CHIMISI 1:17 - Yataa 'a Dɔbɛnɛ Nama

¹⁷ Ko chɛndɛ gbɛɛ, mabɔ ee min ma, ɛ ka Yataa an tena. Manɛ gbɛɛ, miin na dandenɛ ɛ banda bu ɔ, a boo gba mu an na. Ko chɛndɛ kan kɔ kan, mabɔ ee min ma, a wan‑na an be mmɔ ma, a ka banda bu ɔ. A tana, a ee mun kuɔ fɔ. A ee ka yɔ nininɛ, min mbe ka a gba ɔ.

CHIMISI 1:17 ပူးပေါင်းရင်းမြစ်များ

MATIU 7:11

Ni wo wɛn sɔnɛ yau ka, ni wo kosan fan fen chɛndɛ n be‑a wo 'a denɛ n ma, Fa Yataa sin gbɛ, min mbe banda bu ɔ, ɛ fen chɛndɛ be‑a wan wo ma, wo wɛn mbe a ɔ tisa‑a a ko a.

DUKU 11:13

Ni wo wɛn sɔnɛ yau ka, ni wo kosan fan fen chɛndɛ n be‑a wo 'a denɛ n ma, mmɔ Fa sin gbɛ, min mbe banda bu ɔ, ɛ fen chɛndɛ be‑a wan wo ma, min benden mu wo ta n ma. Ɛ Yataa Nyina be‑a wan chɛ n ma, miin mbe a ɔ tisa‑a a ko a.”

CHƆN 1:9

Mɔɛ min mu tea manɛ a, min mbe manɛ be mɔ ɔ mɔ ma, a ni na tena wan dunya ɔ.

CHƆN 3:27

Chɔn dɔ, “Ni koe ma‑a ka, Yataa an dɔn‑da a ma.

CHƆN 3:3

Mbɛ Chisɔsi ɔ, “N ni a ma din i tena, mɔ ɔ mɔ ee don Yataa 'a mansaya kɔɔ, mɔɔ ni a mɔɛ chɛ suun‑da to a nama a.

CHƆN 8:12

Chisɔsi koɔ‑a wan to mɔɛ chɛ n tena, a ɔ, “N fan mu manɛ a dunya chɛ gbɛɛ ko a. Mɔ ɔ mɔ min mbe bea‑a n fɛ, ɛ manɛ ma sɔn‑da wan, min mbe a ma, mɔɛ ni ma fɔɛ ɔ. A yɛ to, a mɔɛ chɛ ee tachɛ‑a kuɔ fɔ ko a pimbi pimbi ɔ.”

CHISƆSI 'A SƆ MƆƐ NU 11:18

An‑na bai chɛ a min kɛn, an sɛmbɛ‑a wan a ma nyin koe a. Mbɛ an‑na Yataa tando, an dɔ te, “Mbɛ Yataa deman‑da mɔɛ chɛ n bɛɛ ma, miin ma Chu mɔ a. A‑a chia sa wan an bɛɛ ye, an ni an kan kɔ sɔ an 'na ko yama a, mbɛ an‑na kuɔ fɔ fɔɛ ma sɔn.”

CHISƆSI 'A SƆ MƆƐ NU 5:31

Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

GBOO DOMI KO A 6:23

Ko yama tana, saya an mu a tɔnɔnɛ a, a wandi ɛ na min na. Chɛɛ Yataa ɛ min be mmɔ ma gbama gbama a, an nɛ kuɔ fɔ fɔɛ a. Chɛ ɛ ma wan, koe min na mu, mmɔ ma‑a mɔ dɔndɔɛ a Chisɔsi Chasi a, mmɔ 'a mansa.

GBOO SAA KƆYINDI KO A 4:7

Wo ta mɔgbuya, a a ma sɛ ni, a ni ben mɔ ɔ mɔ ta ma ɛnden bɛɛ a. Fen kɔ fen min mbe wo boo ɔ, Yataa an‑na a be wo ma. Ni wo‑a an ma sɔn Yataa an na, tea kan kɔ kan mbe ee wo boo ɔ, yonka tɛ koe a, yɔ wo ma an ma sɔn ni an na gbama a.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

Gboo Ɛfisɔsi Ko A 1:18

N mbe samunɛ chɛ tena to, Yataa ni a ma, wo ni a 'a manɛ yen, a ɔ sɔn koe a, fen chɛndɛ miin mbe a boo ɔ wo ko a. Wo wan, a‑a wo wɛn chee, ma koe a a ta mɔɛ n na. N mbe samunɛ chɛ tena to, wo ni a ɔ sɔn to, mbɛ wo too ɔ diaen mu dua miin na, an koo kaka.

