CHISƆSI 'A SƆ MƆƐ NU 9:17 - Yataa 'a Dɔbɛnɛ Nama

¹⁷ Mbɛ Ananiyasi ta‑a, a don‑da chen chɛ a, Sɔɔ ni min na. Mbɛ a‑a a boo bun a ma, a‑a samunɛ chɛ. A ɔ, “Sɔɔ, n suun ma nyɔɛ Mansa Chisɔsi ɔ, a wandi gbu, an‑na n sɔ ka i tena. An na‑a bɔ ka i ya a, chia chɛ a, kɛn i ni na tena nɛ duu chɛ ɔ. A‑a n sɔ, min mbe a ma, i ni kaina yen to. A yɛ to, Yataa Nyina ni bea i fɛ gban.”

CHISƆSI 'A SƆ MƆƐ NU 9:17 ပူးပေါင်းရင်းမြစ်များ

MATIU 19:13

Mbɛ mɔɛ dɔ n na‑a wan an 'na den mɛsɛ n na Chisɔsi tena. An toen ni a ni a boo bun an kun ma, a ni samunɛ chɛ an ko a. Chɛɛ a fɛ denɛ chɛ n‑na chɛ ɔ yen kɛn, an‑na mɔɛ chɛ n na gban fan.

MAKI 5:23

A‑a a disa, a sɔɛ gbɛɛ a, a ɔ, “N 'na den musuenɛ e na fa‑a. I dimu, na i ni i boo bun a ma, a ni baun, a fɔɛ ni yɛ to a ma.”

MAKI 6:5

A nii ma kun ni, kamaya ko kan kɔ kan ma koe a nɔ. A‑a min ma dechee, a na‑a a boo bun gbandi mɔɛ dɔ n fan ma, mbɛ an baun‑da.

DUKU 1:41

Mɛi‑a Disabɛti kɔndɔn kɛn dechee, mbɛ denɛ min ni Disabɛti bu ɔ, a‑a a ma ma‑a wan gbasaya a. Mbɛ Yataa Nyina bea‑a Disabɛti fɛ gban,

DUKU 1:67

Mbɛ Yataa Nyina bea‑a wan Chɔn fa Sakaaya fɛ gban, mbɛ a‑a a kuu sɔ Yataa 'a sakana bai n dɔ yian‑da,

DUKU 1:76

“N 'na den, i sin, an mbe i chee‑a wan Yataa Wa 'a gbonka chɛ mɔɛ a. I wan mbe a ma‑a mɔɛ n ni an ma bɛn chɛndɛ chɛ, Mansa Yataa na tima ya ɔ,

DUKU 15:30

Chɛɛ i 'a den chɛ‑a i boo fenɛ gbɛɛ ɔ yufuyufu dani ma gbankanda an ma. A yɛ‑a kɛn gbɛ sanche, i‑a ninchi busi chɛ an fa a ye.’

DUKU 15:32

Chɛɛ mɔɔ ni mmɔ‑a buɔdia bonda chɛ bɔ, a mu min na, i dɔɛ chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ sanche.’ ”

DUKU 2:11

Den toa suun‑da Mansa Defidi 'a duu ɔ bi tee chɛ a. An den toa chɛ, an mbe wo baun‑da. An mu kunka mansa a, tea Mansa.

CHISƆSI 'A SƆ MƆƐ NU 10:36

Wo‑a a ɔ sɔn fan, Yataa‑a bai min na ta Isɔɛɛ mɔɛ n tena. A ni wan sakana bai chɛ ɔ yian‑da, mbɛ faachima ɛ sɔn fan Yataa a, Chisɔsi Chasi 'a gbasaya ɔ, min mu mɔ gbu gbɛɛ 'a mansa a.

CHISƆSI 'A SƆ MƆƐ NU 13:3

Mbɛ an ban‑da sun bia‑a, a basan samun chɛ a, an‑na an boo bun fan an ma, an‑na an dua, mbɛ an‑na an na ta.

CHISƆSI 'A SƆ MƆƐ NU 13:52

A sin, Chisɔsi fɛ mɔɛ chɛ n gbɛɛ nɔ, buɔdia koa‑a wan an dɔ, Yataa Nyina wɛɛ sin ni wan an fɛ gban.

CHISƆSI 'A SƆ MƆƐ NU 19:6

A sin, Pɔɔ‑a a boo bun an ma, mbɛ Yataa Nyina bea‑a an fɛ. An‑na kamaya bai n fɔ wan, mɔɛ n mbe ee miin dɔ gbɛ ka dechee. Mbɛ an yɛ‑a, an‑na Yataa bai ɔ yian.

CHISƆSI 'A SƆ MƆƐ NU 2:4

Yataa Nyina ni wan gbɛ an gbɛɛ fɛ gban, mbɛ an‑na a kuu sɔ koɔ‑a chɛnyɛ koɛ dɔ mende n dɔ. Yataa Nyina chɛ an ni gbasaya chɛ be an ma, an bai chɛ n sa koe a.

CHISƆSI 'A SƆ MƆƐ NU 21:20

An sin‑na Pɔɔ 'a bai chɛ n na min kɛn, an‑na tando be wan Yataa ma. Mbɛ an‑na a fɔ Pɔɔ ye, an dɔ, “Nn suun ma nyɔɛ Chasi ɔ, i wandi‑a a ɔ yen, mbɛ Chu mɔ wu sɛsɛ nu, an‑na an kai fa buɛ min dɔ Chisɔsi a. A yɛ to, an‑na a ma wan, an ma gbɔsɔɛ a, mmɔ 'a Chu sawa n bia koe a.

