CHIMISI 3:1 - Yataa 'a Dɔbɛnɛ Nama

¹ N suun ma nyɔɛ nu Chasi ɔ, wo sɛsɛ ma ma ticha n na, mɔɛ n kan koe a chɔchi n dɔ. Koe min na mu, mmɔ wan kan chɛ mɔɛ chɛ nu, Yataa ɛ kaa a tɛ‑a wan, a si mmɔ ma, faaakɔɔɛ wandi gbu a, a ben mɔɛ tɔɛ n ma.

CHIMISI 3:1 ပူးပေါင်းရင်းမြစ်များ

MATIU 10:24

“Kan chɛ mɔɛ benden mu a 'a kan denɛ ma. Bɔi denɛ wɛɛ, an na ma kan ni, an fea a ti a.

MATIU 23:13

Mbɛ Chisɔsi‑a a fɔ, a ɔ, “Wo wan sawa kan mɔɛ chɛ nu, wo wan Fayisii nu, koe min mbe wo tan‑da, a yau gba wo ko a. Nɛnɛn fea ti mu wo a. Koe min na mu, wo ban‑da don koe a Yataa 'a mansaya kɔɔ, mbɛ wo‑a chia tɛ wo bɔ n bɛɛ ya ɔ don koe a nɔ.

MATIU 9:11

Mbɛ Fayisii n‑na chɛ ɔ yen kɛn, mbɛ an‑na a fɔ Chisɔsi fɛ denɛ n ye, an dɔ, “Wo kan mɔ yen ko, a ɛ daun chɛ‑a kaina dɔndɔɛ, an bɛ pawa kain mɔɛ n na, a basan mɔɛ n na, miin mbe ee sɔ ɔ Yataa 'a chia ma.”

DUKU 16:2

Chɛ fɛ, a‑a mɔɛ a ta wan wai chɛ mɔɛ chɛ chee‑a. A na‑a kɛn, nyan tɔɛ chɛ‑a a fɔ wan a ye, a ɔ, ‘N‑na koe miin na min, a si i ma, an na ma di n ye.’ A ɔ, ‘Na,’ a ɔ, ‘i ni i konan a si i 'a wai gbɛɛ ma, e min chɛ tee.’ A ɔ, ‘A mu min na,’ a ɔ, ‘e ee che to ma‑a n boo fen kan kɔ kan kun ma.’

DUKU 6:37

Chisɔsi ɔ, “Wo ma wo bɔɛ n ma bɔ. Ni wo ma chɛ ma ni, Yataa wɛɛ ee kaa a tɛ‑a wo wakoe ma. Wo ma kaa yama a tɛ. Ni wo ma chɛ ma ni, Yataa wɛɛ ee wo yɛi‑a. Wo wo boo bɔ wo bɔɛ n 'na ko yama maenɛ n dɔ wo a. Ni wo‑a chɛ ma, Yataa wɛɛ‑a a boo bɔ‑a wan wo ta ko yama maenɛ n dɔ.

CHƆN 3:10

Mbɛ Chisɔsi wɛɛ ɔ, “I sin, i ticha wa chɛ Isɔɛɛ mɔɛ n tɛ ɔ, fen mu ee chɛ n dɔ gbɛ?

CHISƆSI 'A SƆ MƆƐ NU 13:1

Mɔɛ n ni wan nɔ Andiɔki duu ɔ, miin ni Yataa 'a gbonka chɛ mɔɛ n na, a basan a 'a kan chɛ mɔɛ n na. Banabasi ni an mɔɛ chɛ n dɔndɔ an na, ni Simiyɔn bɛɛ, an ni min chee, an dɔ, Simiyɔn finɛ. A yɛ to, Sɔɔ wɛɛ, ni Dusiɔsi, min ka‑a Sayini duu ɔ, an fea Manaɛn na, min bɔ‑a a ɔ chen dɔndɔɛ a, an fea Mansa Ɛdɔdi Andipasi a.

