CHIMISI 2:17 - Yataa 'a Dɔbɛnɛ Nama

¹⁷ Wo‑a yen gbɛ, mbɛ mɔ kai fa koe Chisɔsi Chasi a, a dechee ma koe a. Kai fa min, mɔɛ n mbe ee a ɔ yen ko chɛndɛ ma ɔ, ko ma a a. An kai fa chɛ ma fen kɔ fen na, a faenɛ mu.

CHIMISI 2:17 ပူးပေါင်းရင်းမြစ်များ

GBOO SAA KƆYINDI KO A 13:13

Chɛ ni ma wɛɛ ma‑a, ko sawa an fan mbe nɔ, miin mbe ma‑a nɔ tun. An mu kai fa an na Chisɔsi a, yiinatɛ a ma, ni a ko a dia koe a mmɔ ye. Ko sawa chɛ n tɛ, a kuu ba mu koadia an na.

GBOO SAA KƆYINDI KO A 13:3

N gbu ni n boo fenɛ gbɛɛ be wɛɛ mɔɛ n ma, n ni n fandi gbu be, an ni n minda, koadia ni ma n faa ɔ. Chɛɛ ni a ee a ɔ, n mbe ee ko chɛndɛ kan kɔ kan ma sɔn chɛ gbakɔ.

Gboo Kadesia Ko A 5:6

Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.

Gboo Saa Tɛsadonika Ko A 1:3

Nn mbe ma samunɛ chɛ‑a tima ɔ tima mmɔ Fa Yataa tena, wo wakoe ɛ ma wan nn yii ma. Nn mbe Yataa wai bɔ tena wo ko a, wo e wai min chɛ tena. Koe min na mu, wo kai faen mu Mansa Chisɔsi a. Nn mbe a wai bɔ tena, koadia ko a, min mbe a ma tena wo e wai chɛ tena wo sɔɛ a. Nn mbe a wai bɔ tena, yiinatɛ ko a, wo gboo ɔ ma fa ni min chɛ koe a mmɔ 'a mansa Chisɔsi Chasi a.

1 TIMOTI 1:5

Chɛ fɔen mu i ye, min mbe a ma, koadia ni ma nɔ. Koadia min kaen mu faa ɔ gbɛenɛ ɔ, yiima a koenɛ fion, a basan danaya gbau gbau a Yataa a.

CHIMISI 2:14

N suun ma nyɔɛ nu Chasi ɔ, ni mmɔ‑a a fɔ, mbɛ mmɔ kai faen mu Yataa a, a ni yen mmɔ tachɛ buɛ ma fɔɛ ɔ. Ni mmɔ ma chɛ ma ni, mbɛ mmɔ kai fa buɛ chɛ Yataa a, a ee mɔ ɔ mɔ baun.

CHIMISI 2:26

Mɔɛ min faen mu, a nyina ee ma to a fɛ. Ɛ ka wan dechee yɔ ni mɔɛ kai faenɛ ma‑a dechee Chisɔsi a, chɛɛ a ee ko chɛndɛ ma.