CHIMISI 1:4 - Yataa 'a Dɔbɛnɛ Nama

⁴ Wo 'a faabia ma ni munda, a da ni fa gban. Chɛ ɛ a ma‑a wan, wo ni ma yɔ Yataa toen mu buɛ min dɔ wo ma koe a. A sin, mabɔ kan kɔ kan mbe ee ma‑a wo ma fɔɛ ɔ.

CHIMISI 1:4 ပူးပေါင်းရင်းမြစ်များ

MATIU 10:22

Mɔɛ n gbɛɛ mbe too‑a wan wo a, a mu min na, n fɛ mɔɛ mu wo a. Chɛɛ i wɛn mbe i faa bia‑a aan a danka a, Yataa ɛ i baun‑da wan.

MATIU 19:20

Mbɛ kamin tɔngbɔɛ chɛ ɔ, “Sawa chɛ n gbɛɛ biaen fan mu gbɛ n boo ɔ. Fen to‑a to, n mbe min ma, a ka sawa chɛ n ma, i‑a miin ma dan ka?”

MATIU 5:48

Chɛ an‑na a fɔ, koadia ma ban wo faa ɔ mɔ dɔ mende n ko a, yɔ koadia ee ban buɛ min dɔ Fa Yataa, min mbe banda bu ɔ, a faa ɔ.”

MAKI 10:21

Mbɛ Chisɔsi‑a kamin chɛ ma fɛn, a wakoe a dia‑a a ye. Mbɛ a ɔ kamin chɛ ma, a ɔ, “Ko dɔndɔ an to‑a, e min ma gbɛ. Ta, i ni i boo fenɛ gbɛɛ ma tachɛ. Mbɛ i‑a an kɔpɔɛ chɛ ya, i‑a a be yɔn tɔɛ n ma. Chɛ‑a a ma‑a wan, i ni nyanɛ ma sɔn banda bu ɔ. Ni i‑a chɛ ma, mbɛ i na‑a, i ma‑a n fɛ denɛ a.”

DUKU 18:22

Chisɔsi‑a chɛ a min kɛn, mbɛ a ɔ, “Ko dɔndɔ gbe an to‑a, e min ma gbɛ. I boo fenɛ n gbɛɛ ma tachɛ. Mbɛ i‑a a kɔpɔɛ chɛ ya, i‑a a be yɔn tɔɛ n ma. Chɛ‑a a ma wan, i ni nyanɛ ma sɔn banda bu ɔ. Ni i‑a chɛ ma, mbɛ i na‑a i ma‑a n fɛ denɛ a.”

DUKU 21:19

Ni wo sɔ‑a gban, wo e kun‑da wan wo ni kuɔ fɔ fɔɛ ma sɔn wo wandi ko a.”

DUKU 8:15

Mɔɛ dɔ n sin mbe wan yɔ duu gboo chɛndɛ chɛ, chin fen kuu n bea‑a ka min ma. Ni an‑na sakana bai chɛndɛ chɛ a min, an mbe a sa wan an yii ma chɛndɛ chɛ, mbɛ an‑na a ma, yɔ sakana bai chɛ‑a min fɔ an ye a ma koe a. A sin to, yakɔɔtawa kan kɔ kan ni an tan bɛɛ, an mbe ee sɛmbɛ dan koe a Yataa a.”

CHƆN 17:23

Nn bɛ an na, mɔ dɔndɔɛ mu nn na, yɔ mɔ fea wɛɛ, mɔ ɛ buɛ min dɔ. Chɛ ni a ma, an mbe mɔ dɔndɔya min dɔ an nyɔn na, a da ni fa gban. Chɛ ɛ a ma‑a wan, i wakoe ee mɔɛ miin faa ɔ, an ni a ɔ sɔn, mbɛ i wan‑na n sɔ. A yɛ to, an mɔɛ chɛ n ni a ɔ gbɛ chɛndɛ chɛ, mbɛ i toen fan mu n fɛ den chɛ n na, yɔ i toen mu n na buɛ min dɔ.