Gboo Ɛfisɔsi Ko A 2:8

Koe min na mu, koadia demanɛ ɔ mu, wo‑a bauncha ma sɔn. A sin ma‑a koe min na mu, wo‑a wo kai fa wan Chasi a. Chɛ sin, wo wan ma a ma ni. Chɛɛ Yataa wandi, an‑na a ma wo ko a, gbama gbama a.

Gboo Fiipai Ko A 1:29

Koe min na mu, ɛ wan gbɛ Yataa boo ɔ wo ko a, mbɛ Chasi chɛ wakoe, wo kai fa koe ma dechee a a. Chɛɛ wo gbu, wo e tɔɔya ɔ bia‑a wan a ko a.

1 TIMOTI 6:16

A dɔndɔ gbe an mbe ee fa kuɔ fɔ ko a, ɛ tun man ba an dɔ, mɔ ee che gbɛn‑da manɛ min ma, a sin mɔ ɔ mɔ ma a yen nin bɛ fɔɛ ɔ, mɔ sin mbe ee che a yen‑da. Basɔmaya fea kuɔ fɔ gbasaya ni ma a ma. A ni ma ka.

GBOO IBU MƆƐ N KO A 13:8

Chisɔsi Chasi ma mun ni a kɔma a, a ee mun bi tee chɛ kɔ, a sin mbe ee mun‑da kuɔ fɔ ko a.

CHIMISI 1:5

Ni yiimatɛ ee wo ɔ, a ɔ sɔn koe a, Yataa toen mu wo ni ma buɛ min dɔ, wo a ɔ tisa. A ee ban‑da a be koe a wo ma. Koe min na mu, ɛ fen sɛsɛ be wan mɔ gbu ma, a bu ɔ diama ɛ.

CHIMISI 3:15

Toomaya, ni mɔ gbu to koe a a wandi faa ma koe n na dechee, Yataa ta yiimatɛ ma an na. Dunya chɛ ma yiimatɛ an nɛ, Yataa Nyina ma to ni min na. Sitana an mbe dechee sɔ ɔ an yiimatɛ chɛ nyɔn sima kɔ.

CHIMISI 3:17

Chɛɛ koe saa saa mu min na, Yataa ta yiimatɛ, ko ɔ ko ee a ma. Sɔnkɔ sɔnkɔ ee a kɔ chia a, faachima an mbe a ɔ. A yɛ to, basamaya an be a ɔ, chinchimaya, ni ko chɛndɛ ma. Yiimatɛ an nɛ, min mbe ee mɔ ya bɔ, nɛnɛn feaya sin mbe ee a ɔ.

1 CHƆN 1:5

Nn‑na sakana bai chɛ an na min a a, nn mbe ka min dɔ yian‑da wo a, mbɛ Yataa mu manɛ an na. Ko kan kɔ kan mbe ee an tɛ, an fea pimbi a.

1 CHƆN 4:10

An ma a fɔ ni, mbɛ mmɔ wan to‑a Yataa a, chɛɛ a wan to‑a dechee mmɔ a. Chɛ‑a a ma wan, a wan Yataa, a‑a a 'a den chɛ a na, a ni ma yasi a mmɔ 'a ko yama n ko a. Koadia chɛ mu chɛ an na.

KO Ɔ NUNDENƐ 21:23

A sin, tee ma gbɔsɔ nii an duu chɛ ma, kau ma gbɔsɔɛ wɛɛ nii a ma. Koe min na mu, Yataa 'a manɛ ɛ wan a ɔ, a yɛ to, sa tɔngbɔɛ wɛɛ ɛ manɛ be wan a ma, yɔ dambo ɛ manɛ be buɛ min dɔ.

KO Ɔ NUNDENƐ 22:5

A sin to, pimbi ee ma‑a nɔ kuɔ fɔ, dambo manɛ ma gbɔsɔ ee ma‑a an ma, chɛ ma, tee ma gbɔsɔɛ ni ma an ma. Koe min na mu, Yataa Mansa an mbe ma‑a an 'na manɛ a, an sin mbe ma‑a wan mansa n na, kuɔ fɔ ko a.