CHISƆSI 'A SƆ MƆƐ NU 9:34 - Yataa 'a Dɔbɛnɛ Nama

³⁴ Mbɛ Pita‑a a fɔ a ye, a ɔ, “Ainɛasi, Chisɔsi Chasi‑a i baun. I kɔɔ sɔ, i ni i 'a sofa ɔ bɛn.” A ya kɔɔɛ a, Ainɛasi‑a a kɔɔ sɔ.

CHISƆSI 'A SƆ MƆƐ NU 9:34 ပူးပေါင်းရင်းမြစ်များ

MATIU 8:3

Mbɛ Chisɔsi‑a a boo a ta, mbɛ a tu‑a kamin chɛ a. Mbɛ a ɔ, “I baun koe a di n ye. Baun gbɛ sanche.” Mbɛ a ya kɔɔɛ a, gbandi chɛ baun‑da kamin chɛ ma.

MATIU 9:6

N mbe a ɔ yian‑da wan gbɛ wo a, mbɛ gbasaya ɛ wan n fan, Mɔ Gbu 'a Denɛ, n boo ɔ dunya chɛ ɔ, n boo bɔ koe a ko yama ɔ.” Mbɛ a‑a a fɔ namaa chɛ ma, a ɔ, “N mbe a fɔ tena gbɛ i ye, mbɛ i ni i kɔɔ sɔ, i ni i 'a yaa ya, i ni ta i waa a.”

CHƆN 2:11

Kamaya koe wa saa an nii nɛ, Chisɔsi na‑a min ma. A na‑a a ma Kana duu ɔ wan, Kadidi chɛnyɛ ɔ. A na‑a a ɔ yian nɔ wan, a kamayaen ni buɛ min dɔ, mbɛ a fɛ denɛ n‑na an kai fa a a.

CHISƆSI 'A SƆ MƆƐ NU 16:18

A sin‑na chɛ ma wan tee sɛsɛ ko a, min‑na a ma, Pɔɔ faa tɛ‑a. Mbɛ a‑a a ya a mun an yɔnɛ chɛ ma, a‑a a fɔ nyina yama chɛ ma, a ɔ, “Chisɔsi Chasi tɔɛ ɔ, n mbe a fɔ tena i ye, mbɛ i ni ka den musuen chɛ fɛ.” A ya kɔɔɛ a, nyina yama chɛ ka‑a wan den den chɛ fɛ.

CHISƆSI 'A SƆ MƆƐ NU 3:12

Pita‑a mɔɛ chɛ n yen kɛn an na tindanɛ, a‑a a fɔ an ye, a ɔ, “N bɔ Isɔɛɛ mɔɛ nu, kamin chɛ baun koe ma wo kɔndɔ fii. Wo ma nn ma fɛn ya dɔ mende a. A ma ma wo yii ma, mbɛ nn 'na gbasaya ɔ mu, nn‑na chɛ ma. An ma a fɔ ni, nn mbe a ma wan, Yataa faa ni chima kaka, min‑na a ma, nn‑na a ma kamin chɛ‑a tachɛ chɛ.

CHISƆSI 'A SƆ MƆƐ NU 3:16

Kaifa chɛ sin Chisɔsi a, an‑na a ma, namaa chɛ baun‑da ka. Wo kamin chɛ ma fɛn, wo gbɛɛ‑a a sɔn fan. Kaifa Chisɔsi a, an‑na a ma ka, kamin chɛ baun‑da fɛsɛ fɛsɛ, yɔ wo gbɛɛ‑a a ɔ yen buɛ min dɔ.

CHISƆSI 'A SƆ MƆƐ NU 3:6

Chɛɛ Pita ɔ, “Kɔpɔ kan kɔ kan mbe ee n boo ɔ, a be koe i ma. Chɛɛ fenɛ min nɛnɛ ɛ n boo ɔ, n mbe a be‑a wan i ma. Chisɔsi Chasi min ka‑a Nasaɛti duu ɔ, a 'a gbasaya ɔ mu, n mbe a fɔ tena i ye, mbɛ i ni i kɔɔ sɔ, i ni tachɛ chɛ.”

CHISƆSI 'A SƆ MƆƐ NU 4:10

Nn mbe a ɔ yian‑da wan gbɛ wo a, a basan mɔɛ tɔɛ n gbɛɛ a Isɔɛɛ chɛnyɛ ɔ, kamin chɛ ɛ sɔ ɔ nɛ, mɔɛ min 'na gbasaya ɔ. Nasaɛti duu ɔ mɔɛ chɛ mu, Chisɔsi Chasi, wo‑a min gbangban kɔn gbengbandenɛ ma, mbɛ a fa‑a. Chɛɛ Yataa‑a Chisɔsi kɔɔ sɔ wan, a ka saya ɔ. An Chisɔsi Chasi chɛ 'a gbasaya ɔ mu kamin chɛ, wo e ka min yen tena, a‑a bauncha ma sɔn.

CHISƆSI 'A SƆ MƆƐ NU 9:33

An duu chɛ ɔ, kamin dɔndɔ ni wan nɔ, min tɔ ni Ainɛasi. A namaaenɛ ni. A sin, san sɛin ko a, a nii ma che ni puin‑da a sa sofa gbu a.

CHISƆSI 'A SƆ MƆƐ NU 9:35

Mɔɛ gbɛɛ, miin ni ka Dida duu chɛ ɔ, an fea Saon na, an‑na kamin chɛ yen fan tachɛ a. Mbɛ an gbɛɛ‑a an ya a mun, Mansa Chisɔsi ma, a tima chɛ a gbɛ.