CHIMISI 1:19 - Yataa 'a Dɔbɛnɛ Nama

¹⁹ N suun ma nyɔɛ nu Chasi ɔ, wo ko a di n ye. A sin, wo chɛ sa wo yii ma. Ni wo too ma sɔ koe mu, wo ma tima yayi a ma sɔ koe a. Chɛɛ wo tima ya koɔ koe a. Wo ni tima ya, faatɛ bɔ koe a.

CHIMISI 1:19 ပူးပေါင်းရင်းမြစ်များ

MATIU 5:22

Chɛɛ n mbe sanche gbɛ a fɔ tena wo ye, mbɛ ni mɔ ɔ mɔ faa tɛ‑a a ɔ benden ba a a, a suun ma nyɔɛ ma, an mɔɛ chɛ ɛ gbɛmbo‑a wan. Mɔ ɔ mɔ min mbe bai yama sa‑a a suun ma nyɔɛ ma, an mɔɛ chɛ ta gbɛmbo kɔ ɛ gbɛ‑a wan, Chu kuti wa ɔ. A sin, mɔ ɔ mɔ min mbe a fɔ‑a a suun ma nyɔɛ ma, a ɔ, ‘Yataa sɔn bai mu a a,’ a mɔɛ chɛ nɛnɛ ɛ ta‑a ta an dɔ, ni a fa‑a.

MAKI 12:37

Mansa Defidi wandi gbu yen ko gbɛ, a ɔ, kunka mansa chɛ benden mu a ma. Chɛɛ mɔ kun ma kundi ee koa, a ni ben i ma. A fɔen mu gbɛ, mbɛ kunka mansa chɛ ɛ bɔ‑a Mansa Defidi 'a dambi an dɔ. Fen ko a, chɛ ɛ ma?” A tima chɛ a, mɔ fanka chɛ nu, an bu ɔ dia‑a wan, an too ma sɔ koe a Chisɔsi ma.

MAKI 2:2

Mbɛ mɔ sɛsɛ n na sɔn‑da wan a ma, kaina nii to chenɛ bu ɔ, a basan pɛsa wɛɛ a, mɔɛ n ko a. A sin, a ni wan sakana bai chɛndɛ chɛ ɔ yian‑da an na.

DUKU 15:1

Tima dɔndɔ a, pawa kain mɔɛ nu, ni mɔɛ chɛ nu, miin nii sɔ ɔ Yataa 'a chia ma, an gbɛɛ na‑a wan, an too ma sɔ koe a Chisɔsi ma.

DUKU 19:48

Chɛɛ an nii ma chia kan kɔ kan sɔn ni a ma koe a, a mu min na, mɔɛ n gbɛɛ na‑a an too be wan Chisɔsi ma a tima chɛ a. An nii ma to ni a da a bai dɔndɔ wɛɛ ni fo an too a.

CHISƆSI 'A SƆ MƆƐ NU 1:15

Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

CHISƆSI 'A SƆ MƆƐ NU 10:33

Mbɛ an‑na a ma, n‑na mɔɛ n sɔ i chee‑a bui chɛ a. I wɛɛ, i‑a ko chɛndɛ ma wan, i na koe a. Chɛ an fɛ mu, sanche gbɛ, mmɔ gbɛɛ a sɔn sɔn‑da nɛ Yataa chen kɔɔ. Nn gbɛɛ sin too ma sɔen mu ka gbɛ i wan ma, Mansa Yataa‑a bai min don i da a, nn ko a, nn ni an bai a min.”

CHISƆSI 'A SƆ MƆƐ NU 13:48

A sin, mɔɛ chɛ nu, miin nii ma Chu mɔ a, an‑na bai chɛ a min kɛn, an bu ɔ dia‑a wan, an bun‑da Yataa tando‑a, a 'a bai ko a. Mɔ sɛsɛ sin, Yataa na‑a a boo sɔ miin ma, kuɔ fɔ fɔɛ ma sɔn koe a, an‑na an kai fa wan Chisɔsi a.

CHISƆSI 'A SƆ MƆƐ NU 17:11

Mɔɛ miin ni Bɛyia, an ta mɔya kɔ ni gbɛ, a ben chɛ n ma, miin ni Tɛsadonika. Koe min na mu, a ma bɛndenɛ ni, an too ma sɔ koe a Yataa 'a bai ma. Pɔɔ ni ma koɔ‑a tee ɔ tee a, an ni Yataa 'a gboo ma mɛn fan, a ɔ sɔn koe a, ni tea mu.

CHISƆSI 'A SƆ MƆƐ NU 2:42

Chɛ gbakɔ, mɔɛ chɛ n‑na an too ma sɔ wan kanɛ ma, Chisɔsi 'a sɔ mɔɛ chɛ n ni min chɛ, a si Yataa wakoe ma. Kuiɛ a kanɛ ni wan to an gbɛɛ tɛ ɔ, a sin, an ni daunɛ chɛ wan kaina dɔndɔɛ tima ɔ tima ko a. An ni bɛn fan to tima ɔ tima ko a, samun chɛ koe a. An‑na an 'na tima gbɛɛ be wan, koe chɛ n gbɛɛ ma koe a.

Gboo Ɛfisɔsi Ko A 4:26

Wo faa ni tɛ wɛɛ, wo ma ko yama ma. Wo faa gbu sin, a ma tɛ, a ka sauma ma, aan tee ni bea.

Gboo Ɛfisɔsi Ko A 4:31

Faa yama gbɛɛ, faagbandia gbɛɛ, faatɛ gbɛɛ, wo wo boo bɔ an gbɛɛ ɔ. A yɛ to, gbonyɛ wa gbɛɛ, nyɔn ma bɔ wa gbɛɛ, ni toomaya wa, wo an boo ka.

