CHIMISI 1:25 - Yataa 'a Dɔbɛnɛ Nama

²⁵ Chɛɛ Yataa 'a sakana bai tana, a nyin kaka. An mbe mɔ gbu kun ka. Mmɔ ma nyina a ma, mmɔ a a tun mmɔ too ma sɔ koe a a ma, mmɔ tachɛ chɛ a gbee a. Yataa ɛ mmɔ dua wan ko ɔ ko ɔ, mmɔ ɛ min ma. Mmɔ ɛ ma‑a mɔɛ n fan na, miin mbe bai chɛ a min, an mbe tachɛ a gbee a.

CHIMISI 1:25 ပူးပေါင်းရင်းမြစ်များ

DUKU 11:28

Chɛɛ Chisɔsi ɔ, “I‑a tea an fɔ ka, chɛɛ miin mbe Yataa 'a bai a min‑da, mbɛ an‑na a ma, yɔ bai chɛ‑a min fɔ an ye a ma koe a, dua chenama wa gbu ɛ ma‑a an fan ma.”

CHƆN 13:17

Wo‑a koe chɛ n dɔ sɔn ka buɛ min dɔ gbɛ, dua ɛ ma‑a wan wo ma kaka, ni wo‑a an koe chɛ n ma.

CHƆN 8:36

Chɛ an fɛ mu, ni Yataa 'a denɛ‑a i kun bɔ yɔncha ɔ, mbɛ i kun bɔ‑a a ɔ chɛndɛ chɛ.

CHISƆSI 'A SƆ MƆƐ NU 13:43

Mbɛ mɔɛ chɛ n gbɛɛ, an ban‑da bɔ‑a Chu n 'na samun chɛ chen chɛ a. Chɛɛ Chu mɔɛ nu, ni an sɛsɛ miin boo fea sien ni Chu n 'na Yataa fai chia kɔɔ, an sɛsɛ‑a a sɔ wan Pɔɔ fɛ, an fea Banabasi a. An koɔ‑a wan mɔɛ chɛ n tena, an‑na a ma din an tena, mbɛ an ma an kan kɔ sɔ to Yataa 'a koadia deman chɛ a.

CHISƆSI 'A SƆ MƆƐ NU 2:42

Chɛ gbakɔ, mɔɛ chɛ n‑na an too ma sɔ wan kanɛ ma, Chisɔsi 'a sɔ mɔɛ chɛ n ni min chɛ, a si Yataa wakoe ma. Kuiɛ a kanɛ ni wan to an gbɛɛ tɛ ɔ, a sin, an ni daunɛ chɛ wan kaina dɔndɔɛ tima ɔ tima ko a. An ni bɛn fan to tima ɔ tima ko a, samun chɛ koe a. An‑na an 'na tima gbɛɛ be wan, koe chɛ n gbɛɛ ma koe a.

CHISƆSI 'A SƆ MƆƐ NU 26:22

Chɛɛ a ka a tee chɛ ma, a sɔ bi ma, Yataa basan‑da wan n ma. A sin, n mbe bi nɛ sɔ ɔ, bai ɔ yian koe a wo gbɛɛ a, a ni ma mɔ chenama n na, chɛ ma, an ni ma chɛ n bɛɛ a, baa ee miin ma. N mbe ka min fɔ tena wo ye, Yataa 'a gbonka chɛ mɔɛ n bɛɛ, an‑na an ko dɔndɔ gbe chɛ an fɔ wo ye. Mosisi wɛɛ, a‑a an fɔ,

GBOO DOMI KO A 11:22

Chɛ ɛ kun fan a ni a ɔ yian wo a, Yataa sɔnɛ nyin buɛ min dɔ, a yɛ to, a faa a kɔɔen mu buɛ min dɔ. A ee chinchin‑da chɛ n ma, miin‑na an kan kɔ sɔ a a, chɛɛ ɛ chinchin‑da wan wo ma, wo wɛn mbe a a tun‑da wo kai fa koe a a a, a wɛn sɔnɛ nyin. Chɛɛ ni wo ma wo kai fa ni a a, Yataa ɛ wo wɛɛ bonɛ n ka‑a ka wan a ma.

GBOO DOMI KO A 2:13

An ma a fɔ ni, mbɛ sawa chɛ, a a min koe dechee an mbe a ma, mɔɛ ni ma mɔ tandenɛ a Yataa tena. Chɛɛ mɔɛ min mbe a a min‑da, mbɛ a tachɛ‑a a a chɛndɛ chɛ, Yataa ɛ an ya‑a mɔ tandenɛ a.

GBOO DOMI KO A 7:12

Chɛ an fɛ mu gbɛ, Yataa wandi an ta mu sawa a. Sawa chɛ sin, Yataa an‑na a be. A sin, sawa chɛ ɛ a ɔ yian fan mɔ gbu ɛ koe miin ma, miin mu tea a. A yɛ to, ni koe miin nyin mɔ gbu ko a.

GBOO DOMI KO A 8:15

A mu min na, Yataa‑a a Nyina min be wo ma, ma koe a wo fɛ, a ee wo ma yɔnɛ n na, a ni a ma chiandia ni ma wo ɔ. Chɛɛ min mbe ma, Yataa Nyina ɛ wo ma Yataa 'a denɛ n fan na. A sin Yataa Nyina chɛ ɛ a ma‑a wan, wo ni Yataa chee, wo ɔ, wo fa.

GBOO DOMI KO A 8:2

A mu min na, Chisɔsi Chasi 'a gbasaya ɔ, mmɔ kunɛ bɔ‑a ko yama 'a gbasaya ɔ, min mbe na saya a. Yataa Nyina min mbe fɔɛ chɛndɛ be, an‑na a ma chɛ ma‑a.

