CHIMISI 3:13 - Yataa 'a Dɔbɛnɛ Nama

¹³ Wo tɛ ɔ, ni mɔɛ min yiima tɛen mu, a‑a koe ɔ gbɛ, an mɔɛ chɛ ni chɛ ma. Mɔɛ n ni a ɔ yen, fɔɛ chɛndɛ ma, ɛ min dɔ. An ni a ɔ yen ko chɛndɛ ma, ɛ min ma, yonka ee a fɛ. Chɛ an mbe yiimatɛ ɔ yian.

CHIMISI 3:13 ပူးပေါင်းရင်းမြစ်များ

MATIU 11:29

Wo kooya be n ma. Wo ni n 'na kanɛ sɔn. N chinchinchaen mu, a yɛ to, n dɔ ma fasi ni. Ni wo puin‑da n chen gba ɔ, wo e suinɛ ma sɔn‑da wan.

MATIU 21:5

“Wo a fɔ mɔɛ n ye Chuusaɛn duu wa chɛ ɔ, wo ɔ, an ni an ya a ta, an 'na mansa yen ko na‑a an tena. Wo ɔ, a ɔ ma panda ni. Wo ɔ, a sin mbe si ɔ sofɛ an kɔ, sofɛ den tɔngbɔɛ kaima.”

MATIU 5:5

“Mɔɛ miin dɔ ma fasi ni, an duaen mu. Yataa ɛ duu gboo chɛ gbɛɛ be‑a wan an ma, an ta a.

MATIU 7:24

Chisɔsi ɔ, “Chɛ an‑na a fɔ, mɔ ɔ mɔ kan kɔ kan, min mbe n 'na bai chɛ n na min‑da, mbɛ a‑a an ma, yɔ n toen mu buɛ min dɔ an ma koe a, ɛ nyan‑da wan a ko a. Ɛ ma‑a ka wan, yɔ yiimatɛ kamin chɛ, min‑na a 'a chenɛ sɔ faa gbanɛ ma.

GBOO SAA KƆYINDI KO A 6:5

Bai chɛ ma mauen mu, wo ko a. Mɔ dɔndɔ gbe gbu wɛɛ, ɛ wan nɔ wo tɛ ɔ, min yiima tɛen mu, bai sa koe a, wo dechee tɛ ɔ chɔchi ɔ.

GBOO FEAN BƆƐ KƆYINDI KO A 10:1

N fan Pɔɔ, n fan mbe ka wo disa tena. N fɛn mu ka, an dɔ, n ma chimaen mu, n mbe ma wo baima, n sin mbe wo bia wan chinchincha a. An dɔ, chɛɛ ni n ka‑a wo baima, n mbe wo bia wan faaakɔɔɛ a. N mbe wo disa tena, machimaya ɔ, a basan chinchincha a, Chasi ni min yian.

GBOO FEAN BƆƐ KƆYINDI KO A 8:24

Nn‑na yonka tɛ wan, a si wo ma, mɔna chɛ n tena. Chɛ ko a, wo a ɔ yian mɔɛ chɛ n na, a basan chɔchi n gbɛɛ a, mbɛ nn‑na tea yonka an tɛ, a si koadia ma wo faa ɔ.

Gboo Kadesia Ko A 5:23

A yɛ to, mɔɛ ni a ma chima, a sin, mɔɛ e kun fan i faa ma. Chɛ nɛnɛ nu, sawa kan kɔ kan mbe ee sɔ an na.

Gboo Kadesia Ko A 6:1

N suun ma nyɔɛ nu Chasi ɔ, wo e a ɔ yen‑da wan, mbɛ mɔɛ ɛ wo tɛ ɔ, ko yama kun‑da min ma. Yataa Nyina ɛ wo wɛn sɔ tena wɛ chia chɛndɛ ma, wo tima ya, wo ni an mɔɛ chɛ sɔ chia chɛ ma. Wo wandi gbu wɛɛ, wo wo kun ma fɛn, wo yiima ma na mun, a ka an chia ma.

Gboo Kadesia Ko A 6:4

Chɛɛ mɔ ɔ mɔ ni a wandi gbu tachɛ buɛ ma mɛn. A tima a mu, mɔ ɔ mɔ ɛ a ɔ yen‑da, mbɛ mɔɛ e yonka tɛ i wandi an ko a dechee, chɛɛ i bɔɛ ma.

Gboo Ɛfisɔsi Ko A 4:2

Tima ɔ tima ko a, wo ni wo wandi ma yii, wo faa ma gbandia, wo sin ni wo faa bia. Wo wo faa bia wo nyɔn na. Wo e kun‑da wan koadia yian‑da.

Gboo Fiipai Ko A 1:27

Koe chenama mu gbɛ min na sanche, an nɛ. Wo koe n ma, wo 'a fɔɛ ɔ, yɔ mɔɛ nu miin dan‑da sakana bai chɛndɛ chɛ a, a si Chasi ma. Chɛ an mbe a ma‑a, n ni na wo tena, n ma na wɛɛ wo tena, n mbe wo ma tɔ chɛndɛ a min‑da wan. Mbɛ wo e sɔ ɔ gban, wo yiima a kandenɛ ɛ, wo kuiɛ a kandenɛ ɛ. A sin, wo e wan wo boo si‑a wo nyɔn kɔɔ wo sɔɛ gbɛɛ a, danaya chɛ ko a, min mbe bɔ sakana bai chɛndɛ chɛ ɔ.

