CHIMISI 2:12 - Yataa 'a Dɔbɛnɛ Nama

¹² Chɛ ko a, ni wo ma‑a koɔ‑a tima ɔ tima, ni wo ma‑a koe ma‑a, a ni ma wo yii ma, mbɛ Yataa ɛ sawa chɛ an ya‑a, kaa a ni tɛ a si wo ma. Sawa chɛ, min mbe wo kun ka.

CHIMISI 2:12 ပူးပေါင်းရင်းမြစ်များ

DUKU 4:18

“Mansa Yataa Nyina ɛ n fɛ, koe min na mu, Mansa Yataa‑a a boo sɔ n ma, sakana bai chɛndɛ chɛ ɔ yian koe a yɔn tɔɛ n na. A‑a n sɔ a fɔ koe a mɔɛ n ye, miin mbe bia ɔ, mbɛ an mbe bɔ‑a wan a ɔ, mbɛ ya te tɔɛ chɛ n bɛɛ, an mbe kaina yen‑da wan to. A‑a n na na, chɛ n bɔ koe a mɔɛ chɛ n 'na gbasaya kɔɔ, miin mbe an yɔn bia chɛ tena.

CHƆN 8:32

Wo e tea ɔ gbɛ‑a wan, a si Yataa ma, a sin fan mbe a ma‑a, wo kunɛ ni bɔ yɔncha ɔ.”

Gboo Kadesia Ko A 6:2

Wo wo boo si wo nyɔn na ya kɔɔ tawa kɔɔ, min mbe a ma, wo ni Chasi 'a sawa bia a chia ma.

Gboo Fiipai Ko A 4:8

N mbe min fɔ tena gbɛ sanche, n suun ma nyɔɛ nu Chasi ɔ, wo wo yii na chii koe chɛ n ma, baa ɛ miin ma, Yataa toen mu koe miin na. Koe nu, miin nyin, mabɔ ee miin ma ɛnden bɛɛ a, basɔmaya koe nu. Mɔɛ n mbe che kawa‑a koe miin ma, an mbe koe miin bai, dua ɛ koe miin dɔ.

Gboo Kɔdɔsai Ko A 3:17

A sin, ni wo ma‑a ko ɔ ko ma‑a, wo da ɔ, ni wo chɛ chɛ wai n dɔ, wo an ma Mansa Chisɔsi tɔɛ ɔ. Ni wo ma‑a chɛ gbɛɛ ma‑a, wo Fa Yataa wai bɔ, Mansa Chisɔsi 'a gbasaya ɔ.

CHIMISI 1:25

Chɛɛ Yataa 'a sakana bai tana, a nyin kaka. An mbe mɔ gbu kun ka. Mmɔ ma nyina a ma, mmɔ a a tun mmɔ too ma sɔ koe a a ma, mmɔ tachɛ chɛ a gbee a. Yataa ɛ mmɔ dua wan ko ɔ ko ɔ, mmɔ ɛ min ma. Mmɔ ɛ ma‑a mɔɛ n fan na, miin mbe bai chɛ a min, an mbe tachɛ a gbee a.

CHIMISI 2:8

Ko chɛndɛ mu, tea ko a, ni wo‑a mmɔ 'a sawa chɛ bia, min mbe Yataa 'a gboo ɔ. An gbu mu sawa chenama a. Sawa chɛ ɔ, mɔɛ n ni to an 'na mɔɛ n na, yɔ an toen mu buɛ min dɔ an fandi gbu a.