GBOO SAA KƆYINDI KO A 15:58

Chɛ an fɛ mu, n faa ma suun ma nyɔɛ nu Chasi ɔ, wo sɔ gban wo 'a danaya ɔ. Wo ma ka wo gba ɔ, wo ma Mansa Chisɔsi 'a wai a tima ɔ tima ko a. Koe min na mu, wo‑a a ɔ sɔn fan, wai ɔ wai, wo e min chɛ‑a Mansa chɛ ko a, a ee ma wai gbama a.

GBOO FEAN BƆƐ KƆYINDI KO A 13:5

Wo wo wandi ma mɛn, wo ni a ɔ yen, ni wo boo a chiien fan mu, wo kai fa koe a Chasi a. Wo ni a ya, mbɛ wo ma‑a gbɛ mɔ dɔndɔɛ a, wo bɛ Chisɔsi Chasi a. Fɔ dechee, ni chia ɔ chia ee wo ye, wo wandi ma mɛn koe chɛ a.

Gboo Kadesia Ko A 2:4

Chɛɛ mmɔ suun ma nyɔɛ dɔ nu Chasi ɔ, a wakoe ɛ sa ɔ dechee miin ya kɔɔɛ, chɛɛ a ee an faa ɔ, an toen ni chɛ an na. A sin, an na‑a wan nn tɛ ɔ yɛdɛn, min mbe a ma, an ni nn na tɛ. An ni a ɔ gbɛ, Chisɔsi‑a mmɔ bɔ buɛ min dɔ sawa chɛ boo ɔ, mbɛ an‑na a ma to, mmɔ yɛ‑a an yɔncha ɔ.

Gboo Kadesia Ko A 5:1

Ni yɔncha tana mu, Chasi‑a mmɔ bɔ a ɔ. Chɛ an fɛ mu, mmɔ sɔ chidi, a ko a. Wo butuin chɛ, min mbe a ma, wo ma na don to an yɔncha fanka ma chɛ kɔɔ.

Gboo Kadesia Ko A 6:2

Wo wo boo si wo nyɔn na ya kɔɔ tawa kɔɔ, min mbe a ma, wo ni Chasi 'a sawa bia a chia ma.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

1 TIMOTI 2:15

Chɛɛ musu n mbe bauncha sɔn‑da wan den suunɛ ɔ. Chɛ ɛ ma wan, ni yiimatɛ ma‑a an tachɛ buɛ ɔ, koadia ɛ an faa ɔ, an sin tandenɛ ɛ Yataa tena, an mbe ta‑a an kai fa‑a a a.

1 TIMOTI 4:16

Tima ya i ben buɛ a fɔɛ ɔ, a basan i‑a kan chɛ buɛ a. A ma yɔ n‑na a fɔ buɛ min dɔ i ye, min mbe a ma, i ni bauncha ma sɔn, wo bɛ i kuiɛ a min mɔɛ n na.

GBOO IBU MƆƐ N KO A 12:15

Wo tima ya, wo ma na wo kan kɔ sɔ koadia demanɛ a, Yataa ɛ min be. Wo dɔndɔ wɛɛ ma ma yɔ kɔn konama. Ni a koa‑a dechee, ɛ ma kɔn yama an na, a bɔɛ n tɛ ɔ.

CHIMISI 2:12

Chɛ ko a, ni wo ma‑a koɔ‑a tima ɔ tima, ni wo ma‑a koe ma‑a, a ni ma wo yii ma, mbɛ Yataa ɛ sawa chɛ an ya‑a, kaa a ni tɛ a si wo ma. Sawa chɛ, min mbe wo kun ka.

1 PITA 2:16

Wo kooya be, yɔ Yataa 'a mɔɛ nu, miin mbe ee yɔncha ɔ mɔ dɔ gbɛɛ n kɔɔ. Chɛɛ yuu min tɛ‑a ka wo ma, wo ma ben ko yama ma‑a nun dɔ, wo ni a dɛn wo bɔ koe ma yɔncha ɔ. Chɛɛ wo tachɛ buɛ ni wo ma Yataa 'a yɔnɛ n na, tima ɔ tima ko a.

1 CHƆN 2:24

Wo‑a min na min, a ka sakana bai chɛndɛ chɛ a min tima saa saa ma, wo a sa wo faa ɔ. Ni wo‑a an sa wo faa ɔ, wo e ma‑a wan mɔ dɔndɔɛ a Yataa 'a denɛ a, an fea Fa Yataa a.

KO Ɔ NUNDENƐ 14:13

Mbɛ n‑na mɔɛ kuiɛ a min to, a ka banda bu ɔ, a ɔ, “Bai chɛ nyɛn bɛ. I ɔ, a ka sanche ma, mɔɛ miin mbe an kai fa‑a Mansa Chisɔsi a, aan an ni fa, an duaen mu.” Mbɛ Yataa Nyina ɔ, “Tea ko a, an duaen mu. An mbe ee yakɔɔtawa kan kɔ kan dɔ yen‑da to, koe min na mu, an chɛ chɛ wai an mbe an ma konan‑da Yataa tena.”

KO Ɔ NUNDENƐ 22:14

Mɔɛ chɛ n duaen mu, miin mbe an 'na koa ko‑a, min mbe a ma, an ni don duu wa chɛ ɔ, fɛnsi chɛ da chɛ n na, mbɛ an‑na kɔn chɛ gbɔɛ daun, kɔn chɛ min mbe fɔɛ be ka.