CHIMISI 1:5 - Yataa 'a Dɔbɛnɛ Nama

⁵ Ni yiimatɛ ee wo ɔ, a ɔ sɔn koe a, Yataa toen mu wo ni ma buɛ min dɔ, wo a ɔ tisa. A ee ban‑da a be koe a wo ma. Koe min na mu, ɛ fen sɛsɛ be wan mɔ gbu ma, a bu ɔ diama ɛ.

CHIMISI 1:5 ပူးပေါင်းရင်းမြစ်များ

MATIU 11:20

Chisɔsi na‑a kamaya koe n ma wan duu sawa n dɔ. Chɛɛ mɔɛ chɛ nu an duu chɛ n dɔ, an nii ma an kan kɔ sɔ ni an 'na ko yama n na. Chɛ‑a Chisɔsi faa yɔn fan, min‑na a ma, a‑a a fɔ an ye, a ɔ,

MAKI 16:14

Chɛ gbakɔ, Chisɔsi fɛ den tan kun ma dɔndɔɛ chɛ nu, an ni wan si ɔ tebu ma, daun chɛ tena. Mbɛ Chisɔsi‑a a wandi yian an gbɛɛ a. A‑a an ma tɔɔ, a ɔ, an faa a kɔɔen mu, a sin, danaya ee an dɔ. A ɔ, koe min na mu, an ban‑da dan koe a mɔɛ saa an na, miin na‑a a wan Chisɔsi yen, a kɔɔ sɔenɛ gbakɔ saya ɔ.

CHƆN 14:13

A sin, n mbe ko ɔ ko chɛ‑a wan wo ye, wo e n dɔ tisa‑a min chɛ koe a, n tɔɛ ɔ. Chɛ ɛ a ma‑a wan, n ni a ma, mɔɛ n ni a ɔ yen, Fa kamayaen mu buɛ min dɔ.

CHƆN 15:7

Ni mmɔ bɛ ma‑a mɔ dɔndɔya ɔ, mbɛ wo‑a n 'na bai n sa wo yii ma gban, ɛ nyan‑da wan. Fen kɔ fen, wo toen mu min na, mbɛ wo‑a Fa Yataa ɔ tisa a ko a, ɛ a be‑a wan wo ma.

CHƆN 4:10

Mbɛ Chisɔsi ɔ, “Ni i na‑a Yataa 'a wai nyima sɔn fan mɔɛ n tena, a sin, i na‑a n sɔn fan, n fɛn mbe ka koɔ‑a i tena, i ni tisa dɔ mende an chɛ‑a n na. A sin, n ni yii be‑a wan i ma, min mbe fɔɛ be mɔ gbu ma.”

GBOO FEAN BƆƐ KƆYINDI KO A 2:16

Mɔɛ chɛ nu, miin mbe kasaa tena, an mu fen kunyɛ yama an na, min mbe na saya a. Chɛɛ mɔɛ chɛ n tana, miin mbe bauncha ma sɔn tena, kunyɛ a diama mu, min mbe fɔɛ be. Mɔ bonda chɛ sima ee to nɔ gbɛ, min mbe kun ko bonda chɛ sima ma koe ma, a ta gbasaya a.

CHIMISI 1:17

Ko chɛndɛ gbɛɛ, mabɔ ee min ma, ɛ ka Yataa an tena. Manɛ gbɛɛ, miin na dandenɛ ɛ banda bu ɔ, a boo gba mu an na. Ko chɛndɛ kan kɔ kan, mabɔ ee min ma, a wan‑na an be mmɔ ma, a ka banda bu ɔ. A tana, a ee mun kuɔ fɔ. A ee ka yɔ nininɛ, min mbe ka a gba ɔ.

CHIMISI 3:17

Chɛɛ koe saa saa mu min na, Yataa ta yiimatɛ, ko ɔ ko ee a ma. Sɔnkɔ sɔnkɔ ee a kɔ chia a, faachima an mbe a ɔ. A yɛ to, basamaya an be a ɔ, chinchimaya, ni ko chɛndɛ ma. Yiimatɛ an nɛ, min mbe ee mɔ ya bɔ, nɛnɛn feaya sin mbe ee a ɔ.

CHIMISI 5:16

Chɛ ko a, wo wo 'a ko yama n kɔɔ yian wo nyɔn na. Mbɛ wo‑a samunɛ chɛ wo nyɔn ko a. Chɛ ɛ na‑a wan bauncha a wo tena, wo 'a gbandi n dɔ. Mɔɛ min tanden mu Yataa tena, ɛ samunɛ min chɛ, a faa gbɛɛ a, gbasaya koo min mbe bɔ a ɔ.

1 CHƆN 3:22

A sin, mmɔ ɛ fen kɔ fen sɔn‑da wan, mmɔ ɛ min dɔ tisa‑a a ma. Koe min na mu, mmɔ ɛ a da a kuiɛ ma, a sin, mmɔ ɛ a faa ma koe ma.