CHIMISI 5:15 - Yataa 'a Dɔbɛnɛ Nama

¹⁵ An mɔɛ chɛ n 'na samunɛ, danaya ɔ, ɛ a ma‑a wan, Mansa Yataa ni an mɔɛ chɛ baun, a ni a kɔɔ sɔ gbandi chɛ ɔ. Ni a sin na‑a ko yama kan kɔ kan ma, Yataa ɛ a boo bɔ‑a wan a ɔ. A mu min na, an‑na a ɔ yian, mbɛ an kai faen fan mu Yataa a.

CHIMISI 5:15 ပူးပေါင်းရင်းမြစ်များ

MATIU 17:20

Mbɛ a ɔ an ma, “Danaya a tenden mbe ee wo ɔ Yataa ko a. Chɛ an‑na a ma, wo ma che ni nyina chɛ gbain‑da kaien chɛ fɛ. N ni a ma din wo tena, mbɛ ni danaya ɛnden bɛɛ yɔ chin fen kuu dɔɔma ɛndenɛ wɛɛ, a ma‑a wo ɔ Yataa ko a, ko ɔ ko ee ma‑a nɔ, wo ee che‑a min ma‑a. Wo e kun‑da wan wo ni a fɔ kɔnkɔɛ chɛ ye, wo ɔ, a ni a wandi kuɛn, wo ɔ, a ni ta kaina dɔ mende, mbɛ a kuɛn‑da.”

CHƆN 5:14

Chɛɛ chɛ gbakɔ, Chisɔsi‑a kamin chɛ yen fan Yataa 'a kata ɔ, mbɛ a‑a a fɔ a ma, a ɔ, “A yen ko, i baun‑da gbɛ sanche. Chɛ an fɛ mu, i ma ko yama ma to. Ni chɛ ma, tɔɔya min mbe i tan‑da gbɛ, ɛ yaua‑a a saa ma.”

CHƆN 6:39

A sin, a wɛn‑na n sɔ, a faa ma koe n fan nɛ. Mbɛ n ma fo a 'a mɔɛ chɛ n dɔndɔ wɛɛ a, mɔɛ chɛ nu, a‑a miin be n ma. Chɛɛ tee dankama ma, n ni a ma, an gbɛɛ kɔɔ ni sɔ, a yɛ fɔɛ ɔ.

GBOO SAA KƆYINDI KO A 1:21

Yataa yiima tɛen ba mu, an‑na a ma, a‑a a ma mɔɛ n 'na yiimatɛ ee che a ma‑a, an ni a ɔ gbɛ a gbu ɛ ka ma. A‑a chɛ ma, min mbe a ma, mɔɛ chɛ n ni bauncha ma sɔn. Mɔɛ chɛ nu, miin mbe an kai fa‑a a a, ni an‑na wooya sakana bai chɛ a min, nn mbe min dɔ yian.

GBOO FEAN BƆƐ KƆYINDI KO A 4:14

Nn‑na a ɔ sɔn fan, mbɛ Yataa an‑na a ma, Mansa Chisɔsi kɔɔ sɔ‑a a ka saya ɔ. Ɛ a ma‑a wan nn bɛɛ kɔɔ ni sɔ, a ka saya ɔ, nn ni bɔ Chisɔsi gba ɔ. A sin mbe ta‑a wan nn na, a basan wo wɛɛ a, mmɔ ni ma a chen kɔɔ.

CHIMISI 1:6

Chɛɛ ni wo ma‑a a ɔ tisa‑a, sika ma ma wo ɔ, wo ni wo kai fa a a gban. Ni sika ma‑a mɔɛ min dɔ, a mɔɛ chɛ ɛ wan yɔ yii wa, fia ɛ min dɔ ma ma tangban tangban.

CHIMISI 5:13

Ni mɔ ɔ mɔ ɛ wan wo tɛ ɔ, min mbe tɔɔya ɔ, a ni Yataa fai. Ni mɔ ɔ mɔ ɛ wan wo tɛ ɔ, min mbe buɔdia ɔ, a ni tando be Yataa ma si ɔ.

CHIMISI 5:16

Chɛ ko a, wo wo 'a ko yama n kɔɔ yian wo nyɔn na. Mbɛ wo‑a samunɛ chɛ wo nyɔn ko a. Chɛ ɛ na‑a wan bauncha a wo tena, wo 'a gbandi n dɔ. Mɔɛ min tanden mu Yataa tena, ɛ samunɛ min chɛ, a faa gbɛɛ a, gbasaya koo min mbe bɔ a ɔ.

CHIMISI 5:20

Mɔɛ miin mbe ko yama ma, a ni ma wo yii ma, mbɛ mɔɛ min mbe an dɔndɔɛ wɛɛ a yɛ‑a Yataa 'a chia ma, a‑a an mɔɛ chɛ baun fan ka. A‑a a ma, Yataa‑a a boo bɔ an mɔɛ chɛ a ko yama main sɛsɛ ɔ, a sin kunɛ bɔ‑a saya ɔ.