɛsɛ ma‑a ko yama ma mɔɛ n na. A ma‑a ka wan to, Chisɔsi dɔndɔ gbe dechee, an‑na Yataa da a kuiɛ a min, min‑na a ma, Yataa ɛ a a tun‑da wan mɔ sɛsɛ ya koe a mɔ tandenɛ n na.

Gboo Kɔdɔsai Ko A 1:9

Chɛ ko a, a bia an tee chɛ ma, nn‑na a a min tee min na, nn ma sɛmbɛ ni samunɛ chɛ koe a wo ko a. Nn mbe samunɛ chɛ tena wan tima ɔ tima ko a, Yataa ni a ma, a toen mu koe miin na, wo ni an dɔ gbɛ chɛndɛ chɛ. A sin, n mbe a ɔ tisa tena, a ni yiimatɛ gbɛɛ be wo ma, a wan Yataa Nyina ɛ min be.

Gboo Saa Tɛsadonika Ko A 5:17

Wo samunɛ chɛ tima ɔ tima.

Gboo Saa Tɛsadonika Ko A 5:23

Yataa wandi, min mbe faachima be mmɔ ma, a ni a ma wo ni ma a ko a tenchen chia ɔ chia a. A ni wo kun ma fɛn chia gbɛɛ a. Mabɔ kan kɔ kan ma ma wo ma, wo 'a fɔɛ gbɛɛ ɔ, tima min na mmɔ 'a mansa Chisɔsi Chasi ɛ na‑a.

Gboo Saa Tɛsadonika Ko A 5:25

Nn suun ma nyɔɛ nu Chasi ɔ, wo samunɛ chɛ nn ko a.

GBOO IBU MƆƐ N KO A 11:4

Ebɛɛ na‑a a kai fa wan Yataa a. An na‑a a ma, a‑a yasi be Yataa ma. An yasi chɛ ni nyin Yataa tena, a ben Ken ta ma. Yataa na‑a Ebɛɛ ya wan mɔ tandenɛ a, kaifa ɔ chia a, mbɛ a‑a a boo si a 'a yasi kɔɔ. Ebɛɛ faen mu wɛɛ boo ɔ boo bi tee chɛ kɔɔ, chɛɛ ɛ wɛ koɔ tena mmɔ tena tun. Koe min na mu, a na‑a a kai fa wan Yataa a, a sin mu tɔmɔsi an na mmɔ tena.

GBOO IBU MƆƐ N KO A 11:7

Nowa na‑a a kai fa wan Yataa a, an na‑a a ma, a na‑a a too ma sɔ Yataa 'a dasi ma, a si koe n ma miin ni na tena ma‑a, a nii ma miin sima ɔ yen nin bɛ. A na‑a Yataa da a kuiɛ a min fan, mbɛ a‑a dɛndɛ nyan, min na‑a a baun, an bɛ a 'a mɔɛ n na. Yataa na‑a Nowa ya wan mɔ tandenɛ a, min mbe bɔ dechee a 'a kaifa ɔ Yataa a. An kaifa chɛ sin dɔ, Nowa na‑a koe min ma ka, a na‑a a yian fan, mbɛ dunya ma mɔɛ n yau kaka.

GBOO IBU MƆƐ N KO A 12:13

Wo wo tachɛ buɛ ma mɛn, wo gboo ɔ ma na fa wo 'a fɔɛ ɔ. Chɛɛ wo ɔ ni gbɛa gbau.

GBOO IBU MƆƐ N KO A 13:18

Wo wo boo a chii samunɛ ma, nn ko a. Nn danden fan mu a a, mbɛ nn yiima a koenɛ mu fion. Koe min na mu, nn mbe butuin chɛ tima ɔ tima ko a, tea koe an ma koe a.

1 PITA 2:24

Chisɔsi Chasi wandi gbu‑a mmɔ 'a ko yama n ya wan a gboo ɔ, a ta kɔn gbengbandenɛ ma, a‑a mɔnɛ ɔ bia an ko a nɔ. A na‑a chɛ ma, min mbe a ma, ni ko yama ma koe mu to, mbɛ mmɔ su mu gbɛ. Mmɔ ɛ gbɛ fɔɛ chɛndɛ an dɔ. Magba min chɛ‑a a a, an‑na a ma, wo‑a bauncha ma sɔn.

1 CHƆN 3:22

A sin, mmɔ ɛ fen kɔ fen sɔn‑da wan, mmɔ ɛ min dɔ tisa‑a a ma. Koe min na mu, mmɔ ɛ a da a kuiɛ ma, a sin, mmɔ ɛ a faa ma koe ma.