CHIMISI 2:9 - Yataa 'a Dɔbɛnɛ Nama

⁹ Chɛɛ ni wo ma samba‑a nyan tɔɛ n dechee an ko a, wo e ma‑a ka ko yama an ma‑a. Koe min na mu, wo e ma‑a ka sawa chɛ an yɔn‑da.

CHIMISI 2:9 ပူးပေါင်းရင်းမြစ်များ

CHƆN 16:8

Ni n sin‑na a ma a na‑a, ɛ a ma‑a wan, mɔɛ dɔ nu dunya chɛ ɔ, an ni a ɔ sɔn fen mu ko yama a. A yɛ to, an ni a ɔ sɔn, an mbe ma buɛ min dɔ an ni tan Yataa tena. Mbɛ a yɛ‑a to, a‑a a ɔ yian an na, Yataa ɛ kaa a tɛ‑a buɛ min dɔ.

CHƆN 8:46

Wo dɔndɔ wɛɛ ee nɛ, min mbe kun a ɔ yian‑da, mbɛ ko yama ma mɔɛ mu n na. N mbe tea an fɔ, a sin nyin fan wo ni dan n da a kuiɛ a.

CHƆN 8:9

A tima chɛ a gbɛ, mɔɛ chɛ miin gbɛɛ na‑a a da a bai chɛ a min, an bun‑da an fandi kanka‑a dɔndɔ dɔndɔɛ a. Chenanɛ n pɛn tuin‑da, mbɛ a tɔɛ n‑na a sɔ an fɛ. Chisɔsi ma gbaaenɛ to‑a nɔ, an fea an musu chɛ a sɔ ɔ tun.

CHISƆSI 'A SƆ MƆƐ NU 10:34

Mbɛ Pita bun‑da koɔ‑a, a ɔ, “Sanche mu ka gbɛ, n‑na a ɔ sɔn, tea ko a, mbɛ Yataa ee mɔ gbu gbɛɛ tɛ bɔ.

GBOO DOMI KO A 3:20

Koe min na mu, ni mɔɛ toen mu Yataa ni a ya mɔ tandenɛ a, sawa a tachɛ koe a gbee a, an mbe ee a ma chɛ ni ma. Chɛɛ sawa chɛ ɛ koe min ma, ɛ a ma wan mɔɛ n ni a ɔ sɔn, mbɛ ko yama ma mɔɛ mu mmɔ a.

GBOO SAA KƆYINDI KO A 14:24

Chɛɛ ni mɔɛ gbɛɛ ma‑a Yataa bai sa an na, mɔɛ n tena, mbɛ ko sɔn bai don‑da, a yiima ɛ mun‑da wan. Chɛ ma, mɔɛ wɛɛ, min ma a kai fa ni Chisɔsi a, a wɛɛ ta ɛ mun‑da wan. An mbe min na min‑da, ɛ a ma‑a wan, an 'na ko yama ma ni boo an ma. An mbe min gbɛɛ a min‑da, an mbe kaa a tɛ‑a, a si an tachɛ buɛ ma.

Gboo Kadesia Ko A 2:19

Koe min na mu, Yataa 'a sawa ko a ni dechee, Chasi fa‑a. Chɛ‑a a ma wan, n fa‑a wan, sawa chɛ ta fɛ chia a, min mbe a ma, n ni ma Yataa ta fɔɛ ɔ. An ban‑da gbɛ n fa‑a, kɔn gbengbandenɛ ma, nn fea Chasi a.

1 CHƆN 3:4

Mɔ ɔ mɔ min mbe ko yama ma, Yataa 'a sawa yɔn mɔɛ mu. Koe min na mu, ko yama ma, a mu Yataa 'a sawa yɔnɛ an na.

CHUDA 1:15

A ɔ, ɛ na‑a wan mɔɛ n gbɛɛ gbɛmbo koe a. A ɔ, mbɛ mɔɛ chɛ nu, miin ma Yataa sɔn, a ɔ, mbɛ kaa a tɛ‑a an 'na ko yama n gbɛɛ ma. A ɔ, ko yama chɛ n gbɛɛ, a ɔ, a basan an 'na bai yama n gbɛɛ a, an‑na miin sa a si a ma.