CHISƆSI 'A SƆ MƆƐ NU 9:2 - Yataa 'a Dɔbɛnɛ Nama

² mbɛ a‑a a ɔ tisa, gboo be koe a a ma. Gboo nyɛndenɛ chɛ, ɛ kun fan a ni a wakoe ɔ yian, ya ɔ sɔɛ chɛ n na, Chu n 'na samun chɛ chenɛ n na, Damasikɔsi duu ɔ. A na‑a chɛ ma koe min na, a toen ni, ni a‑a mɔ ɔ mɔ tan, min‑na a sɔ chia chɛ fɛ, Chisɔsi‑a min yian ka a sɔ koe a a fɛ, a ni a bia. A ni ma mɔ kaima a, chɛ ma, musu wɛɛ, a ni na a a Chuusaɛn duu bu ɔ.

CHISƆSI 'A SƆ MƆƐ NU 9:2 ပူးပေါင်းရင်းမြစ်များ

MATIU 10:17

Wo wo kun ma fɛn, a mu min na, an mbe wo bia‑a wan, an ni ta wo a gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHISƆSI 'A SƆ MƆƐ NU 18:25

A kanden fan ni gbɛ, chia chɛ ma, Mansa Chisɔsi‑a min yian. A sin ni bai sa wan a si Chisɔsi ma, a sɔɛ gbɛɛ a, paa ee a ma. A‑a chɛ ma wɛɛ, chɛɛ a‑a koe chɛ an dɔ gbɛ dechee, min sien ni yii chɛ ma mɔɛ n kunɛ ɔ, Yataa chia a, Chɔn na‑a min fɔ.

CHISƆSI 'A SƆ MƆƐ NU 19:23

A tima chɛ a, gbunɛ min‑na a kuu sɔ Ɛfisɔsi, a nii ma dɔ, a si mɔɛ n ma, Chisɔsi fɛ chia a.

CHISƆSI 'A SƆ MƆƐ NU 19:9

Chɛɛ dɔ n too ɔ ni gbɛ wan, min‑na a ma, an nii ma dɔn ni dan koe a Pɔɔ a. A sin, mɔɛ n gbɛɛ ya kɔɔ ni, an ni bai yama n sa, a si chia ma, Mansa Chisɔsi‑a min yian mɔ gbu a, a sɔ koe a a fɛ. Mbɛ Pɔɔ sɛmbɛ‑a koɔ koe a an tena, a ka‑a an fɛ. Mbɛ a‑a Chisɔsi fɛ mɔɛ chɛ n bɔ an ya a, an ta‑a a a. A sin ni koe n tɛnsɛ wan, tee ɔ tee a, an bɛ an na, chen ba dɔ mende a, min ni Tayanɔsi ta a, kanɛ ni chɛ kaina min.

CHISƆSI 'A SƆ MƆƐ NU 24:14

Chɛɛ n mbe dɔn tena chɛ an ma, i chen kɔɔ. Mbɛ nn bemba n ta bemba n 'na Yataa chɛ, n mbe an fai, a sɔ koe a chia chɛ fɛ, Chisɔsi‑a min yian, a sɔ koe a a fɛ. An‑na a fɔ an ma, mbɛ tea chia ma chɛ a. Chɛɛ n danden fan mu ko ɔ ko a, min mbe sawa chɛ ɔ, Yataa na‑a min be Mosisi ma, a basan koe chɛ n na, miin mbe Yataa 'a gbonka chɛ mɔɛ n 'na gboo n dɔ.

CHISƆSI 'A SƆ MƆƐ NU 24:22

Mbɛ Kɔfana Fedisi, min‑na ko ɔ ko ɔ sɔn, a si Chisɔsi 'a chia chɛ ma, a‑a kuti da a tɔn fan a tee chɛ a. Mbɛ a‑a a fɔ an ye, a ɔ, “N mbe wo 'a bai sa‑a wan, ni soya n kun ti Disiyasi na‑a tima min na.”