Gboo Kɔdɔsai Ko A 3:12

Wo gbɛɛ, wo e gbɛ Yataa an na boo ma. A to‑a wan wo a, a sin‑na a boo sɔ wan wo ma, a ta mɔɛ n na. Chɛ an‑na a fɔ, chinchimaya faa ni ma wo ɔ, ni ko chɛndɛ ma faa. A yɛ to, wo ni wo wandi ma yii, wo ni wo ma chima, a sin, wo ni wo faa bia.

1 TIMOTI 4:12

I ma a ma mɔ ɔ mɔ ni a yii dɛn i ta kun ma, i kamin tɔngbɔya koe a. Chɛɛ ma tɔmɔsi a an ko a chia sɛsɛ a, i da a bai basan i sɔnɛ ɔ, koadia ɔ, danaya ɔ Chisɔsi a, a sin ma bɔ ee i sɔnɛ ma.

1 TIMOTI 6:11

Chɛɛ min sien mu i ma, i wɛn‑na i wandi be Yataa ma, i ya ka chɛ gbɛɛ a. I tana, tan Yataa tena, ma Yataa fɔɛ ɔ, danaya ni ma i ɔ Chisɔsi ko a, a basan koadia a, faabia, ni machimaya.

2 TIMOTI 2:25

A mu mɔɛ an na, min mbe tima ya, a chɛɛ ma nyɔɛ n gba yama yian koe a an na, a faa chimaenɛ ɔ. Koe min na mu, kɔkɔɛ Yataa ɛ a ma‑a wan, an ni an kan kɔ sɔ an 'na ko yama a, mbɛ an‑na an ya a mun tea ma.

TAITƆSI 3:2

An ma bai yama sa mɔ ɔ mɔ ma, an ni an boo bɔ koɛ ɔ, an ni ma mɔ ma chimaenɛ n na, miin mbe basɔmaya be mɔ ɔ mɔ ma.

GBOO IBU MƆƐ N KO A 13:5

Kɔpɔɛ wakoe ma ma wo faa ɔ kaka. Chɛɛ fen kɔ fen min mbe wo boo ɔ, wo bu ɔ ni dia, mbɛ ɛ wo boo ɔ. Koe min na mu, Yataa‑a a fɔ wan a 'a gboo ɔ, a ɔ, “N mbe ee i dɔndɔ gbe to‑a, n sin, n mbe ee i boo ka‑a.”

CHIMISI 1:21

Chɛ an fɛ mu, wo ni wo boo bɔ ko yama gbɛɛ ɔ wo 'a fɔɛ ɔ. Wo ni wo boo si a 'a sakana bai chɛ kɔɔ, min been mu wo ma. Bai chɛ, a‑a a kun a ma koe a, wo ni bauncha ma sɔn.

CHIMISI 2:18

Chɛɛ mɔɛ dɔ nu, an mbe a fɔ‑a gbɛ, an dɔ, Chisianɛ dɔ n yen ko, an kai faenɛ mu Chisɔsi a. An dɔ, Chisianɛ dɔ n sin, an mbe ko chɛndɛ an ma. Chɛɛ n ni chɛ fɔ gbɛ an mɔɛ chɛ n ye, mbɛ n mbe ee a ɔ yen, ni mɔɛ kai faen fan mu Chisɔsi a, ni n ma a 'a ko chɛndɛ ma gba yen ni. Chɛɛ n tana, n mbe a ɔ yian fan, mbɛ n kai faen fan mu Chisɔsi a, n 'na ko chɛndɛ ma an dɔ.

CHIMISI 3:1

N suun ma nyɔɛ nu Chasi ɔ, wo sɛsɛ ma ma ticha n na, mɔɛ n kan koe a chɔchi n dɔ. Koe min na mu, mmɔ wan kan chɛ mɔɛ chɛ nu, Yataa ɛ kaa a tɛ‑a wan, a si mmɔ ma, faaakɔɔɛ wandi gbu a, a ben mɔɛ tɔɛ n ma.

CHIMISI 3:17

Chɛɛ koe saa saa mu min na, Yataa ta yiimatɛ, ko ɔ ko ee a ma. Sɔnkɔ sɔnkɔ ee a kɔ chia a, faachima an mbe a ɔ. A yɛ to, basamaya an be a ɔ, chinchimaya, ni ko chɛndɛ ma. Yiimatɛ an nɛ, min mbe ee mɔ ya bɔ, nɛnɛn feaya sin mbe ee a ɔ.

1 PITA 1:15

Chɛɛ wo e koe miin ma, an ni ma ko chɛndɛ n dechee an na. Wo ni ma yɔ Yataa, min na‑a wo chee, a ee ko yama kan kɔ kan ma.

1 PITA 2:12

Wo sɔnɛ n ma ni kawa mɔɛ chɛ n tɛ ɔ, miin ma Yataa sɔn. An mbe a ma‑a, ni mɔɛ n‑na wo chee wɛɛ ko yama ma mɔɛ n na, an mbe wo sɔn chɛndɛ chɛ yen‑da wan. Chɛ an mbe a ma‑a an ni tando be Yataa ma, a na tee ma.

1 PITA 2:9

Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.

1 PITA 3:4

Chɛɛ nyanɛ ɛ wan nɔ, min kun ma ee ka, an mu musu sɔnɛ a. Musu ni tima ya tachɛ koe a mɔ dɔ mende n na, a sin, sɔnkɔ sɔnkɔ nyina ma ma a fɛ. Nyan chɛ nyɔn sima, an ma kawaen mu Yataa tena.