CHIMISI 2:19 - Yataa 'a Dɔbɛnɛ Nama

¹⁹ Wo dandenɛ mu a a, mbɛ Yataa ɛ dɔndɔ gbe. Chɛ ma a kun wo ko a. Nyina yama n bɛɛ, an danden fan mu chɛ a, an sin mbe samba wan, a ma chianɛ a.

CHIMISI 2:19 ပူးပေါင်းရင်းမြစ်များ

MATIU 8:29

Mbɛ a yen ko, an‑na yee tɛ, an dɔ, “Yataa 'a denɛ, i toen mu i ni fen ma nn na? I na‑a nn na tɔɔya koe an na, tee chɛ ya ɔ, Yataa ɛ dunya chɛ gbɛmbo‑a tee min ma?”

MAKI 1:24

a ɔ, “Chisɔsi, Nasaɛti mɔɛ, i ma nn tɔɔ. I na‑a nn kasaa koe an na? N‑na a ɔ sɔn fan, i mu mɔɛ min na. I wan mu mɔɛ a tenchen, Yataa‑a min sɔ, a 'a wai chɛ koe a.”

MAKI 12:29

Mbɛ Chisɔsi ɔ, “Sawa chenama gbu yen ko. ‘Wo a a min, wo wan Isɔɛɛ mɔɛ nu. Mansa Yataa, an mu mmɔ 'a Yataa a. A ɛ dɔndɔ gbe.

MAKI 5:7

Mbɛ a‑a yee wa tɛ, a ɔ, “Chisɔsi, Yataa Wa 'a denɛ! I toen mu i ni fen ma n na? I dimu, I ma n tɔɔya. A chɛ Yataa ko a.”

MAKI 7:9

A ɔ te to an ma, “Yiimatɛ chia ɛ wan wo boo ɔ, wo kunɛ bɔ koe a Yataa 'a sawa n kɔɔ, min mbe a ma, wo ni bea wo ta sawa n fɛ.

DUKU 4:34

“Ee, Chisɔsi, Nasaɛti mɔɛ, a nyin i ni nn to nɔ, yɔ i‑a nn yen buɛ min dɔ. I na‑a nn fa koe an na? N‑na a ɔ sɔn fan mɔɛ min nyɔn sima mu i a. Mɔɛ mu i a, min ka‑a Yataa tena, a 'a wai tenchenɛ chɛ koe a.”

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

CHISƆSI 'A SƆ MƆƐ NU 16:17

A bea‑a wan nn fɛ, nn bɛ Pɔɔ a, ɛ ta‑a yee tɛ‑a, a ɔ, “Kamin chɛ nu, Mansa Yataa Wa 'a wai chɛ mɔɛ n fan nɛ. An fan mbe a ɔ yian tena wo a, Yataa ɛ wo baun buɛ min dɔ.”

CHISƆSI 'A SƆ MƆƐ NU 19:15

Chɛɛ tee dɔndɔ a, an ni wan nyina yama chɛ gbain‑da kamin dɔndɔ fɛ. Nyina yama chɛ ni a fɔ wan an ye, a ɔ, “N‑na Chisɔsi sɔn fan, n‑na Pɔɔ wɛɛ sɔn. Chɛɛ wo tana, nyɔn mu wo a?”

CHISƆSI 'A SƆ MƆƐ NU 24:25

Pɔɔ‑a koe n tɛnsɛ wan, a si koe n ma Yataa chen kɔɔ, tea ɛ koe miin dɔ. A yɛ to, ni mɔɛ e kun buɛ min dɔ, i ni tachɛ i wandi a chɛndɛ chɛ. A‑a koe n tɛnsɛ wan to, a si gbɛmbo tee ma, min mbe na tena. Kɔfana Fedisi chian‑da wan, mbɛ a ɔ, “E ka‑a gbɛ ta‑a. N mbe i chee‑a wan to, ni n‑na tima ma sɔn, tima min na.”