CHISƆSI 'A SƆ MƆƐ NU 26:15

“Mbɛ n‑na a fɔ, n dɔ te, ‘Nyɔn mu chɛ a?’ “Mbɛ mansa chɛ ɔ, ‘N fan mu, n fan Chisɔsi, e ko ma gbaaenɛ sa tena ka min ma.

CHISƆSI 'A SƆ MƆƐ NU 4:31

An ban‑da kɛn samunɛ chɛ‑a, an na sɔnden ni ka kaina, Yataa‑a a ma wan, nɔ ɔ samba‑a gbigbi. A sin, Yataa Nyina ni wan gbɛ an gbɛɛ fɛ gban. Mbɛ an‑na a kuu sɔ Yataa 'a sakana bai sa‑a, faagbɛa a.

CHISƆSI 'A SƆ MƆƐ NU 6:6

Mbɛ mɔɛ chɛ n gbɛɛ, an na‑a mɔ wɔnfea chɛ n na Chisɔsi 'a sɔ mɔɛ chɛ n tena. Sɔ mɔɛ chɛ n‑na an boo bun fan an mɔ wɔnfea chɛ n ma, mbɛ an‑na samunɛ chɛ an ko a.

CHISƆSI 'A SƆ MƆƐ NU 8:17

Mbɛ Pita an fea Chɔn na, an‑na an boo bun mɔɛ chɛ n ma, an‑na samunɛ chɛ, mbɛ Yataa Nyina bea‑a mɔɛ chɛ n fɛ.

CHISƆSI 'A SƆ MƆƐ NU 9:18

Mbɛ Ananiyasi‑a bai chɛ fɔ kɛn, a ya kɔɔɛ a, fenɛ bea‑a, a bɔ Sɔɔ ya a yɔ nyɛ wɔnbɔɛ, mbɛ a‑a kaina yen to. Mbɛ a‑a a kɔɔ sɔ, a sɔ‑a, mbɛ Ananiyasi‑a yii chɛ a kunɛ ɔ, Yataa chia a.

GBOO DOMI KO A 15:7

Wo wo boo si wo nyɔn kɔɔ, yɔ Chasi‑a a boo si buɛ min dɔ wo kɔɔ. Chɛ an mbe a ma‑a mɔɛ n ni tando be Yataa ma.

GBOO SAA KƆYINDI KO A 15:47

Mɔ kaima saa saa chɛ, a bɔ‑a duu gboo an dɔ, a nyan‑da fifii ɔ. Mɔ kaima fean bɔɛ chɛ sin, a ka‑a banda bu ɔ wan.

GBOO SAA KƆYINDI KO A 15:8

A danka‑a gbɔdɛ, a‑a a wandi yian n bɛɛ a. N fan maen mu wɛɛ, yɔ mɔɛ min suun‑da kɔndɔfii ɔ.

GBOO SAA KƆYINDI KO A 9:1

Ko ɔ ko boo ee n na, ae? Chisɔsi 'a sɔ mɔɛ mu n na, ae? N‑na a yen fan n ya a pɛnɛnɛ, mmɔ 'a mansa chɛ. A sin, wo ma min chɛ a Chisianɛ n na, a bɔ‑a wai chɛ an dɔ, n‑na min chɛ Mansa Chisɔsi ko a.

1 TIMOTI 4:14

Yataa Nyina‑a fenɛ min be i ma, Yataa 'a gbonka chɛ mɔɛ n koɔ‑a tima min na, mbɛ chɔchi gbakoo n‑na an boo bun i ma, a bia i boo fea a.

1 TIMOTI 5:22

I 'a tima ya i boo bun koe a mɔɛ kun ma, a yian koe a gbakoo ya a. I 'a tima ya, mɔ dɔ mende 'a ko yama maenɛ a ee na sin i ma. To Yataa gbee an na tun.

2 TIMOTI 1:6

Chɛ an fɛ mu, n mbe a fɔ tena i ye to, mbɛ i ni tachɛ fen chɛ a chɛndɛ chɛ, Yataa‑a boo fenɛ min be i ma, n na‑a n boo bun i ma tima min na i dua koe a.

FIDEMƆN 1:16

Sanche gbɛ, yɔn dechee ma a a, chɛɛ a benden mu yɔnɛ ma kaka. A mu gbɛ mɔ faa ma suun ma nyɔɛ an na. N toen mu a a kaka, chɛɛ i sin mbe to‑a wan a a, a ben n ma. I 'a yɔnɛ mu a a, a yɛ to, i suun ma nyɔɛ mu a a Mansa Chisɔsi ɔ.

GBOO IBU MƆƐ N KO A 6:2

Mmɔ ma an kan to, a si yii chɛ koe ma mɔɛ n kunɛ ɔ Yataa chia a. A yɛ to, boo bunɛ mɔɛ n ma, an ni dua ma sɔn, ni mɔɛ kɔɔ sɔ koe a, a ka saya ɔ, a basan kaa a tɛ a, min mbe ma‑a nɔ kuɔ fɔ ko a.

2 PITA 3:15

Chɛ an fɛ mu, faabia chɛ, mmɔ 'a mansa‑a min chɛ, wo a ya ka buɛ chɛ ɔ. Mbɛ ɛ ka tima an be‑a mɔɛ n ma, bauncha ma sɔn koe a. Ɛ wan dechee yɔ mmɔ suun ma nyɔɛ Pɔɔ, min ko a di mmɔ ye, a na‑a min nyɛn wo tena. Yataa sin na‑a yiimatɛ min chɛ a ɔ, a na‑a an na wai ka.