CHIMISI 1:26 - Yataa 'a Dɔbɛnɛ Nama

²⁶ Ni mɔ ɔ mɔ‑a a fɔ, mbɛ Yataa sɔn mɔɛ mu a a, a ni a da a kuiɛ kun ma fɛn. Ni a ma chɛ ma ni, ɛ ma‑a ka a wandi an woo a. A ma Yataa sɔn.

CHIMISI 1:26 ပူးပေါင်းရင်းမြစ်များ

MATIU 15:9

Wo e samun gbama an chɛ a tena, koe min na mu, wo e mɔɛ n kan gbɛ wo ta kanɛ an na, wo e ta‑a a ma‑a yɔ a 'a sawa‑a a fɔ ka wan.’ ”

MAKI 7:7

Wo e samun gbama an chɛ a tena, koe min na mu, wo e mɔɛ n kan gbɛ wo ta kanɛ an na, wo e ta‑a a ma‑a, yɔ a 'a sawa‑a a fɔ ka wan.’ ”

DUKU 8:18

“Chɛ an‑na a fɔ, wo wo kun ma fɛn wo e wo too ma sɔ‑a buɛ min dɔ. A mu min na, miin mbe an too ma sɔ‑a chɛndɛ chɛ, Yataa ɛ an 'na yiimatɛ ma munda‑a wan. Chɛɛ mɔɛ miin mbe ee dɔn‑da an too ma sɔ‑a, yiimatɛ ɛnden chɛ wɛɛ min mbe ma‑a an dɔ, Yataa ɛ a ma‑a wan an ni fo a.”

GBOO SAA KƆYINDI KO A 15:15

A ka chɛ gbu ma, mmɔ ɛ ma‑a ka fania an fɔ‑a, a si koe ma, Yataa‑a min ma. Koe min na mu, mmɔ wan mbe a fɔ, mbɛ a‑a Chasi kɔɔ sɔ wan, a ka saya ɔ. Chɛɛ ni mmɔ‑a a fɔ, mbɛ kɔɔ sɔ ee nɔ, a ka saya ɔ, chɛ‑a a ɔ yian fan ka, mbɛ Chasi nii ma a kɔɔ sɔ ni, a ka saya ɔ.

GBOO SAA KƆYINDI KO A 15:2

An mu sakana bai chɛndɛ a, min mbe che wo baun‑da, ni wo‑a a a tun wo boo si koe a a kɔɔ. Ni wo ma chɛ an ma ni, wo kai faen fan mu fuu Chisɔsi Chasi a.

GBOO SAA KƆYINDI KO A 3:18

Mɔ ɔ mɔ ma a wandi woo. Wo dɔndɔ wɛɛ ma a wandi ya yiimatɛ tɔ wa a, dunya chɛ ta chia a. Wo wo wandi woo mɔ a bɔɛ chɛ pɛn, min mbe a ma, wo ni ma yiimatɛ tɔ wa an na, Yataa ta chia a.

Gboo Kadesia Ko A 2:6

A sin, mɔɛ chɛ nu, baa ni miin ma (Yataa ee mɔ gbu tɛ bɔ, chɛ ko a mu, n ma n gbɔsɔ ni an ni buɛ min dɔ), an nɛnɛ nu, an nii ma fen fen na. Ka n ni chɛ fɔ to, mɔɛ miin mu, baa ni an ma, an nii ma fen kɔ fen sa ni n 'na sakana bai kun ma.

Gboo Kadesia Ko A 2:9

Chimisi, Pita, ni Chɔn, mɔɛ n na‑a an ya, mɔ gbau gbau wa n fan na. An‑na a ɔ yen kɛn, mbɛ Yataa wandi an na‑a wai chɛ be n ma, koadia demanɛ ɔ, an‑na an boo si wan nn kɔɔ, nn fea Banabasi a. An dɔn‑da wan nn ta koe ma mɔɛ n tena, miin ma Chu mɔ a, mbɛ an sin ta‑a Chu mɔɛ n tena.

Gboo Kadesia Ko A 3:4

Wo tɔɔen mu kaka, ma koe a Chasi ko a. N ma dan ni gbu a a, mbɛ wo‑a koe miin gbɛɛ ɔ bia, mɔnɛ fuu mu.

Gboo Kadesia Ko A 6:3

Koe min na mu, ni mɔ ɔ mɔ‑a yiinachii chɛ, mbɛ mɔɛ mu a a, min sin mu ka mɔ a tenden ma a, ɛ a wandi an bun tena ka.

Gboo Ɛfisɔsi Ko A 4:29

Ni wo ma‑a koɔ‑a, bai yama ma bɔ wo da ɔ. Chɛɛ bai miin nyin dechee a fɔ koe a, a tima chɛ kɔɔ, wo e an fan fɔ. Bai chɛ nu, miin mbe mɔɛ n faa ma nande, a yɛ to, miin mbe basan an ma.

Gboo Ɛfisɔsi Ko A 5:4

Wo ma maumaya ko ma, wo gbu sin ma kun dɔ ban bai sa. A yɛ to, wo ma damba dambaya koe ma. Koe chɛ n dɔndɔ wɛɛ, a ma ma bɛn ni an ma koe a. Chɛɛ wo e min ma, tima ɔ tima ko a, wo Yataa wai bɔ.

Gboo Kɔdɔsai Ko A 4:6

Wo da a bai a ni dia mɔɛ n too ɔ, a ma ni kawa an ye. Chɛ ɛ a ma‑a wan, wo ni kosan mɔɛ gbɛɛ da a bai ma yɛman‑da.

CHIMISI 1:19

N suun ma nyɔɛ nu Chasi ɔ, wo ko a di n ye. A sin, wo chɛ sa wo yii ma. Ni wo too ma sɔ koe mu, wo ma tima yayi a ma sɔ koe a. Chɛɛ wo tima ya koɔ koe a. Wo ni tima ya, faatɛ bɔ koe a.

CHIMISI 1:22

A sin ni ma wo yii ma, mbɛ sakana bai chɛ ma bea dechee wo too an dɔ, wo ni wo wandi bun. Chɛɛ Yataa 'a bai chɛ‑a min fɔ, wo an ma.

CHIMISI 2:20

Wo wooen fan mu. Wo toen mu, wo ni a ɔ gbɛ, mbɛ ni wo kai faenɛ ma‑a tenchen Yataa a, wo ee ko chɛndɛ wɛɛ ma, mbɛ yiimatɛ ma.

1 PITA 3:10

Ɛ wan yɔ Yataa 'a gboo‑a min fɔ. A ɔ, “Mɔ ɔ mɔ min toen mu a ni fɔɛ ɔ daun, tee chɛndɛ yen sɔɛ ɛ min yii ma, a ni a boo bɔ bai yama sa ɔ, mbɛ a sɛmbɛ‑a fania fɔɛ‑a.