Gboo Kɔdɔsai Ko A 3:15

Chasi ɛ faachima min be, a ni ma wo faa ɔ wo nyɔn ko a. Koe min na mu, Yataa‑a wo chee kaina dɔndɔɛ faachima chɛ an ko a, yɔ mɔ gbu sɔna n mbe buɛ min dɔ an nyɔn boo ɔ. A sin nyin wo ni Yataa wai bɔ tima ɔ tima.

Gboo Kɔdɔsai Ko A 3:8

Chɛɛ sanche gbɛ, wo koe chɛ n gbɛɛ boo ka. Koe nu, yɔ faatɛ, ni faagbandia. A yɛ to, toomaya wɛɛ, ni tɔ ɔ tɛ yama chɛ, a basan bai yama sa a.

Gboo Saa Tɛsadonika Ko A 2:13

Nn mbe Yataa wai bɔ tena ko dɔndɔ an ko a, tima ɔ tima. Nn na‑a a 'a sakana bai chɛ ɔ yian wo a tima min na, wo‑a wo boo si wan a kɔɔ. Wo ma a ya ni da a bai gbama a. Chɛɛ wo‑a a ya, a wan Yataa 'a sakana bai an na. A gbu sin mu an na. A sin mbe wai tena wo a, wo wɛn kai faen mu Chasi a.

CHIMISI 1:16

N suun ma nyɔɛ nu Chasi ɔ, wo ko a di n ye. Wo ma dɔn mɔ ɔ mɔ ni wo bun.

CHIMISI 1:2

N suun ma nyɔɛ nu Chasi ɔ, wo bu ɔ ni dia, ni ko yawaen kan kɔ kan‑na wo tan.

CHIMISI 1:26

Ni mɔ ɔ mɔ‑a a fɔ, mbɛ Yataa sɔn mɔɛ mu a a, a ni a da a kuiɛ kun ma fɛn. Ni a ma chɛ ma ni, ɛ ma‑a ka a wandi an woo a. A ma Yataa sɔn.

CHIMISI 2:1

N suun ma nyɔɛ nu Chasi ɔ, wo ma to mɔɛ dɔ n na, a ni ben dɔ n ma. Ni wo‑a chɛ ma, wo ee che a fɔ‑a, mbɛ wo kai faen fan mu mmɔ 'a mansa Chisɔsi Chasi a, min mbe si ɔ a 'a basɔmaya ɔ.

CHIMISI 2:5

N suun ma nyɔɛ nu Chasi ɔ, wo ko a di n ye. Ka n mbe chɛ fɔ wo ye. Dunya chɛ na‑a miin ya yɔn tɔɛ n na, Yataa‑a a boo sɔ an mɔɛ chɛ n fan ma, an nyan‑da a ta chia a. An‑na an kai fa mmɔ 'a mansa Chisɔsi a. A sin, an mbe ma‑a wan a 'a mansaya kɔɔ banda bu ɔ. Mansaya chɛ, a na‑a mɔɛ chɛ n too ɔ dia min na, mɔɛ miin toen mu a a.

CHIMISI 3:10

Mmɔ da dɔndɔ gbe chɛ, an mbe Yataa tando, mbɛ a yɛ‑a to, bai yama bɔ‑a a ɔ. N suun ma nyɔɛ nu Chasi ɔ, chɛ ma nyin ɛnden bɛɛ a.

CHIMISI 4:11

N suun ma nyɔɛ nu Chasi ɔ, wo ma wo nyɔn ma bɔ. Mɔ ɔ mɔ min mbe a bɔɛ ma bɔ‑a, a ni kaa a tɛ a ma, a mɔɛ chɛ ɛ ma‑a ka sawa chɛ an ma bɔ‑a, Mosisi‑a min be. Ɛ ɛ ma‑a ka kaa a tɛ‑a an sawa chɛ an ma. Ni mɔɛ sin‑na kaa a tɛ sawa chɛ ma, mbɛ a ee ma‑a to a kɔɔ. Koe min na mu, a ban‑da ma‑a kaa a tɛ mɔɛ a sawa gbu ko a.

CHIMISI 5:12

N suun ma nyɔɛ nu, bai chɛ an mbe chɛ gbɛɛ kun ma. Ni wo ma‑a ko ɔ ko ma‑a, wo ma wo gboo. Wo ma wo gboo duu gboo ɔ, wo ma wo gboo banda bu ɔ ɔ, wo ma wo gboo fen fen dɔ. Ni wo‑a a fɔ, wo ɔ, wo dɔn‑da koe ma, wo dɔn a ma. Ni wo ma dɔn ni min ma, wo ma dɔn a ma. Wo chɛ ma, Yataa ma na kaa a tɛ, a ni wo tɔɔ.

CHIMISI 5:19

N suun ma nyɔɛ nu Chasi ɔ, ni wo dɔndɔ wɛɛ ka‑a Yataa 'a tea chia ma, a suun ma nyɔɛ dɔ mende ni a ma, a ni yɛ a ma.

1 CHƆN 2:21

N mbe gboo chɛ nyɛnɛ min chɛ tena wo tena, n mbe ee a fɔ tena wan ka, mbɛ wo ma tea sɔn. Koe min na mu, wo‑a a sɔn fan. A sin to, wo‑a a ɔ sɔn fan to, mbɛ fania kan kɔ kan mbe ee che a ma‑a, wo ni ka tea chia chɛ ma.