CHISƆSI 'A SƆ MƆƐ NU 9:40 - Yataa 'a Dɔbɛnɛ Nama

⁴⁰ Mbɛ Pita‑a an gbɛɛ a bɔ dumu gbu ɔ, mbɛ a‑a a kumbai gbangban, a‑a samunɛ chɛ. Mbɛ a‑a a ya a mun su chɛ ma, mbɛ a‑a a fɔ, a ɔ, “Tabita, i kɔɔ sɔ.” Mbɛ a ya kɔɔɛ a, Tabita‑a a ya a ka. A sin‑na Pita yen kɛn, a‑a a kɔɔ sɔ wan, mbɛ a si‑a.

CHISƆSI 'A SƆ MƆƐ NU 9:40 ပူးပေါင်းရင်းမြစ်များ

MATIU 6:6

Chɛɛ a sin to, ni i ma‑a samunɛ chɛ‑a, don i 'a dumu ɔ, i ni a da a tɔn, mbɛ i‑a samunɛ chɛ Fa Yataa tena, e ee min yen. A sin, Fa Yataa, min‑na nun dɔ koe kan kɔ kan dɔ sɔn, ɛ a tɔnɔnɛ be‑a wan i ma.

MATIU 9:25

Chɛɛ mɔɛ chɛ n gbɛɛ ban‑da wan bɔ‑a chen chɛ a. Mbɛ Chisɔsi don‑da den chɛ su ni sa ɔ kaina min, a‑a a boo bia, a‑a a ya. Mbɛ den musuen chɛ‑a a kɔɔ sɔ.

MAKI 9:25

Chisɔsi‑a a ɔ yen kɛn mɔ fanka da ɛ koa‑a tun, mbɛ a‑a a fɔ wan nyina yama chɛ ma, a ɔ, “I wan nyina chɛ, i wɛn mbe mɔɛ too gbee, e mɔɛ ma to mumunɛ a, ka den chɛ fɛ fion. A sin, i ma bea to a fɛ kuɔ fɔ.”

DUKU 22:41

Mbɛ a ka‑a wan an baima ɛnden na, mbɛ a‑a a kumbai gbangban, mbɛ a bun‑da samunɛ chɛ‑a.

DUKU 8:54

Chɛɛ Chisɔsi‑a den chɛ ya wan a boo ma, mbɛ a‑a a chee banda a, a ɔ, “N 'na den, i kɔɔ sɔ.”

CHISƆSI 'A SƆ MƆƐ NU 20:36

Pɔɔ ban‑da kɛn koɔ‑a ka mɔɛ chɛ n tena, a‑a a kumbai gbangban fan, an bɛ gbɛɛ an na, mbɛ an‑na samunɛ chɛ Yataa tena.

CHISƆSI 'A SƆ MƆƐ NU 21:5

Chɛɛ nn 'na tima ban‑da kɛn nɔ duu chɛ ɔ, nn‑na nn saa wan an na, ta koe a. An gbɛɛ, musu nu, kai nu, an bɛ an 'na denɛ n na, an‑na nn ma sɔ wan. Nn che‑a kɛn yii da a, nn gbɛɛ, nn‑na nn kumbai gbangban fan, nn‑na samunɛ chɛ Yataa tena.

CHISƆSI 'A SƆ MƆƐ NU 28:8

A tima chɛ a, nn‑na a wan Pubiɔsi fa tan fan sa ɔ gbandi ɔ. Chima an na‑a bɔn a ma, a basan wii chɛ a. A sin, Pɔɔ ta‑a wan a kɔndɔn‑da, mbɛ a‑a samunɛ chɛ a ma. A sin‑na a boo bun kɛn dechee Pubiɔsi fa gbandien chɛ ma, a gbu baun‑da.

CHISƆSI 'A SƆ MƆƐ NU 7:60

Mbɛ a‑a a kumbai gbangban duu ma, mbɛ a‑a samunɛ chɛ, a kuiɛ ma sɛenɛ a. A ɔ, “Mansa, i boo bɔ mɔɛ chɛ n 'na ko yama chɛ n dɔ, an mbe ka min ma‑a n na.” A ban‑da kɛn samun chɛ chɛ‑a, mbɛ a fa‑a.