CHIMISI 2:21 - Yataa 'a Dɔbɛnɛ Nama

²¹ Wo‑a a ɔ sɔn fan, mmɔ bemba n ta bemba, Ebeami, koe min na‑a a ma, Yataa na‑a a ya mɔ tandenɛ a. A 'a den dɔndɔ gbe, Aisaki, a ni an be tena yasi a, sen gbengbe ma.

CHIMISI 2:21 ပူးပေါင်းရင်းမြစ်များ

MATIU 12:37

Wo da a bai n mbe wo yɛi‑a wan, wo da a bai n ni disa be wo ma.”

MATIU 3:9

Wo ma wo yii na chii kafai be koe a, mbɛ Ebeami cheeya mu wo a. A ni ma wo yii ma, mbɛ Yataa ɛ kun fan a ni sen chɛ n ya, a ni Ebeami cheeya n nyan an dɔ.

DUKU 1:73

A 'a kai chɛ, mmɔ bemba n ta bemba Ebeami tena,

DUKU 16:24

Mbɛ a‑a chee chɛ, a ɔ, ‘Fa Ebeami, n mbe nɛ tɔɔya wa an dɔ ta chɛ ɔ. Chinchin n ma, i ni Dasayɔsi sɔ n tena. A ni a boo ɛndenɛ don yii ɔ, a ni na, mbɛ a‑a a puin n da ɔ, min mbe a ma, n nɛnɛnɛ ma ni chima.’

DUKU 16:30

Mbɛ nyan tɔɛ chɛ ɔ, ‘Fa Ebeami, chɛ ee kun a ni a ma, an ni an too ma sɔ. Chɛɛ ni mɔɛ ɛ kun fan a ni a kɔɔ sɔ a ka saya ɔ, a ni ta an tena, a tima a mu, an mbe an kan kɔ sɔ‑a an 'na ko yama n na.’

CHƆN 8:39

Mbɛ an dɔ, “Nn bemba n ta bemba, a mu Ebeami an na.” Mbɛ Chisɔsi ɔ, “Ni Ebeami cheeya chɛndɛ chɛndɛ gbu ni wo a, wo chɛ chɛ wai n ni ma‑a ka wan dechee, yɔ a ta ni buɛ min dɔ.

CHƆN 8:53

Nn bɔ kɔnkɔɛ, Ebeami, a fa‑a wɛɛ, chɛɛ i ma i wandi ya, mbɛ i benden fan mu a ma, ɛnden bɛɛ a. A yɛ to, Yataa 'a gbonka chɛ mɔɛ n bɛɛ fa‑a wan. I‑a i wandi ya fen mɔ a?”

CHISƆSI 'A SƆ MƆƐ NU 7:2

Mbɛ Sitibin dɔ, “N suun ma nyɔɛ nu, fa nu, wo wo too ma sɔ n ma. Mmɔ bemba Ebeami na‑a ka wan Mɛsɔpotemia, a ta‑a Ayan duu ɔ. Chɛɛ a e na to ta‑a, Yataa min benden mu fen kɔ fen ma, a bɔ‑a wan a ya a,

GBOO DOMI KO A 3:20

Koe min na mu, ni mɔɛ toen mu Yataa ni a ya mɔ tandenɛ a, sawa a tachɛ koe a gbee a, an mbe ee a ma chɛ ni ma. Chɛɛ sawa chɛ ɛ koe min ma, ɛ a ma wan mɔɛ n ni a ɔ sɔn, mbɛ ko yama ma mɔɛ mu mmɔ a.

GBOO DOMI KO A 4:1

A nyin gbɛ mmɔ ni bai sa, a si nn fan Chu n bɔ kɔnkɔɛ ma, nn bemba Ebeami, a na‑a miin dɔ yen.

GBOO DOMI KO A 4:12

Ebeami sin fan mu mɔɛ chɛ n bɛɛ gbu fa a, mɔɛ miin na kaminchaen mu ka. Chɛ ma si ni an na kamincha koe chɛ an ma, chɛɛ a sien mu an tachɛ buɛ dɔndɔɛ an ma, an kai fa koe Yataa a. Mmɔ fa Ebeami a e na to kamincha‑a, a tachɛ buɛ ni ka wan gbɛ Yataa a.

GBOO DOMI KO A 4:16

Chɛ an fɛ mu, Yataa 'a tooɔdia chɛ, a kuu si‑a danaya an ma, Ebeami na‑a min chɛ a a. Yataa 'a tooɔdia chɛ ma fen dɔ mende a, chɛɛ a mu wai nyima chɛ an na, a na‑a min chɛ Ebeami cheeya n na. Cheeya chɛ nu, an ma dechee chɛ n fan na, miin boo a sien mu Mosisi 'a sawa n kɔɔ. Chɛɛ an mu wan chɛ n bɛɛ a, miin danden mu Yataa a, yɔ Ebeami na‑a dan buɛ min dɔ a a. Koe min na mu, mmɔ gbɛɛ bemba n ta bemba mu Ebeami an na, danaya ko a Yataa a.

GBOO IBU MƆƐ N KO A 11:17

Ebeami na‑a a kai fa wan Yataa a. An na‑a a ma, Yataa na‑a a yiima yan kɛn, a dɔn‑da a 'a den dɔndɔ gbe bɔ koe a yasi a. Yataa sin na‑a a too ɔ dia wan, a ɔ, “I 'a denɛ Aisaki cheeya nu dechee, an fan mbe ya‑a i cheeya chɛndɛ chɛndɛ n na.” Chɛɛ chɛ gbɛɛ ɔ, Ebeami ma bɛnden fan ni a 'a den dɔndɔ gbe be koe a yasi a Yataa ma.

CHIMISI 2:18

Chɛɛ mɔɛ dɔ nu, an mbe a fɔ‑a gbɛ, an dɔ, Chisianɛ dɔ n yen ko, an kai faenɛ mu Chisɔsi a. An dɔ, Chisianɛ dɔ n sin, an mbe ko chɛndɛ an ma. Chɛɛ n ni chɛ fɔ gbɛ an mɔɛ chɛ n ye, mbɛ n mbe ee a ɔ yen, ni mɔɛ kai faen fan mu Chisɔsi a, ni n ma a 'a ko chɛndɛ ma gba yen ni. Chɛɛ n tana, n mbe a ɔ yian fan, mbɛ n kai faen fan mu Chisɔsi a, n 'na ko chɛndɛ ma an dɔ.

CHIMISI 2:24

Chɛ‑a a ɔ yian wo a, mbɛ kaifa dechee Yataa a, a ma koe a. Chɛɛ mɔɛ ɛ ko chɛndɛ miin bɛɛ ma, an mbe wan nɔ, mɔ ya koe a mɔ tandenɛ a Yataa boo ɔ.