CHIMISI 3:2 - Yataa 'a Dɔbɛnɛ Nama

² Tima sɛsɛ ko a, mmɔ ɛ nyinamaya sɛsɛ bɔ wan, mmɔ gbɛɛ. Chɛɛ mɔɛ min mbe che tachɛ‑a fɔɛ ɔ, a ma nyinamaya bai sa ni, mabɔ ee an mɔɛ chɛ ma. A sin, ɛ kun fan tachɛ koe a a wandi gbu a.

CHIMISI 3:2 ပူးပေါင်းရင်းမြစ်များ

MATIU 12:34

Wo yauaen ba chɛ nu yɔ ka. Bai chɛndɛ kan kɔ kan mbe ee che bɔ‑a wo da ɔ. A mu min na, mɔ gbu ɛ bai min sa, ɛ ka a faa ɔ wan.

MATIU 12:37

Wo da a bai n mbe wo yɛi‑a wan, wo da a bai n ni disa be wo ma.”

GBOO DOMI KO A 3:10

Ɛ wan yɔ Yataa 'a gboo‑a a fɔ buɛ min dɔ, a ɔ, “Mɔ dɔndɔ wɛɛ ee nɔ, min tanden mu Yataa chen kɔɔ.

GBOO DOMI KO A 7:21

Mbɛ chɛ‑a a ɔ yian gbɛ n na, mbɛ ɛ ma tena ka wan n ta fɔɛ ɔ. N toen mu bɛɛ n ni ko chɛndɛ ma, koe min ma nyin a ma koe a, n mbe an ya a ma koe a.

GBOO SAA KƆYINDI KO A 9:27

Chɛɛ n mbe n fandi gboo ma wan tindin, mbɛ n‑na n tachɛ buɛ ma mɛn. N mbe chɛ ma, min mbe a ma, Yataa ma na n na yɛ a boo kɔ, ni n ban‑da mɔɛ n chee‑a bui chɛ koe a.

Gboo Kadesia Ko A 3:22

Chɛɛ Yataa 'a gboo ɔ te, dunya gbɛɛ, ɛ ko yama 'a gbasaya an kɔɔ. Chɛ ko a, Yataa na‑a tooɔdia min chɛ, ɛ a be‑a chɛ n fan ma, miin mbe an kai fa‑a Chisɔsi Chasi a.

Gboo Kadesia Ko A 5:17

Koe min na mu, mmɔ faa ma koe yama nu, an ko a ma di Yataa Nyina ye. Yataa Nyina wɛɛ, a toen mu koe miin na, mmɔ wɛɛ ma to ni an na. Mɔgbuya chia, a kan kɔ sɔenɛ mu Yataa Nyina a. Chɛ an fɛ mu, tima ɔ tima ko a, wo ee che koe ma‑a wo toen mu min ma koe a.

Gboo Kɔdɔsai Ko A 1:28

A wan Chasi chɛ, nn mbe an bakoe ɔ yian mɔ ɔ mɔ a. Nn mbe dasi be tena wan, nn mbe ta‑a mɔɛ gbɛɛ kan‑da nn ta yiimatɛ chia gbɛɛ a. Chɛ ni a ma, nn ni kun a ma‑a, mɔɛ gbɛɛ ni na Yataa chen kɔɔ, an yiima da faenɛ ɛ, a si Chasi ma.

Gboo Kɔdɔsai Ko A 4:12

Wo bɔɛ dɔndɔ wɛɛ to, Ɛpafasi, min mu to Yataa 'a wai chɛ mɔɛ a, ɛ wo kɔndɔn tena. Tima ɔ tima ko a, ɛ samunɛ chɛ tena wan wo ko a, a faa gbɛɛ a. A ɔ, Yataa ni a ma, wo ni sɔ gban a ko a, wo yii na tɛenɛ ɛ gbae Yataa faa ma koe gbɛɛ ma, min mbe wo ko a.

GBOO IBU MƆƐ N KO A 13:21

a ni basan wo ma chia ɔ chia a, wo toen mu min na, a faa ma koe ma koe a. A sin ni a ma, Chisɔsi Chasi 'a gbasaya ɔ, mmɔ ni ko ɔ ko ma, min mbe a faa chima. A sin, tando ni ma Chasi tɔɛ ma, kuɔ fɔ ni kuɔ fɔ ko a. A ni ma ka.

CHIMISI 1:26

Ni mɔ ɔ mɔ‑a a fɔ, mbɛ Yataa sɔn mɔɛ mu a a, a ni a da a kuiɛ kun ma fɛn. Ni a ma chɛ ma ni, ɛ ma‑a ka a wandi an woo a. A ma Yataa sɔn.

CHIMISI 1:4

Wo 'a faabia ma ni munda, a da ni fa gban. Chɛ ɛ a ma‑a wan, wo ni ma yɔ Yataa toen mu buɛ min dɔ wo ma koe a. A sin, mabɔ kan kɔ kan mbe ee ma‑a wo ma fɔɛ ɔ.

CHIMISI 2:10

Mɔ sin mbe ee sawa gbɛɛ bia, i ni dɔndɔ yɔn. Mɔɛ min mbe chɛ ma, e wan dechee yɔ mɔɛ min‑na sawa gbɛɛ yɔn.

1 PITA 3:10

Ɛ wan yɔ Yataa 'a gboo‑a min fɔ. A ɔ, “Mɔ ɔ mɔ min toen mu a ni fɔɛ ɔ daun, tee chɛndɛ yen sɔɛ ɛ min yii ma, a ni a boo bɔ bai yama sa ɔ, mbɛ a sɛmbɛ‑a fania fɔɛ‑a.

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.