GBOO DOMI KO A 3:30

Yataa ɛ dɔndɔ gbe, a sin, Chu mɔɛ nu, ni miin ma Chu mɔɛ n na, ɛ an ma‑a wan mmɔ tandenɛ n na a chen kɔɔ. Chɛ ɛ bɔ‑a an 'na kaifa an dɔ Chisɔsi a.

GBOO SAA KƆYINDI KO A 8:4

Chɛ sin fan mbe n da a gbɛ, a si an daun fenɛ daun koe ma, mɔɛ n mbe min bɔ yasi a, fen chɛ n tena, miin ma Yataa a. Mmɔ gbu‑a a ɔ sɔn fan, mbɛ an fen chɛ n mbe ee fɔɛ ɔ. Mmɔ‑a a ɔ sɔn fan, mbɛ Mansa Yataa ɛ dɔndɔ gbe.

GBOO SAA KƆYINDI KO A 8:6

Chɛɛ chɛ gbɛɛ ɔ, Yataa ɛ dɔndɔ gbe mmɔ ko a. An mu mmɔ Fa a, min‑na fen kɔ fen na dan dunya ɔ. An 'na fɔɛ ɛ mmɔ sun da a. Mmɔ 'a Mansa wɛɛ, ɛ dɔndɔ gbe, min mu Chisɔsi Chasi a. Yataa 'a gbasaya ben‑da an dɔ, fen fen na dan koe a dunya chɛ ɔ. A sin fan‑na a ma, mmɔ ɛ fɔɛ chɛ ɔ, mmɔ ɛ ka min na fɛ‑a.

Gboo Kadesia Ko A 3:20

Tɛ mɔɛ tana, a 'a wai mu kaka fea gbɛɛ faa chima koe an na. Chɛɛ Yataa dɔndɔ gbe, an‑na tooɔdia chɛ Ebeami a.

1 TIMOTI 2:5

Koe min na mu, Yataa ɛ dɔndɔ gbe. A sin, mɔ dɔndɔ gbe an mbe mmɔ tɛ mmɔ bɛ a a. A mɔɛ chɛ mu Chisɔsi Chasi an na,

CHIMISI 2:8

Ko chɛndɛ mu, tea ko a, ni wo‑a mmɔ 'a sawa chɛ bia, min mbe Yataa 'a gboo ɔ. An gbu mu sawa chenama a. Sawa chɛ ɔ, mɔɛ n ni to an 'na mɔɛ n na, yɔ an toen mu buɛ min dɔ an fandi gbu a.

CHUDA 1:4

Mɔɛ dɔ n yen ko, miin mbe ee Yataa kuiɛ ma, an mbe kan yama chɛ, an na‑a mmɔ tɛ ɔ yɛdɛn yɛdɛn. Mɔɛ chɛ n bakoe nyɛnden fan mu suun suun, mbɛ Yataa ɛ kaa a tɛ‑a wan an bakoe ma, a ni an tɔɔya. An ma Yataa sɔn, Yataa ɛ chinchin fan an ma. Chɛɛ an mbe an chinchincha chɛ an ya, mbɛ an ma‑a fɔɛ yama ɔ. An mbe yɛ wan to, mbɛ an ban‑da Chisɔsi Chasi ɔ, min mu mmɔ 'a mansa dɔndɔɛ a, mmɔ kun ti.

CHUDA 1:6

Koe chɛ wɛɛ to‑a wan wo yii ma, a si maeka chɛ n bɛɛ ma, miin faa nii ma chima ni an 'na sɔ tena a banda bu ɔ. An na‑a a boo ka wan, mbɛ an bɔ‑a nɔ. Chɛ ko a, Yataa‑a a ma wan, an chii‑a yɔɔɛ a kuɔ fɔ ko a, pimbi pimbi ɔ. Yataa sin 'na gbasaya ɔ, an mbe ma tena nɔ wan chii chɛ ɔ, aan tee chɛ ni che, gbɛmbo tee wa chɛ. An tee chɛ ma mu, Yataa ɛ kaa a tɛ‑a an bakoe ma.

KO Ɔ NUNDENƐ 20:10

Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.