CHIMISI 4:4 - Yataa 'a Dɔbɛnɛ Nama

⁴ Wo ma danaya ni gba Yataa tena. Wo gbu‑a a ɔ sɔn fan, mbɛ ni dunya chɛ ko a dia‑a wo ye, mbɛ Yataa ɛ ma‑a wan wo chɛɛ ma nyɔɛ a. Chɛ an‑na a fɔ, ni dunya chɛ ma‑a mɔ ɔ mɔ koadia nyɔɛ a, Yataa ma‑a a mɔɛ chɛ chɛɛ ma nyɔɛ a.

CHIMISI 4:4 ပူးပေါင်းရင်းမြစ်များ

MATIU 12:39

Mbɛ Chisɔsi ɔ, “Wo mɔ bonda chɛ nu, wo yau yama yama, wo sin mbe ee dan ko a. Chɛ an fɛ mu, wo e n dɔ tisa tena kamaya koe ma koe a. Chɛɛ wo ee tɔmɔsi dɔndɔ wɛɛ ma sɔn‑da, mɔɔ dechee Yataa‑a tɔmɔsi min na ben a 'a gbonka chɛ mɔɛ Chona a, a 'a mɔɛ n tena.

MATIU 16:4

Wo mɔ bonda chɛ sima nu, wo yau yama yama, wo sin mbe ee dan ko a. Chɛ an fɛ mu, wo e n dɔ tisa tena kamaya koe ma koe a. Chɛɛ wo ee tɔmɔsi dɔndɔ wɛɛ ma sɔn‑da, mɔɔ dechee Yataa‑a tɔmɔsi min na ben a 'a gbonka chɛ mɔɛ Chona a, a 'a mɔɛ n tena.” Mbɛ Chisɔsi‑a an to, mbɛ a ta‑a.

MATIU 6:24

Chisɔsi ɔ, “Mɔ ɔ mɔ ee che ma‑a wai chɛ mɔɛ a kun ti fea kɔɔ. Ni chɛ ma‑a, dɔndɔɛ ko a ee dia a ye a ni che dɔndɔɛ ɔ. Ɛ kooya be‑a wan dɔndɔɛ ma, a ni ben a bɔɛ ma. Chɛ an fɛ mu, e ee che wai chɛ‑a Yataa ye, mbɛ i‑a wai chɛ kɔpɔɛ wɛɛ ye dɔndɔ a.

DUKU 19:27

Mbɛ a si n chɛɛ ma nyɔɛ chɛ n sin ma, miin nii ma to ni, n ni ma an 'na mansa a, wo na an na nɛ, mbɛ wo‑a an fa n ya kɔɔɛ ma.’ ”

CHƆN 15:19

Ni wo ni wan an 'na kuiɛ dɔndɔya ɔ dunya chɛ ɔ, an ni wo ya wan an sima a, mbɛ wo ko a dia‑a an ye. Chɛɛ n‑na wo bɔ wan an 'na dunya ɔ, a sin‑na a ma, wo bɛ ma to an na. Chɛ an fɛ mu, an tooenɛ ɛ wo a.

CHƆN 17:14

I‑a sakana min be n ma an ko a, n‑na a ben fan an tena. An sin, an bɛ ee mɔɛ chɛ n na ko dɔndɔ ɔ, i wakoe ee miin faa ɔ. Chɛ ko a, an fɛn mbe i faa ma koe ma ka, an ko a ma di chɛ n ye, miin mbe ee i faa ma koe ma ka.

CHƆN 7:7

Dunya chɛ ee che chia sɔn‑da too koe a wo nan na, chɛɛ n tana, a tooen fan mu n na. Koe min na mu, n ma n da a tɔn ni, a fɔ koe a mɔɛ n ye, mbɛ an chɛ chɛ wai n yau Yataa ya a.

GBOO DOMI KO A 5:10

Mmɔ ni Yataa chɛɛ ma nyɔɛ n fan na, chɛɛ a 'a denɛ Chisɔsi 'a saya‑a a ma, a‑a mmɔ ma gbɛ a dia nyɔɛ n na. Mmɔ ma‑a ka gbɛ buɛ min dɔ sanche Yataa dia nyɔɛ n na, bauncha ɛ gbɛ mmɔ wan ko a, koe min na mu, Chasi ɛ fɔɛ ɔ.

GBOO DOMI KO A 8:7

A sin fan fɛ mu, mɔɛ min yiima ɛ gbasaya kɔɔ mɔgbuya ɔ min ma nyin, Yataa chɛɛ ma nyɔɛ mu a a. Koe min na mu, a mɔɛ chɛ ma kun ni ma koe a Yataa 'a sawa kɔɔ. A gbu sin, a ee che ma‑a a kɔɔ.

GBOO SAA KƆYINDI KO A 1:20

Yataa‑a a ɔ yian, mbɛ dunya chɛ ɔ yiimatɛ, tɔnɔn mbe ee a ɔ. Mɔɛ yiima ni tɛ wɛɛ dunya chɛ ɔ, chɛ ee che a ma‑a Yataa sɔn mɔɛ a. A ni Chu n 'na sawa sɔn boo ɔ boo, chɛ wɛɛ ee a ma Yataa sɔn mɔɛ a. A ni ma wɛɛ mɔɛ a, min kosan koɔ‑a, chɛ nan fan gbu wɛɛ ee a ma, a ni ma Yataa sɔn mɔɛ a.

GBOO SAA KƆYINDI KO A 1:21

Yataa yiima tɛen ba mu, an‑na a ma, a‑a a ma mɔɛ n 'na yiimatɛ ee che a ma‑a, an ni a ɔ gbɛ a gbu ɛ ka ma. A‑a chɛ ma, min mbe a ma, mɔɛ chɛ n ni bauncha ma sɔn. Mɔɛ chɛ nu, miin mbe an kai fa‑a a a, ni an‑na wooya sakana bai chɛ a min, nn mbe min dɔ yian.

Gboo Kadesia Ko A 1:10

Ni n ma‑a chɛ fɔ‑a, n mbe ee ka a ma‑a na tea tea ɔ, mɔ gbu n ni to n na. Chɛɛ n mbe a ma tena wan ka, Yataa faa ni chima n na. Ni n toen ni tun mɔ gbu n faa ma koe an na, n nii che ma‑a tima chɛ a, Chasi 'a wai chɛ mɔɛ a.

CHIMISI 1:27

Mmɔ ɛ basan fan chiandenɛ n ma, an bɛ fuinya n na, ni an deman koe bɔ‑a. Mmɔ sin mbe ee a ma, dunya chɛ ɔ ko yama ma ni mmɔ wɛɛ ɔ chɛ. Chɛ an mu fɔɛ chɛndɛ a, mmɔ Fa Yataa toen mu min na, ma bɔ ee min ma.