Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHIMISI 1:12 - Yataa 'a Dɔbɛnɛ Nama

12 Yataa ɛ mɔɛ chɛ n dua‑a wan, miin mbe an faa bia, ni ko yawaenɛ‑a an tan. Koe min na mu, ni an‑na an koe chɛ ɔ bia, Yataa ɛ boo ɔ gbasi woo min be‑a an ma, ɛ ma‑a kuɔ fɔ fɔɛ an na. Fɔɛ chɛ, a na‑a tooɔdia be koe an na mɔɛ n ma, miin toen mu a a.

အခန်းကိုကြည့်ပါ။ ကော်ပီ




CHIMISI 1:12
49 ပူးပေါင်းရင်းမြစ်များ  

Mɔɛ n gbɛɛ mbe too‑a wan wo a, a mu min na, n fɛ mɔɛ mu wo a. Chɛɛ i wɛn mbe i faa bia‑a aan a danka a, Yataa ɛ i baun‑da wan.


Mbɛ n fan mansa chɛ, n mbe a fɔ‑a wan mɔɛ chɛ n ye, n boo nyima ɔ, n dɔ, an ni na. N dɔ, Fa Yataa‑a an dua. N dɔ, an ni na, an ni Yataa 'a mansaya tɔnɔnɛ ma sɔn, min dɔ bɛn‑da suun an ko a, a ka dunya a dan tima ma.


“Ni mɔ gbu n too‑a wo a a si n ma, n fan, Mɔ Gbu 'a Denɛ, dua mu a a wo ma. Ni an‑na an kan kɔ sɔ wo a, mbɛ an‑na wo main, mbɛ an yɛ‑a, an‑na bai yama sa wo ma.


Mmɔ sin mbe mmɔ faa bia min chɛ, ɛ a ma wan, mmɔ yiima ni kɔɔ mmɔ 'a koe a dan buɛ ɔ. Chɛ sin mbe a ma wan mmɔ yii na tɛenɛ ni ma Yataa ma.


Mmɔ‑a a ɔ sɔn fan, mbɛ ko ɔ ko kan kɔ kan dɔ, mɔɛ miin toen mu Yataa a, a wɛɛ, ɛ wai chɛndɛ n fan chɛ an ko a. An mɔɛ chɛ nu, an fan cheeen mu, a 'a dɔbɛnɛ ta fɛ chia a.


Chɛɛ min maen mu, ɛ ka wan dechee yɔ min nyɛnden mu Yataa 'a gboo ɔ. A ɔ, mɔ ɔ mɔ ma koe chɛ n dɔ yen nin bɛ, a ya a, a ɔ, a ma an na min ni, a too a, a ɔ, mɔ ɔ mɔ sin ma an dɔ gbɛ ni, a yiima ɔ. A ɔ, koe chɛ nu, Yataa‑a min sa tena ɔ bɛn mɔɛ n ko a, a ɔ, miin toen mu a a.


Chɛɛ ni Yataa ko a dia‑a mɔɛ ye, ɛ a mɔɛ chɛ sɔn fan.


A sin, bui chɛ mɔɛ kan kɔ kan, ɛ tachɛ wan a wandi a chɛndɛ chɛ koe gbɛɛ ɔ. An mbe chɛ ma, min mbe a ma, an ni mansa banfua ma sɔn, min gbu ee mɛ. Chɛɛ mmɔ tana, mmɔ ɛ bui chɛ tena boo ɔ gbasi woo an ko a, min mbe ma‑a kuɔ fɔ ko a.


Butuin chɛ, min mbe a ma, Yataa faa ni chima i a. I ni ma wai chɛ mɔɛ chɛndɛ a, min mbe ee mau, a wandi gba ma, min mbe Yataa 'a bai kan tena teaya buɛ ɔ.


A ka gbɛ sanche ma, boo ɔ gbasi woo ɛ n ma kɔn tena banda bu ɔ, Mansa Chisɔsi boo ɔ, a wɛn tanden mu kaa a tɛ ɔ. Ɛ a be‑a wan n ma a tee chɛ ma. A sin mbe ee ma‑a n dɔndɔ gbe an na, chɛɛ chɛ n bɛɛ miin ya ɛ chia a, a na tima ma kɔnɛ a.


Chɛɛ wo wo yii na chii koe miin na‑a si wo a, a saa a, tima min na wo na‑a manɛ ma sɔn, a si Chisɔsi ma. A tima chɛ a, wo na‑a tɔɔya ɔ gbɛama ɔ bia wan.