GBOO SAA KƆYINDI KO A 12:28

Yataa‑a sɔ tena koe ɔ bɛn fan, Chisianɛ n tɛ chɔchi ɔ. A saa ma‑a min na, a‑a a boo sɔ wan Chasi 'a sɔ mɔɛ n ma. A fean bɔɛ mu, a wan Yataa 'a gbonka chɛ mɔɛ n fan na. A sawan bɔɛ mu, mɔɛ n kan mɔɛ n fan na. Chɛ gbakɔ, mɔɛ miin mbe kamaya koe n ma, ni chɛ nu gbasaya be‑a miin ma, mɔɛ n danda koe a, deman koe a an ma, an sɔ koe wɛɛ a chia chɛndɛ ma, a basan kamaya bai n fɔ koe a, miin dɔ ee gbɛ ka dechee.

GBOO FEAN BƆƐ KƆYINDI KO A 5:10

Koe min na mu, mmɔ gbɛɛ, mmɔ ɛ sɔ‑a wan Chisɔsi chen kɔɔ tee dankama tee ma, a ni kaa a tɛ mmɔ wakoe ma. Ɛ mmɔ gbɛmbo‑a wan dɔndɔ dɔndɔɛ a. Mɔ ɔ mɔ sin mbe koe miin ma‑a, dunya ma gboo chɛ ɔ, an koe n ni nyan, an ni yaua wan, mɔ ɔ mɔ ɛ an pawa ma sɔn‑da.

Gboo Ɛfisɔsi Ko A 4:11

A wan‑na koadia demanɛ chɛ mɔɛ n na, ma koe dama dama. A‑a mɔɛ dɔ n ma a 'a sɔ mɔɛ n na, mbɛ a‑a dɔ n ma Yataa 'a gbonka chɛ mɔɛ n na. Dɔ n sin, a‑a an ma Yataa bai sa mɔɛ n na, mbɛ a‑a gbasaya be dɔ n sin ma, an bɔɛ n sɔ koe a chia ma, a basan an kan koe a Yataa bai a.

1 TIMOTI 1:7

An toen mu an ni mɔɛ n kan Mosisi 'a sawa a, an kuiɛ ma sɛenɛ a. Chɛɛ an ma sawa gbu ɔ gbɛ ni, a basan koe chɛ n na, sawa ɛ min fɔ tena.

1 TIMOTI 2:7

Chɛ ko a mu, a‑a n ya sɔ mɔɛ a, sakana bai chɛndɛ ɔ yian koe a. N ni mɔɛ n kan, Chu mɔ ma miin na, dan koe a Chisɔsi a, a basan tea sakana bai chɛndɛ a. N mbe ka tea an fɔ‑a, fania ma chɛ a.

2 TIMOTI 1:11

Sakana bai chɛ ko a mu, a‑a n ya sɔ mɔɛ a, n ni kanɛ chɛ, mbɛ n‑na a ɔ yian mɔɛ n na.

GBOO IBU MƆƐ N KO A 13:17

Wo kooya be wo ya ɔ sɔɛ n ma, wo ni bea an da a kuiɛ n fɛ. An fan mbe wo kun ma fɛn tena, tima ɔ tima ko a. Koe min na mu, an mbe na‑a wan a ɔ yian‑da Yataa a, an ni wo kun ma fɛn buɛ min dɔ. Ni wo‑a kooya be an ma, an mbe an 'na wai chɛ‑a buɔdia an na. Ni wo ma kooya be ni an ma, an mbe a chɛ‑a faa yɔnɛ an na. A sin mbe ee ma‑a ko a tenden na wo tena.

CHIMISI 1:16

N suun ma nyɔɛ nu Chasi ɔ, wo ko a di n ye. Wo ma dɔn mɔ ɔ mɔ ni wo bun.

CHIMISI 1:19

N suun ma nyɔɛ nu Chasi ɔ, wo ko a di n ye. A sin, wo chɛ sa wo yii ma. Ni wo too ma sɔ koe mu, wo ma tima yayi a ma sɔ koe a. Chɛɛ wo tima ya koɔ koe a. Wo ni tima ya, faatɛ bɔ koe a.

CHIMISI 3:10

Mmɔ da dɔndɔ gbe chɛ, an mbe Yataa tando, mbɛ a yɛ‑a to, bai yama bɔ‑a a ɔ. N suun ma nyɔɛ nu Chasi ɔ, chɛ ma nyin ɛnden bɛɛ a.

1 PITA 5:3

Wo ma ma mansa n na mɔɛ chɛ n kun ma, Yataa‑a miin be wo ma an kun ma fɛn koe a. Chɛɛ wo sɔnɛ ni ma tɔmɔsi chɛndɛ a an tena, a nyin an ni bea min fɛ.