CHISƆSI 'A SƆ MƆƐ NU 26:10

N‑na chɛ an ma Chuusaɛn duu ɔ. N‑na a ma wan, Chu mɔɛ n tɛ mɔɛ nu Yataa a, an 'na mansa, a‑a gbasaya be n ma, n‑na Yataa 'a mɔɛ n sa pimbi chenɛ a. Chɛ dechee nii ma, chɛɛ an ni kɛn kaa a tɛ‑a, an fa koe ma, n‑na toa si wan a kɔɔ.

CHISƆSI 'A SƆ MƆƐ NU 26:12

“Chɛ ko a, n‑na chia bia wan, n bun‑da ta‑a Damasikɔsi duu ɔ. Chu n tɛ mɔɛ nu Yataa a, an 'na mansa nu, an fan‑na gbasaya be n ma, ta koe a nɔ, an da a kuiɛ kɔɔ.

CHISƆSI 'A SƆ MƆƐ NU 6:9

Chɛɛ tee dɔndɔ a, mɔɛ dɔ n ka‑a wan Chu n 'na samun chɛ chenɛ a, an ni min chee, an dɔ, Chu miin bɔ‑a yɔncha ɔ, an 'na samun chɛ chenɛ. Mbɛ an bun‑da bai tɛnsɛ‑a an nyɔn tɛ, an bɛ Sitibin na. Chu mɔɛ n ni an mɔɛ chɛ n na, miin ka‑a Sayini duu ɔ, a basan Adɛsandia duu ɔ a. A yɛ to, Chu mɔ dɔ mende nu, miin ka‑a Sidisia, an fea Esia chɛnyɛ ɔ a, an ni wan nɔ.

CHISƆSI 'A SƆ MƆƐ NU 7:19

A‑a yaa a ben fan mmɔ 'a mɔɛ n na, mbɛ a yɛ‑a to, a‑a ko ma gbaaenɛ n sa an ma. Mbɛ a yɛ‑a wan to, a‑a a din an ma, kɔ an ni an 'na denɛ n na dɛ fia ɔ, min mbe a ma, an ni fa.

CHISƆSI 'A SƆ MƆƐ NU 9:14

Mbɛ a sin gbu na‑a ka wan gbɛ Damasikɔsi, gboo nyɛndenɛ a a boo ɔ. Gboo chɛ sin, a‑a gbasaya be wan a ma, a ka Chu n tɛ mɔɛ nu Yataa a, an 'na mansa n tena, mɔɛ n gbɛɛ bia koe a, miin mbe i fai tena.”

CHISƆSI 'A SƆ MƆƐ NU 9:21

Mbɛ mɔɛ miin gbɛɛ‑a a da a kuiɛ chɛ a min ka, an na fii‑a wan. Mbɛ an dɔ, “Wuo, kamin chɛ an ni mɔɛ n fa pan Chuusaɛn, miin ni kamin chɛ fai, min mu Chisɔsi a. An ma chɛ a? A gbu sin, a na‑a nɛ ka mɔɛ chɛ n fan gbu bia koe a, ta koe a an na Chu n tɛ mɔɛ nu Yataa a, an 'na mansa n tena. Ae?”

GBOO FEAN BƆƐ KƆYINDI KO A 11:32

N ni kɛn Damasikɔsi, duu mansa min ni nɔ Mansa Ayetasi kɔɔ, a‑a mɔɛ n sɔ wan chia kunɛ gbɛɛ a, duu wa chɛ a tindanɛ. A ɔ, an ni n bia.

Gboo Kadesia Ko A 1:17

N mbe ee n sɛ koe fɔ, Chuusaɛn duu ɔ, chɛ n tan koe a, miin ni Chisɔsi 'a sɔ mɔɛ n na, n ya ɔ. Chɛɛ n ta‑a a ya kɔɔɛ a, Adebia chɛnyɛ ɔ, a sin, n yɛ‑a wan to Damasikɔsi duu ɔ.