CHIMISI 2:25 - Yataa 'a Dɔbɛnɛ Nama

²⁵ Ko tɛ musu dɔndɔ wɛɛ, min tɔ ni Daabi, wo a yen bɛ. Mɔɛ ni a a, min na‑a sonda chɛ n nun, mbɛ a‑a chia dɔ mende yian an na, an ta‑a min na. Chɛ na‑a musu chɛ ma wan mɔ tandenɛ a Yataa tena.

CHIMISI 2:25 ပူးပေါင်းရင်းမြစ်များ

MATIU 1:5

Samon an‑na Bowasi suun, min de tɔ ni Daabi. Bowasi an‑na Wobɛdi suun, min de tɔ ni Dutu. Wobɛdi‑a Chɛsi suun.

MATIU 21:31

Den fea chɛ n tɛ ɔ, nyɔn‑na a fa faa ma koe ma?” Mbɛ an dɔ, “Denɛ chenama chɛ.” Mbɛ Chisɔsi ɔ, “N ni a ma din wo tena, mbɛ mɔ yama chɛ nu, miin mu pawa bia mɔɛ chɛ n na, an bɛ duu dia chɛ n na, an fan mbe ka don‑da Yataa 'a mansaya kɔɔ wo ya ɔ. Chɛɛ wo tana, wo ee don‑da nɔ sanche.

CHISƆSI 'A SƆ MƆƐ NU 17:7

Chason chɛ sin fan‑na a boo si an kɔɔ. An gbɛɛ sin, an mbe Domi kun ti wa 'a sawa n fan yɔn tena. An mbe a fɔ tena wan, mbɛ mansa dɔ mende ɛ wan nɔ, min benden mu a ma. An dɔ, a tɔ mu Chisɔsi.”

GBOO IBU MƆƐ N KO A 11:31

Daabi na‑a a kai fa wan Yataa a. Chɛ na‑a a ma wan, a ni wɛɛ duu dia a, kanda chɛ na‑a bɔn tima min na, a kun ma to ni a ɔ. Koe min na mu, a na‑a a boo si wan mɔɛ chɛ n kɔɔ, miin na‑a na da tɛ chɛ tena. Mɔɛ tɔɛ n tana, miin nii Yataa da a kuiɛ ma, an kasaa‑a wan.

CHIMISI 2:18

Chɛɛ mɔɛ dɔ nu, an mbe a fɔ‑a gbɛ, an dɔ, Chisianɛ dɔ n yen ko, an kai faenɛ mu Chisɔsi a. An dɔ, Chisianɛ dɔ n sin, an mbe ko chɛndɛ an ma. Chɛɛ n ni chɛ fɔ gbɛ an mɔɛ chɛ n ye, mbɛ n mbe ee a ɔ yen, ni mɔɛ kai faen fan mu Chisɔsi a, ni n ma a 'a ko chɛndɛ ma gba yen ni. Chɛɛ n tana, n mbe a ɔ yian fan, mbɛ n kai faen fan mu Chisɔsi a, n 'na ko chɛndɛ ma an dɔ.

CHIMISI 2:22

Wo‑a a ɔ yen fan, mbɛ a kai faen ni buɛ min dɔ Yataa a, an fea a chɛ chɛ wai a, an na kanden fan ni. Koe min na mu, a chɛ chɛ wai na‑a a ɔ yian fan, a kai faen mu buɛ min dɔ Yataa a.

CHIMISI 2:24

Chɛ‑a a ɔ yian wo a, mbɛ kaifa dechee Yataa a, a ma koe a. Chɛɛ mɔɛ ɛ ko chɛndɛ miin bɛɛ ma, an mbe wan nɔ, mɔ ya koe a mɔ tandenɛ a Yataa boo ɔ.