GBOO SAA KƆYINDI KO A 2:6

Chɛɛ chɛ gbɛɛ ɔ, nn mbe sakana bai min sa ka, yiimatɛ ɛ wan a ɔ, chɛ n tena, miin kai faen mu Chasi a chɛndɛ chɛ. Mɔɛ miin mbe dunya chɛ ɔ, an 'na yiimatɛ ma. Gbasaya ɛ miin boo ɔ dunya chɛ ɔ, an ta ɔ ma, an 'na gbasaya min mbe ka gbɛ che‑a a danka a.

Gboo Kadesia Ko A 6:9

Chɛ an fɛ mu, mmɔ gboo ɔ ma fa ko chɛndɛ ma koe a. Koe min na mu, tima ɛ che‑a wan, ni mmɔ ma sɛmbɛ ni, mbɛ mmɔ‑a a tɔnɔnɛ ma sɔn.

Gboo Kɔdɔsai Ko A 4:12

Wo bɔɛ dɔndɔ wɛɛ to, Ɛpafasi, min mu to Yataa 'a wai chɛ mɔɛ a, ɛ wo kɔndɔn tena. Tima ɔ tima ko a, ɛ samunɛ chɛ tena wan wo ko a, a faa gbɛɛ a. A ɔ, Yataa ni a ma, wo ni sɔ gban a ko a, wo yii na tɛenɛ ɛ gbae Yataa faa ma koe gbɛɛ ma, min mbe wo ko a.

Gboo Saa Tɛsadonika Ko A 5:23

Yataa wandi, min mbe faachima be mmɔ ma, a ni a ma wo ni ma a ko a tenchen chia ɔ chia a. A ni wo kun ma fɛn chia gbɛɛ a. Mabɔ kan kɔ kan ma ma wo ma, wo 'a fɔɛ gbɛɛ ɔ, tima min na mmɔ 'a mansa Chisɔsi Chasi ɛ na‑a.

2 TIMOTI 3:17

Chɛ ɛ a ma‑a wan, Yataa 'a mɔɛ ma bɛndenɛ ni ma chɛndɛ chɛ, a kandenɛ ɛ wai chɛndɛ kan kɔ kan chɛ koe a.

GBOO IBU MƆƐ N KO A 13:21

a ni basan wo ma chia ɔ chia a, wo toen mu min na, a faa ma koe ma koe a. A sin ni a ma, Chisɔsi Chasi 'a gbasaya ɔ, mmɔ ni ko ɔ ko ma, min mbe a faa chima. A sin, tando ni ma Chasi tɔɛ ma, kuɔ fɔ ni kuɔ fɔ ko a. A ni ma ka.

CHIMISI 1:5

Ni yiimatɛ ee wo ɔ, a ɔ sɔn koe a, Yataa toen mu wo ni ma buɛ min dɔ, wo a ɔ tisa. A ee ban‑da a be koe a wo ma. Koe min na mu, ɛ fen sɛsɛ be wan mɔ gbu ma, a bu ɔ diama ɛ.

CHIMISI 3:2

Tima sɛsɛ ko a, mmɔ ɛ nyinamaya sɛsɛ bɔ wan, mmɔ gbɛɛ. Chɛɛ mɔɛ min mbe che tachɛ‑a fɔɛ ɔ, a ma nyinamaya bai sa ni, mabɔ ee an mɔɛ chɛ ma. A sin, ɛ kun fan tachɛ koe a a wandi gbu a.

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.

2 PITA 1:9

Chɛɛ ni sɔn chɛ n mbe ee mɔɛ min dɔ, a maen fan mu yɔ fion tɔɛ. A mɔɛ bonda chɛ sin nyina‑a, mbɛ Yataa na‑a a boo bɔ wan a 'a ko yama n dɔ, mbɛ a ma‑a mɔ chɛndɛ a.