CHIMISI 4:1 - Yataa 'a Dɔbɛnɛ Nama

¹ Koe n fan mbe a ma wo ee bɛn, an mbe a ma, koɛ ɛ don wo tɛ. Wo faa ma koe chɛ nu, an fan mbe ma ka wo tɔɔ‑a.

CHIMISI 4:1 ပူးပေါင်းရင်းမြစ်များ

MATIU 15:19

A mu min na, ko yama gbɛɛ ɛ bɔ mɔ gbu yiima an dɔ. A ni ma mɔ fa koe an na, kanka chɛ ko mu, fania fɔ mu, ni tɔ ɔ tɛ yama chɛ. A yɛ to, a ni ma waa ma basan koe a mɔɛ a, wo ee fuu ɔ min na, ni ko tɛ koe wɛɛ.

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

GBOO DOMI KO A 7:23

Chɛɛ n‑na a ɔ sɔn gbɛ n faa ɔ, mbɛ n mbe bea tena sawa dɔ gbɛɛ an fɛ. An sawa chɛ, ɛ butuinɛ chɛ tena wan sawa chɛ a, n toen mu min na n yiima ɔ. A‑a n ma yɔnɛ a, sawa chɛ boo ɔ, min mbe n yiima ɔ.

GBOO DOMI KO A 7:5

Tima min na mmɔ ni mmɔ kun ye, sawa chɛ na‑a mmɔ 'a ko yama n na kunɛ wan mmɔ ɔ, mmɔ gboo bankandenɛ ni miin ma koe a. A sin, mmɔ faa ma koe yama chɛ n fan‑na a ma, mbɛ saya‑a mmɔ boo kana bia.

GBOO DOMI KO A 8:7

A sin fan fɛ mu, mɔɛ min yiima ɛ gbasaya kɔɔ mɔgbuya ɔ min ma nyin, Yataa chɛɛ ma nyɔɛ mu a a. Koe min na mu, a mɔɛ chɛ ma kun ni ma koe a Yataa 'a sawa kɔɔ. A gbu sin, a ee che ma‑a a kɔɔ.

Gboo Kadesia Ko A 5:17

Koe min na mu, mmɔ faa ma koe yama nu, an ko a ma di Yataa Nyina ye. Yataa Nyina wɛɛ, a toen mu koe miin na, mmɔ wɛɛ ma to ni an na. Mɔgbuya chia, a kan kɔ sɔenɛ mu Yataa Nyina a. Chɛ an fɛ mu, tima ɔ tima ko a, wo ee che koe ma‑a wo toen mu min ma koe a.

Gboo Kɔdɔsai Ko A 3:5

Chɛ an fɛ mu, dunya chɛ ɔ koe nu, miin na di wo ye, wo faa ni fa an ko a. Koe nu, yɔ ko tɛ kan kɔ kan, wo e na to dɛ‑a fuu ɔ, ni ko yama dɔ mende nu. A yɛ to, yiinachii yama, ni dunya ma koe ben koe a mɔɛ ɔ, a basan fenkoya wa a. Chɛ nɛnɛ ɛ wan dechee, yɔ fenɛ fai koe a, min ma Yataa a.

2 TIMOTI 2:23

I ma i boo chɛ wooya kɔɔsa bia ɔ, yiimatɛ ee min dɔ. I‑a a ɔ sɔn fan, mbɛ chɛ ɛ na koɛ an na.

TAITƆSI 3:3

Mmɔ wandi wɛɛ, tima dɔ a mmɔ wooen ni, mmɔ nii kooya be, mɔɛ n na‑a mmɔ sɔ wan chia yama ma. Mmɔ ni yɔnɛ n fan na, mmɔ faa ma koe n dɔ, a basan dunya ma koe n na. Mmɔ na‑a tima gbɛɛ ya fɔɛ ɔ toomaya an dɔ, mɔɛ n tooenɛ ɛ mmɔ a, mmɔ wɛɛ tooenɛ ɛ mmɔ nyɔn na.

TAITƆSI 3:9

Chɛɛ wooya kɔɔsa bia, ni suun ma danɛ, ni ko a fasanɛ, a basan koɛ a Mosisi 'a sawa kun ma, i ma i boo chɛ a ɔ.

CHIMISI 1:14

Chɛɛ mɔ faa ma koe nu, miin ma nyin, an fan mbe mmɔ nande ko yama ma koe a.

CHIMISI 4:3

Chɛɛ wo sin gbu, wo ni Yataa ɔ tisa wɛɛ, wo ee an ma sɔn. Koe min na mu, wo 'a samunɛ ee ma a chia ma. Wo e samunɛ chɛ fen chɛ n fan ko a, wo faa ma koe n dɔ bɛn koe a.

1 PITA 1:14

Wo ma yɔ den mɛsɛ nu, miin kooen mu Yataa tena. A sin, fɔɛ chɛ ɔ, wo faa ma koe n ma ben wo ma. Koe chɛ nu, wo toen ni miin na, tima min na wo nii ma sakana bai chɛndɛ chɛ a min nin bɛ, a si Chisɔsi Chasi ma.

1 PITA 2:11

N dia nyɔɛ nu, sonda mu wo a nɛ dunya chɛ ɔ, mɔ gbama gbama nu. Chɛ an fɛ mu, n mbe wo disa tena, wo ma bea wo gboo faa ma koe n fan fɛ. Tima ɔ tima ko a, an koe chɛ n mbe butuin chɛ an na, wo fo koe a Yataa 'a bauncha a.

2 PITA 2:18

An mbe bai n fɔ wan, yiimatɛ ee miin dɔ, dɔpandaya bai nu. An mbe koe yama n ma to, miin na di an gboo n ye. An mbe chɛ n ma, mɔɛ chɛ n bia koe an na, mɔɛ chɛ miin‑na a kuu sɔ an kunɛ bɔ‑a an ko yama chɛ n dɔ.

2 PITA 3:3

Koe saa saa gbu, a nyin wo ni min dɔ sɔn an nɛ. Mbɛ tee dankama nɛnɛ chɛ n kɔɔ, Chisɔsi Chasi e na to na‑a, mɔɛ n mbe na‑a wan wo tɛ ɔ, miin mu yɔnɛ n na. An mu yɔnɛ n na, an 'na fɔɛ ɔ, an faa ma koe yama n boo ɔ. An mbe wo ma yɛn‑da wan.