CHIMISI 5:13 - Yataa 'a Dɔbɛnɛ Nama

¹³ Ni mɔ ɔ mɔ ɛ wan wo tɛ ɔ, min mbe tɔɔya ɔ, a ni Yataa fai. Ni mɔ ɔ mɔ ɛ wan wo tɛ ɔ, min mbe buɔdia ɔ, a ni tando be Yataa ma si ɔ.

CHIMISI 5:13 ပူးပေါင်းရင်းမြစ်များ

MATIU 26:30

Mbɛ Chisɔsi n‑na Yataa si sa, an bɛ a fɛ denɛ n na. Mbɛ an ta‑a kɔnkɔɛ chɛ ɔ, min tɔ ni Wodifi kɔnkɔɛ.

DUKU 22:44

A faa yɔn‑da wan a ɔ benden ba a, mbɛ a‑a samunɛ chɛ a sɔɛ gbɛɛ a. Taa min ni bɔ tena a ma, a maen fan ni yɔ wii, ɛ bɔn‑da kaka duu ma.

DUKU 23:42

Mbɛ a ɔ, “Kai Chisɔsi, i yii na chii n na, ni i na‑a tima min na gbasaya ɔ, i 'a mansa wai chɛ koe a.”

GBOO SAA KƆYINDI KO A 14:15

Ni ɛ ka wan, n mbe fen ma gbɛ? N mbe samunɛ chɛ‑a wan Yataa Nyina 'a gbasaya ɔ, mbɛ n‑na a chɛ to n yiima wɛɛ ɔ. N mbe tando si be‑a wan Yataa Nyina 'a gbasaya ɔ, mbɛ n‑na a be n yiima wɛɛ ɔ to.

GBOO SAA KƆYINDI KO A 14:26

N suun ma nyɔɛ nu Chasi ɔ, n mbe chɛ an fɔ tena. Ni wo bɛn‑da samun chɛ tena, mɔ dɔndɔ ni ma si sa kun ma, dɔndɔɛ ɛ kan chɛ kun ma. Dɔndɔɛ nan sin, a ni ma nɔ koe ɔ yian koe a, min dɔ nunden mu Yataa boo ɔ. Dɔndɔɛ wɛɛ, a ni ma sakana bai fɔ‑a kamaya bai n dɔ, mɔ ee miin dɔ gbɛ ka dechee. A yɛ to, mɔɛ dɔndɔɛ ni ma nɔ, a gbɛɛ ɔ yian koe a, sakana chɛ sien mu koe min ma. Ko ɔ ko min mbe chɛ‑a a ɔ, an ni ma tɔnɔnɛ an na chɔchi tena.

Gboo Ɛfisɔsi Ko A 5:19

Wo ni koe ma ka wo nyɔn tɛ ɔ. Wo si kan kɔ kan sa Yataa ye, a ɛ tando min dɔ. Wo si a diama n na bɔ Yataa tena, wo faa gbɛɛ a.

GBOO IBU MƆƐ N KO A 5:7

Tima min na Chisɔsi ni fɔɛ ɔ dunya chɛ ɔ, a ni samunɛ chɛ wan, a yɛ to, a ni Yataa ɔ tisa wan basan koe a a ma. A ni chɛ ma a kuiɛ ma sɛenɛ an na, a ya yii ɛ ta‑a bɔ‑a Yataa tena, min mbe che dechee a kun bɔ koe a saya ɔ. A sin ni baa be ka buɛ min dɔ Yataa ma, a wɛɛ, a ni a di kuiɛ a min fan.

CHIMISI 5:10

N suun ma nyɔɛ nu Chasi ɔ, faabia ko yawaen dɔ bia ɔ, a tɔmɔsi dɔndɔ yen ko. A mu Yataa 'a gbonka chɛ mɔɛ chɛ n fan na, miin ni bai sa, Mansa Yataa tɔɛ ɔ.

KO Ɔ NUNDENƐ 14:3

An gbɛɛ, an ni si nama an sa tena. An mbe sɔ ɔ mansa sea chɛ ya kɔɔ, fɔɛ fen naanin chɛ n ya kɔɔ, ni gbakoo chɛ n ya kɔɔɛ. Mɔ ɔ mɔ nii ma an si chɛ sɔn, mɔɔ dechee an fan, Yataa na‑a an fɛn kun ka. An mɔ wu chɛmɛ dɔndɔ, wu bi naanin kun ma naanin (144,000) chɛ.

KO Ɔ NUNDENƐ 7:10

Mbɛ an‑na chee chɛ gbankon, an dɔ, “Yataa an‑na mmɔ baun, a wɛn mbe si ɔ a 'a mansa sea a. Sa tɔngbɔɛ wɛɛ, a‑a mmɔ baun fan.”