CHISƆSI 'A SƆ MƆƐ NU 9:27 - Yataa 'a Dɔbɛnɛ Nama

²⁷ Chɛɛ Banabasi basan‑da wan Sɔɔ ma, a yian koe a Chisɔsi 'a sɔ mɔɛ chɛ n na. A‑a a ɔ yian fan an na, Mansa Chisɔsi bɔ‑a buɛ min dɔ Sɔɔ ya a, kɛn a ni ta tena Damasikɔsi. A yɛ to, Mansa Chisɔsi koɔ‑a buɛ min dɔ a tena. Banabasi yɛ‑a wan to, a‑a a ɔ yian, Sɔɔ na‑a Yataa bai sa buɛ min dɔ faagbɛa a, mɔɛ n tena Damasikɔsi, a si Chisɔsi ma.

CHISƆSI 'A SƆ MƆƐ NU 9:27 ပူးပေါင်းရင်းမြစ်များ

CHISƆSI 'A SƆ MƆƐ NU 11:22

Mbɛ an koe chɛ che‑a chɔchi mɔɛ n ma, Chuusaɛn duu ɔ. Mbɛ an‑na Banabasi a ta wan Andiɔki.

CHISƆSI 'A SƆ MƆƐ NU 11:25

Mbɛ Banabasi ta‑a Tasɔsi duu wa ɔ, ɛ a ya a kan‑da Sɔɔ a.

CHISƆSI 'A SƆ MƆƐ NU 12:25

Mbɛ Banabasi n fea Sɔɔ a, an ban‑da kɛn an 'na wai ma, an ta‑a min chɛ koe a Chuusaɛn, an yɛ‑a wan Andiɔki. An na‑a Chɔn dɔndɔ an na an boo a, min tɔ ni to Maki.

CHISƆSI 'A SƆ MƆƐ NU 13:2

Tee dɔndɔ a, an ni kɛn sun bia a, an mbe ta‑a Mansa Yataa fai‑a, Yataa Nyina‑a a fɔ wan an ye, a ɔ, “Wo a ma n ye, Banabasi, an fea Sɔɔ a, an ni ma tenchen wai chɛ ko a, n‑na an chee min chɛ koe a.”

CHISƆSI 'A SƆ MƆƐ NU 15:2

Chɛ‑a a ma wan, koɛ basan kɔɔsa yama yama a, a don‑da mɔɛ chɛ n tɛ ɔ, an bɛ Pɔɔ an fea Banabasi a. Mbɛ Pɔɔ an fea Banabasi a, an bɛ mɔɛ dɔ n na, an‑na an yian fan, sɛ koe a Chuusaɛn duu ɔ. An dɔ, an ni Chisɔsi 'a sɔ mɔɛ chɛ n yen, an bɛ chɔchi gbakoo n na, a si an bai chɛ ma.

CHISƆSI 'A SƆ MƆƐ NU 4:13

Chu kuti wa chɛ a fii‑a wan, a ɔ yen koe a Pita an fea Chɔn na, an ni bai sa tena buɛ min dɔ yaagbɛa a. Kun ti chɛ n‑na a ɔ sɔn fan, mbɛ mɔ gbama gbama ni Pita n na, miin gbu nii ma gboo sɔn ba chɛ. A yɛ to, an‑na a ɔ sɔn fan to a tima chɛ a, mbɛ an ni wan tee Chisɔsi fɛ.

CHISƆSI 'A SƆ MƆƐ NU 4:29

Sanche gbɛ Mansa Yataa, an 'na da chianɛ n ma fɛn, mbɛ i‑a gbasaya be nn ma. Nn fɛn mu i 'a wai chɛ mɔɛ n na, i ni a ma, nn ni faagbɛa ma sɔn. I 'a sakana bai chɛndɛ chɛ, a si Chisɔsi ma, nn ni kun a ɔ yian‑da mɔɛ n na.

CHISƆSI 'A SƆ MƆƐ NU 4:36

A tɔmɔsi ni kamin dɔndɔ an na, min tɔ ni Chosɛfi. Chisɔsi 'a sɔ mɔɛ n ni an kamin chɛ chee, an dɔ, Banabasi, min fasaien ni, mɔɛ min mbe a bɔɛ n faa ma nande. A na‑a bɔ Difai dambi an dɔ. A sin na‑a suun Saipɔsi wan, yii tinɛ ɔ.

CHISƆSI 'A SƆ MƆƐ NU 9:17

Mbɛ Ananiyasi ta‑a, a don‑da chen chɛ a, Sɔɔ ni min na. Mbɛ a‑a a boo bun a ma, a‑a samunɛ chɛ. A ɔ, “Sɔɔ, n suun ma nyɔɛ Mansa Chisɔsi ɔ, a wandi gbu, an‑na n sɔ ka i tena. An na‑a bɔ ka i ya a, chia chɛ a, kɛn i ni na tena nɛ duu chɛ ɔ. A‑a n sɔ, min mbe a ma, i ni kaina yen to. A yɛ to, Yataa Nyina ni bea i fɛ gban.”

CHISƆSI 'A SƆ MƆƐ NU 9:29

A‑a bai sa wan Chu mɔɛ chɛ n bɛɛ tena, miin ni Kiisi koɛ fɔ ka. An ni ma bai ɔ, a ni sɔ wan an kanɛ ɔ kaka. Chɛ an fɛ ni, an toen ni, an ni a fa.

GBOO SAA KƆYINDI KO A 15:8

A danka‑a gbɔdɛ, a‑a a wandi yian n bɛɛ a. N fan maen mu wɛɛ, yɔ mɔɛ min suun‑da kɔndɔfii ɔ.

GBOO SAA KƆYINDI KO A 9:6

Chisɔsi 'a sɔ mɔɛ tɔɛ nu, an mbe ee wai chɛ an da a daun fen ko a. Nn fea Banabasi a, nn fan mbe wai chɛ gbɛ dechee nn da a daun fenɛ ma sɔn koe a. Fen ko a chɛ ɛ ma?

Gboo Kadesia Ko A 2:13

Pita dɔndɔ gbe nii ma, chɛɛ Chisianɛ tɔɛ n bɛɛ, miin mu Chu mɔɛ a, an na‑a a ma ka wan. Chɛ na‑a a ma wan, Banabasi wɛɛ, a bea‑a an fɛ, bɔ koe mɔɛ chɛ n kaa a, miin ma Chu mɔ a.

Gboo Kadesia Ko A 2:9

Chimisi, Pita, ni Chɔn, mɔɛ n na‑a an ya, mɔ gbau gbau wa n fan na. An‑na a ɔ yen kɛn, mbɛ Yataa wandi an na‑a wai chɛ be n ma, koadia demanɛ ɔ, an‑na an boo si wan nn kɔɔ, nn fea Banabasi a. An dɔn‑da wan nn ta koe ma mɔɛ n tena, miin ma Chu mɔ a, mbɛ an sin ta‑a Chu mɔɛ n tena.