CHIMISI 2:16 - Yataa 'a Dɔbɛnɛ Nama

¹⁶ Mbɛ wo dɔndɔ ni a fɔ a ma, a ɔ, Yataa ni a dua. A ɔ, a ni koa be a ma, a ɔ, a basan daun fenɛ a. A mɔɛ chɛ ma ko chɛndɛ ma ni ka, ni a ma a bɔɛ chɛ ma chii ni, a ni a da nyin.

CHIMISI 2:16 ပူးပေါင်းရင်းမြစ်များ

MATIU 15:32

Mbɛ Chisɔsi‑a a fɛ denɛ n chee wan kaina dɔndɔ, a ɔ, “Mɔɛ chɛ n ma chinchinden mu n ye. Tee sawa an nɛ ka gbɛ, an mbe nɛ mmɔ fɛ, daun fen mbe ee nɔ. Ni n‑na a ma sunɛ an ni ta an kɔnkɔ tɔɛ a, an mbe ka‑a wan an chenɛ kɔɔ chia a, an ni bɔn a ma.”

MATIU 25:35

N dɔ, koe min na mu chɛ ma‑a, tima min na kɔnkɔɛ ni n na, an‑na daun fenɛ be wan n ma, a daun koe a. N dɔ, n kanɛ a gbaaen ni kɛn, an‑na yii be wan n ma, a min koe a. N dɔ, sonda wɛɛ ni n na, an na‑a n yia wan buɔdia ɔ.

MATIU 25:36

N dɔ, fai‑a n bia kɛn, an‑na n fai bɔ wan. N dɔ, n gbandi‑a wɛɛ, an‑na an boo a si wan n kɔɔ. N dɔ, n ni pimbi chenɛ min bɛɛ a, an ta‑a wan nɔ, an‑na n deman.

MAKI 5:34

Chisɔsi ɔ te a ma, “N 'na den, ta i faa chimaenɛ a don. I 'a danaya‑a i baun. Baun i 'a gbandi chɛ ɔ.”

GBOO DOMI KO A 12:9

Ni i bɔɛ ko a dia‑a i ye, a ko a ni dia i ye i faa gbɛɛ a. Wo ma to ko yama a, chɛɛ wo ko chɛndɛ ma an bia wo boo fea a.

GBOO FEAN BƆƐ KƆYINDI KO A 8:8

N mbe ee ka sawa an sa tena, wo ko a. Chɛɛ ni n‑na a ɔ yian, mɔɛ n ma bɛnden ni buɛ min dɔ, deman chɛ koe a, n mbe ma‑a ka a ɔ gbɛ an na, wo 'a koadia nyin buɛ min dɔ.