CHIMISI 3:16 - Yataa 'a Dɔbɛnɛ Nama

¹⁶ Kan kɔ kan, toomaya ɛ kaina, a yɛ to, mɔɛ n toen mu kaina dechee an fan ni ta ya ɔ ma, ko yama kan kɔ kan mbe nɔ wan. An kaina chɛ, koe a fasandenɛ mu nɔ tima ɔ tima.

CHIMISI 3:16 ပူးပေါင်းရင်းမြစ်များ

MAKI 3:25

Suunɛ wɛɛ ɛ ka wan, koɛ ɛ a yɔn fan. A yɛ to, ni koɛ ma‑a suun chen kan kɔ kan da a, an suun chɛ ee che sɔ‑a.

CHISƆSI 'A SƆ MƆƐ NU 19:29

Mbɛ mɔɛ n sɔnkɔ sɔnkɔ chɛ kuiɛ‑a duu wa gbu ɔ bɔ, a si an koe chɛ ma. Mbɛ an gbɛɛ‑a bui sa a a, mɔɛ n gbɛɛ bɛn tena chɛ duu chɛ ɔ. An‑na Kayɔsi bia wan, an ta‑a a a an boo ɔ, an fea Ayisitakɔsi a. Kayɔsi chɛ, an fea Ayisitakɔsi a, Masidonia chɛnyɛ mɔɛ n ni an na, miin bɛ na‑a na Pɔɔ a.

GBOO DOMI KO A 2:8

Chɛɛ mɔɛ nu, miin toen mu dechee an fandi a, an sin ma to ni tea a, an mbe bea ko yama n fan fɛ. An mɔɛ chɛ n tana, Yataa faa ɛ tɛ‑a wan an ma yama yama, a ni an tɔɔ.

GBOO SAA KƆYINDI KO A 14:33

Koe min na mu, Yataa ee koe ɔ basan basan, ɛ na kuiɛ dɔndɔya an na mɔɛ n tɛ ɔ. A sin mbe ka wan chɔchi n gbɛɛ ɔ, Yataa 'a mɔɛ n tɛ ɔ,

GBOO SAA KƆYINDI KO A 3:3

Koe min na mu, wo mu tun mɔɛ n fan na, miin faa ma koe n benden mu an ma. Toomaya ɛ wo tɛ ɔ, a basan koɛ a. Chɛ ɛ a ɔ yian fan, mbɛ wo e koe ma tena wan yɔ mɔɛ nu, miin mbe ee Yataa chia ma.

GBOO FEAN BƆƐ KƆYINDI KO A 12:20

N faa gbaaenɛ mu, kɔkɔɛ ni n che‑a wo tena, n mbe ee na‑a wo tan‑da, yɔ n toen mu n ni wo tan buɛ min dɔ. A sin to, kɔkɔɛ wo wɛɛ, wo ee na‑a to‑a n ma buɛ a, wo ta faa ma ɔ. N chiandenɛ mu, n ma na koɛ tan wo tɛ ɔ, a basan toomaya a. A yɛ to, faagbandia basan wo ta diana koe n dechee a, main chɛ basan ko ɔ fɔɛ a, dɔpanda basan ko a fasanɛ a.

Gboo Kadesia Ko A 5:20

A mu to fenɛ n fai koe an na, fenɛ miin ma Yataa a, ni yawa gbasi, a basan chɛɛ ma nyɔncha a. A yɛ to, koɔ wa, toomaya, ni faa gbandiaya. A sin, an mbe to dechee an fandi an na, mbɛ an du‑a ben‑da gbambe ma.

CHIMISI 3:14

Chɛɛ toomaya faenɛ ɛ mɔɛ min faa ɔ, a toenɛ ɛ dechee a faa ma koe n na, yiimatɛ tɔ ma a mɔɛ chɛ a. A yau ko yama tɔɛ gbɛɛ ma, a mɔɛ chɛ yii na chii koe a, mbɛ yiimatɛ tɔɛ mu a a.

1 CHƆN 3:12

Mmɔ ma ma yɔ mɔna chɛ, Ken, Sitana 'a mɔɛ, min‑na a dɔ kaima fa. A‑a chɛ ma koe min na, a na‑a a ɔ yen fan, mbɛ a ta chɛ chɛ wai nii ma nyin, chɛɛ a dɔɛ tanden fan ni Yataa tena.