CHIMISI 3:14 - Yataa 'a Dɔbɛnɛ Nama

¹⁴ Chɛɛ toomaya faenɛ ɛ mɔɛ min faa ɔ, a toenɛ ɛ dechee a faa ma koe n na, yiimatɛ tɔ ma a mɔɛ chɛ a. A yau ko yama tɔɛ gbɛɛ ma, a mɔɛ chɛ yii na chii koe a, mbɛ yiimatɛ tɔɛ mu a a.

CHIMISI 3:14 ပူးပေါင်းရင်းမြစ်များ

MATIU 27:18

Kɔfana Padeti‑a tisa chɛ chɛ, koe min na mu, a na‑a a ɔ sɔn fan, mbɛ toomaya an na‑a a ma, Chu n kun ti n na‑a Chisɔsi a a chen kɔɔ.

CHƆN 16:2

An mbe wo gbain‑da wan fɛsɛ fɛsɛ, a bɔ an 'na samun chɛ chenɛ a. A sin gbu, tima ɛ che‑a wan, mɔ ɔ mɔ min mbe wo dɔndɔ wɛɛ fa‑a, ɛ ma‑a wan a yii ma, mbɛ a‑a Yataa faa ma koe an ma ka.

CHISƆSI 'A SƆ MƆƐ NU 13:45

Chu mɔɛ chɛ nu, an‑na fanka wa chɛ yen kɛn, toomaya‑a an faa fa wan gban. Mbɛ an‑na Pɔɔ da a bai gbɛɛ kɔɔsa bia, an yɛ‑a to, an‑na a main.

CHISƆSI 'A SƆ MƆƐ NU 26:9

“N fandi gbu wɛɛ, n ni n yii na chii wan, ko kan kɔ kan ma koe a, min ni a ma, Chisɔsi tɔɛ ni fa, Nasaɛti mɔɛ chɛ.

CHISƆSI 'A SƆ MƆƐ NU 5:17

Mbɛ Chu n tɛ mɔ wa Yataa a, ni miin gbɛɛ ni a fɛ, miin ni Sadusii mɔɛ n na, an gbɛɛ too‑a wan yama yama Chisɔsi 'a sɔ mɔɛ chɛ n na. An gbɛɛ faa bɔ‑a wan.

CHISƆSI 'A SƆ MƆƐ NU 7:9

“Chekɔpi 'a den chɛ nu, an too‑a wan an dɔɛ Chosɛfi a, mbɛ an‑na a ma tachɛ mɔɛ n ma, miin ta‑a a a Ichipi chɛnyɛ ɔ. An mɔɛ chɛ n bɛɛ, an‑na Chosɛfi ma tachɛ wan yɔncha ɔ. Chɛɛ Yataa nii ma ka ni a fɛ,

GBOO DOMI KO A 1:29

Ko yama nu, an fan faenɛ an faa an na gban. An toen mu an bɔ n boo fenɛ n fan na, an toen mu to fen fen ni ma an dɔndɔ gbe ta a, an ma to ni an nyɔn na, an sin mbe an nyɔn fa wan. A yɛ to, an mbe butuinɛ chɛ, an mbe an nyɔn bun, an mbe ta‑a yiinachii yama chɛ‑a an nyɔn na. A sin to, an mbe an nyɔn tɔɛ ɔ tɛ ka wan.

GBOO DOMI KO A 13:13

Mmɔ a kuu sɔ tachɛ‑a chɛndɛ chɛ mmɔ wandi a, fɔɛ ɔ. Wo a ma yɔ mɔɛ nu miin mbe koe n na tachɛ tena chɛndɛ tee a. A yɛ to, wo ma wo boo chɛ gbɛ min kɔmpini ɔ, a basan ko tɛ gbɛɛ a. A sin, wo ma butuin chɛ, wo sin ma too wo nyɔn na.

GBOO DOMI KO A 2:17

Chɛɛ wo tana, wo wɛn yii na koen mu, mbɛ Chu mɔɛ mu wo a, wo yii faen mu Yataa 'a sawa chɛ an ma, Mosisi na‑a min na ben wo tena. A sin, wo e yonka tɛ tena wan, mbɛ Yataa faa ma mɔɛ n mu wo a.

GBOO DOMI KO A 2:8

Chɛɛ mɔɛ nu, miin toen mu dechee an fandi a, an sin ma to ni tea a, an mbe bea ko yama n fan fɛ. An mɔɛ chɛ n tana, Yataa faa ɛ tɛ‑a wan an ma yama yama, a ni an tɔɔ.

GBOO SAA KƆYINDI KO A 13:4

Faabia, an mbe koadia ɔ, a basan chinchimaya a. Toomaya ee koadia ɔ, yonkatɛ ee a ɔ, dɔpandaya wɛɛ ee a ɔ.

GBOO SAA KƆYINDI KO A 3:3

Koe min na mu, wo mu tun mɔɛ n fan na, miin faa ma koe n benden mu an ma. Toomaya ɛ wo tɛ ɔ, a basan koɛ a. Chɛ ɛ a ɔ yian fan, mbɛ wo e koe ma tena wan yɔ mɔɛ nu, miin mbe ee Yataa chia ma.

GBOO SAA KƆYINDI KO A 5:2

Koe an nɛ, wo e di chɛ min na. Chɛɛ chɛ gbɛɛ ɔ, wo e dɔpanda an bɔ tena. Chɛɛ wo ni an mɔ bonda chɛ gbain fan, min‑na ko bonda chɛ ma, a ni bɔ wo tɛ ɔ chɔchi ɔ.

