CHIMISI 1:16 - Yataa 'a Dɔbɛnɛ Nama

¹⁶ N suun ma nyɔɛ nu Chasi ɔ, wo ko a di n ye. Wo ma dɔn mɔ ɔ mɔ ni wo bun.

CHIMISI 1:16 ပူးပေါင်းရင်းမြစ်များ

MATIU 22:29

Mbɛ Chisɔsi ɔ, “Wo saman‑da kaka a fɔ koe a, mbɛ ni mɔɛ fa‑a, a ee a kɔɔ sɔ to a ka saya ɔ. Chɛɛ koe min‑na a ma wo saman‑da, wo ma Yataa 'a gboo ɔ gbɛ ni, mbɛ a yɛ to, wo ma ko ɔ ko ɔ sɔn a si Yataa 'a gbasaya ma.

MAKI 12:24

Mbɛ Chisɔsi ɔ, “Wo saman‑da kaka a fɔ koe a, mbɛ ni mɔɛ fa‑a, a ee a kɔɔ sɔ to a ka saya ɔ. Mbɛ fen‑na a ma wo saman‑da, a mu koe min na, wo ma Yataa 'a gboo ɔ gbɛ ni, mbɛ a yɛ to, wo ma ko ɔ ko sɔn a si Yataa 'a gbasaya ma.

MAKI 12:27

Mbɛ Chisɔsi‑a a fɔ to, a ɔ, “Chɛ‑a a ɔ yian fan, mbɛ chɛndɛ ba n fan mbe Yataa fai. Mɔɛ min faen mu, a ee Yataa fai. Tea ee wo 'a yiinachii ɔ.”

CHISƆSI 'A SƆ MƆƐ NU 1:15

Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

GBOO SAA KƆYINDI KO A 6:9

Wo‑a a ɔ sɔn fan pɛnɛnɛ, mbɛ mɔɛ chɛ n mbe ee don Yataa 'a mansaya kɔɔ, mɔɛ miin mbe ko yama ma. Wo ma wo wandi woo. An mɔɛ chɛ n fan nɛ, miin mbe waa yama ma basanɛ a, ni miin mbe fɛnɛ n fai miin ma Yataa a. Chɛ ma, miin mbe waa ma basan an bɔ kai n na, an bɛ chɛ n na, miin mbe waa ma basan an bɔɛ n ta si nyɔɛ n na.

Gboo Kadesia Ko A 6:7

Wo ma wo wandi bun, mbɛ wo e kun fan wo ni Yataa ma yɛn. Koe min na mu, chin fen kan kɔ kan, mɔɛ ɛ min chin, ɛ danka an gbɔɛ ya a.

Gboo Fiipai Ko A 2:12

N dia nyɔɛ nu, mmɔ bɛ ni tima min na, wo ni wan n da a kuiɛ ma. N mbe ee ka tima min na wo ya kɔɔ, a gbu nyin gbɛ sanche wan, wo ni ma n da a kuiɛ ma chɛndɛ chɛ. Wo ma yɛ kuu kɔ koe n ma koe a, miin ma biaen mu wo ko a, Yataa‑a wo wɛn baun. Wo an ma ma samba ɔ, wo an ma chiandia ɔ.

Gboo Fiipai Ko A 4:1

Chɛ an fɛ mu, n suun ma nyɔɛ nu Chasi ɔ, n toen mu wo a, wo sin yen sɔɛ ɛ n na. N bu ɔ di wo ko a, a yɛ to, wo wan mu tɔnɔnɛ a, n 'na wai ko a. N dia nyɔɛ nu, wo bɛ Mansa Chisɔsi a, wo ma‑a ka buɛ min dɔ mɔ dɔndɔɛ a, wo ma yɛ to kuu kɔ chɛ ɔ.

Gboo Kɔdɔsai Ko A 2:4

N mbe chɛ fɔ tena, min mbe a ma, mɔ ɔ mɔ ma na wo bun, an 'na daɔdia bai ma kawaenɛ n na, an mbe miin dɔ yian‑da.

Gboo Kɔdɔsai Ko A 2:8

Wo wo kun ma fɛn, wo ma na ma yɔnɛ a, mɔ dɔ mende n 'na yiinachii ɔ yansama boo ɔ. An ma na wo bun, wo ni bea mɔ gbu ta manda n fɛ, wo ni bea dunya chɛ ma nyina n fɛ. An mbe ee ma‑a Chasi ta chia fɛ.

2 TIMOTI 2:18

An ka‑a tea chia ma, mbɛ an bun‑da an bɔɛ n bɛɛ ɔ chɛ‑a, danaya ɛ miin dɔ Chisɔsi ko a. An mbe kanɛ chɛ‑a, an dɔ, mɔɛ n ban‑da an kɔɔ sɔ‑a saya ɔ.