Ebeami na‑a a kai fa wan Yataa a. An na‑a a ma, Yataa na‑a a yiima yan kɛn, a dɔn‑da a 'a den dɔndɔ gbe bɔ koe a yasi a. Yataa sin na‑a a too ɔ dia wan, a ɔ, “I 'a denɛ Aisaki cheeya nu dechee, an fan mbe ya‑a i cheeya chɛndɛ chɛndɛ n na.” Chɛɛ chɛ gbɛɛ ɔ, Ebeami ma bɛnden fan ni a 'a den dɔndɔ gbe be koe a yasi a Yataa ma.


Wo ma nyina Yataa 'a bai ma, a na‑a min fɔ, wo faa ma nande koe a, a 'a denɛ mu buɛ min dɔ wo a. A na‑a a fɔ wan a 'a gboo ɔ, a ɔ, “N 'na denɛ nu, wo wo too ma sɔ, ni n fan Mansa Yataa ma‑a wo sɔ‑a chia ma. A sin, wo faa ma yɔn, ni n ma‑a wo ma tɔɔ‑a.


Chɛ sin ko a, Ebeami na‑a a faa bia wan ko sɛsɛ a, mbɛ a too ɔ dia‑a min na, a‑a a ma sɔn.


N suun ma nyɔɛ nu Chasi ɔ, wo ko a di n ye. Ka n mbe chɛ fɔ wo ye. Dunya chɛ na‑a miin ya yɔn tɔɛ n na, Yataa‑a a boo sɔ an mɔɛ chɛ n fan ma, an nyan‑da a ta chia a. An‑na an kai fa mmɔ 'a mansa Chisɔsi a. A sin, an mbe ma‑a wan a 'a mansaya kɔɔ banda bu ɔ. Mansaya chɛ, a na‑a mɔɛ chɛ n too ɔ dia min na, mɔɛ miin toen mu a a.


Dua ɛ ma wan mɔɛ chɛ n ma, miin mbe faabia chɛ ko yawaenɛ ɔ. Kai Chobi mu an mɔɛ chɛ n dɔndɔ a. Wo‑a a a min fan, a na‑a a faa bia buɛ min dɔ. A sin, wo‑a a ɔ yen fan to, Mansa Yataa 'a dɔbɛnɛ na‑a bɔ buɛ min dɔ a gbee a. A mu min na, chinchimaya faa an mbe Yataa ɔ, a sin mbe chinchin.


Chɛɛ ni wo‑a tɔɔya ɔ bia wɛɛ, ko chɛndɛ ma gbaa chia a, dua wa mu wo ma. Mɔ ɔ mɔ ma a ma chianɛ ni ma wo ɔ, wo sin faa ma gbaa a.


Chɛɛ a ni ma buɔdia a wo tena, mbɛ wo e ko yawaenɛ min dɔ bia tena, Chasi na‑a an sima ɔ bia. Chɛ ɛ ma‑a wan wo ni ma buɔdia da faenɛ ɔ, ɛ yen‑da tima min na gbasaya ɔ, dunya chɛ ɔ.


An mbe wo wɛn main‑da, an dɔ, Chisɔsi Chasi fɛ mɔɛ mu wo a, dua ɛ wo ma. Chɛ‑a a ɔ yian fan ka, Nyina gbasayaen chɛ, Yataa Nyina, ɛ gbɛ wo fɛ gban.


Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.


A sin, ni Chasi‑a a kunɛ a bɔ, a wɛn mu mɔɛ n kun ma fɛn mɔɛ n 'na mansa a, wo e banfua chɛ ma sɔn‑da wan, baa koo min ma. Banfua an nɛ, min mandenɛ ɛ ma‑a taun kuɔ fɔ ko a.


A nyin koadia ni ma mmɔ ɔ, koe min na mu, Yataa pɛn‑na koadia yian mmɔ a.


Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”


Mɔɛ chɛ nu, n toen mu miin na, n mbe an fan ma nyin, mbɛ n‑na a ma, an tɔɔ‑a. Chɛ an fɛ mu, wo wo ma bɛn, mbɛ wo‑a wo kan kɔ sɔ wo 'a ko yama n na.


Mɔ ɔ mɔ min mbe sɔ‑a gban Yataa ko a, n mbe a ma‑a wan, a ni si n baima n 'na mansaya ɔ. An mɔɛ chɛ, ɛ ma‑a wan yɔ n fan, n sɔ‑a buɛ min dɔ gban, mbɛ n‑na si tena chɛ ya Fa Yataa tɔnfɛ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