GBOO SAA KƆYINDI KO A 5:6

Wo e yonka min tɛ ka, a si wo 'a chɔchi ma, a yau gba wo ko a. An mbe a fɔɛ min chɛ, an dɔ, yisin denɛ chɛenɛ feawa funku ɔ, an dɔ, an mbe a ma, feawa funku gbu ɛ sɛ wa chɛ, wo‑a a tɛnsɛ buɛ sɔn fan.

GBOO FEAN BƆƐ KƆYINDI KO A 12:20

N faa gbaaenɛ mu, kɔkɔɛ ni n che‑a wo tena, n mbe ee na‑a wo tan‑da, yɔ n toen mu n ni wo tan buɛ min dɔ. A sin to, kɔkɔɛ wo wɛɛ, wo ee na‑a to‑a n ma buɛ a, wo ta faa ma ɔ. N chiandenɛ mu, n ma na koɛ tan wo tɛ ɔ, a basan toomaya a. A yɛ to, faagbandia basan wo ta diana koe n dechee a, main chɛ basan ko ɔ fɔɛ a, dɔpanda basan ko a fasanɛ a.

Gboo Kadesia Ko A 5:15

Chɛɛ ni wo‑a wo nyɔn chin, wo ni wo nyɔn kasaa, chɛ ni ma wo yii ma. Mbɛ ni wo ma tima ya ni, wo e ban‑da wan wo nyɔn kasaa‑a gbae.

Gboo Kadesia Ko A 5:20

A mu to fenɛ n fai koe an na, fenɛ miin ma Yataa a, ni yawa gbasi, a basan chɛɛ ma nyɔncha a. A yɛ to, koɔ wa, toomaya, ni faa gbandiaya. A sin, an mbe to dechee an fandi an na, mbɛ an du‑a ben‑da gbambe ma.

Gboo Kadesia Ko A 5:21

An ya ɛ ma an bɔɛ n boo fenɛ n fan fɛ, an mbe gbɛ wa min, an mbe daun chɛ bɛnɛ bia wan tima ɔ tima ko a, an mbe ko sɛsɛ dɔ gbɛɛ ma. N sin, n na‑a wo a si buɛ min dɔ a saa a, ka n mbe wo a si to sanche. Mbɛ mɔɛ miin mbe koe chɛ n ma‑a, an mbe ee na‑a don‑da Yataa 'a mansaya kɔɔ.

Gboo Kadesia Ko A 5:26

Mmɔ ma yonka tɛ, mmɔ sin ma sɛ mmɔ nyɔn faa ma, mmɔ sin ma toomaya bɔ mmɔ nyɔn na.

Gboo Kadesia Ko A 6:13

Koe min na mu, mɔɛ chɛ n bɛɛ gbu, miin na kaminchaen mu, an bɛɛ gbu ee an sawa bia tena. Chɛɛ an toen mu, wo a ni kamincha, min mbe a ma, an ni tɔmbɔɛ chɛ wo gboo a.

Gboo Fiipai Ko A 1:15

An dɔ n gbu, an mbe sakana chɛ, a si Chasi ma, a ɔ yian toomaya faa an na, a basan koɔ yanɛ a. Chɛɛ an dɔ n sin, an mbe a ma, yiinachii chɛndɛ an na.

Gboo Fiipai Ko A 2:3

Wo ma ko ɔ ko ma, wo wandi ta tɔnɔnɛ ko a dechee. Wo ma yonka tɛ, wo wandi ɔ koa koe a. Chɛɛ wo wo wandi ma yii, wo ni mɔ dɔ mende n ya, a ben wo wandi gbu ma.

1 TIMOTI 2:4

A mu min na, a toen mu mɔ ɔ mɔ ni tea chia sɔn, mɔ ɔ mɔ ni bauncha ma sɔn.

1 TIMOTI 6:4

a mɔɛ chɛ mu dɔpanda tɔɛ an na, a ma ko ɔ ko sɔn. Koɔ chɛ gbandi an mbe an ma, an sin mbe kɔɔsa bia chɛ wan kɔnɔ bai kan kɔ kan ma. Chɛ ɛ na toomaya an na, ko a fasanɛ, nyɔn mainɛ, a basan yii sɔ yama a an nyɔn na.

TAITƆSI 3:3

Mmɔ wandi wɛɛ, tima dɔ a mmɔ wooen ni, mmɔ nii kooya be, mɔɛ n na‑a mmɔ sɔ wan chia yama ma. Mmɔ ni yɔnɛ n fan na, mmɔ faa ma koe n dɔ, a basan dunya ma koe n na. Mmɔ na‑a tima gbɛɛ ya fɔɛ ɔ toomaya an dɔ, mɔɛ n tooenɛ ɛ mmɔ a, mmɔ wɛɛ tooenɛ ɛ mmɔ nyɔn na.

CHIMISI 1:18

Yataa wandi gbu ta dɔbɛn chɛndɛ ɔ mu, a‑a mmɔ ya a ta denɛ n na. Yataa‑a a ma wan, a 'a bai, min mu tea a, a‑a fɔɛ nama be mmɔ ma. Chɛ‑a a ma wan, fen fen a na‑a min na dan, mmɔ wan mu a saa a.

CHIMISI 3:16

Kan kɔ kan, toomaya ɛ kaina, a yɛ to, mɔɛ n toen mu kaina dechee an fan ni ta ya ɔ ma, ko yama kan kɔ kan mbe nɔ wan. An kaina chɛ, koe a fasandenɛ mu nɔ tima ɔ tima.

CHIMISI 5:19

N suun ma nyɔɛ nu Chasi ɔ, ni wo dɔndɔ wɛɛ ka‑a Yataa 'a tea chia ma, a suun ma nyɔɛ dɔ mende ni a ma, a ni yɛ a ma.