GBOO IBU MƆƐ N KO A 13:1

Wo to wo nyɔn na tima ɔ tima ko a, yɔ mɔɛ ɛ to buɛ min dɔ a suun ma nyɔɛ n na.

CHIMISI 1:19

N suun ma nyɔɛ nu Chasi ɔ, wo ko a di n ye. A sin, wo chɛ sa wo yii ma. Ni wo too ma sɔ koe mu, wo ma tima yayi a ma sɔ koe a. Chɛɛ wo tima ya koɔ koe a. Wo ni tima ya, faatɛ bɔ koe a.

CHIMISI 1:2

N suun ma nyɔɛ nu Chasi ɔ, wo bu ɔ ni dia, ni ko yawaen kan kɔ kan‑na wo tan.

CHIMISI 2:1

N suun ma nyɔɛ nu Chasi ɔ, wo ma to mɔɛ dɔ n na, a ni ben dɔ n ma. Ni wo‑a chɛ ma, wo ee che a fɔ‑a, mbɛ wo kai faen fan mu mmɔ 'a mansa Chisɔsi Chasi a, min mbe si ɔ a 'a basɔmaya ɔ.

CHIMISI 2:14

N suun ma nyɔɛ nu Chasi ɔ, ni mmɔ‑a a fɔ, mbɛ mmɔ kai faen mu Yataa a, a ni yen mmɔ tachɛ buɛ ma fɔɛ ɔ. Ni mmɔ ma chɛ ma ni, mbɛ mmɔ kai fa buɛ chɛ Yataa a, a ee mɔ ɔ mɔ baun.

CHIMISI 2:5

N suun ma nyɔɛ nu Chasi ɔ, wo ko a di n ye. Ka n mbe chɛ fɔ wo ye. Dunya chɛ na‑a miin ya yɔn tɔɛ n na, Yataa‑a a boo sɔ an mɔɛ chɛ n fan ma, an nyan‑da a ta chia a. An‑na an kai fa mmɔ 'a mansa Chisɔsi a. A sin, an mbe ma‑a wan a 'a mansaya kɔɔ banda bu ɔ. Mansaya chɛ, a na‑a mɔɛ chɛ n too ɔ dia min na, mɔɛ miin toen mu a a.

CHIMISI 3:1

N suun ma nyɔɛ nu Chasi ɔ, wo sɛsɛ ma ma ticha n na, mɔɛ n kan koe a chɔchi n dɔ. Koe min na mu, mmɔ wan kan chɛ mɔɛ chɛ nu, Yataa ɛ kaa a tɛ‑a wan, a si mmɔ ma, faaakɔɔɛ wandi gbu a, a ben mɔɛ tɔɛ n ma.

CHIMISI 3:10

Mmɔ da dɔndɔ gbe chɛ, an mbe Yataa tando, mbɛ a yɛ‑a to, bai yama bɔ‑a a ɔ. N suun ma nyɔɛ nu Chasi ɔ, chɛ ma nyin ɛnden bɛɛ a.

CHIMISI 4:11

N suun ma nyɔɛ nu Chasi ɔ, wo ma wo nyɔn ma bɔ. Mɔ ɔ mɔ min mbe a bɔɛ ma bɔ‑a, a ni kaa a tɛ a ma, a mɔɛ chɛ ɛ ma‑a ka sawa chɛ an ma bɔ‑a, Mosisi‑a min be. Ɛ ɛ ma‑a ka kaa a tɛ‑a an sawa chɛ an ma. Ni mɔɛ sin‑na kaa a tɛ sawa chɛ ma, mbɛ a ee ma‑a to a kɔɔ. Koe min na mu, a ban‑da ma‑a kaa a tɛ mɔɛ a sawa gbu ko a.

CHIMISI 5:12

N suun ma nyɔɛ nu, bai chɛ an mbe chɛ gbɛɛ kun ma. Ni wo ma‑a ko ɔ ko ma‑a, wo ma wo gboo. Wo ma wo gboo duu gboo ɔ, wo ma wo gboo banda bu ɔ ɔ, wo ma wo gboo fen fen dɔ. Ni wo‑a a fɔ, wo ɔ, wo dɔn‑da koe ma, wo dɔn a ma. Ni wo ma dɔn ni min ma, wo ma dɔn a ma. Wo chɛ ma, Yataa ma na kaa a tɛ, a ni wo tɔɔ.

CHIMISI 5:19

N suun ma nyɔɛ nu Chasi ɔ, ni wo dɔndɔ wɛɛ ka‑a Yataa 'a tea chia ma, a suun ma nyɔɛ dɔ mende ni a ma, a ni yɛ a ma.