CHISƆSI 'A SƆ MƆƐ NU 9:15 - Yataa 'a Dɔbɛnɛ Nama

¹⁵ Chɛɛ Mansa Chisɔsi‑a a fɔ wan a ye, a ɔ, “Ta, mɔna chɛ mu, n‑na n boo sɔ min ma, wai chɛ koe a n ko a. A ni n bakoe ɔ yian mɔɛ n na, miin ma Chu mɔɛ n na, a basan mansa n na, an bɛ Isɔɛɛ mɔɛ n na.

CHISƆSI 'A SƆ MƆƐ NU 9:15 ပူးပေါင်းရင်းမြစ်များ

MATIU 10:18

An mbe wo bia‑a wan, an ni ta wo a chɛnyɛ ti n tena, an mbe ta‑a wan wo a mansa wa n chen kɔɔ. An mbe chɛ n ma‑a wo a n bakoe an na. Chɛɛ wo e kun‑da wan Yataa 'a sakana bai chɛndɛ ɔ yian‑da mɔɛ chɛ n na, miin ma Chu mɔ a.

CHƆN 15:16

Wo wan ma n ya ni, ma koe a wo kan mɔ a, chɛɛ n fan‑na wo ya, ma koe a n fɛ mɔɛ n na. N fan‑na wo ya, mbɛ n‑na wai be wo ma, wo ni ta, wo chɛ chɛ wai ni koa. Wo chɛ chɛ wai chɛ n sin, an ni ma kuɔ fɔ wai n na. Ni wo‑a chɛ ma, Fa ɛ fen kɔ fen be‑a wan wo ma, wo e a ɔ tisa‑a min ko a, n tɔɛ ɔ.

CHISƆSI 'A SƆ MƆƐ NU 13:2

Tee dɔndɔ a, an ni kɛn sun bia a, an mbe ta‑a Mansa Yataa fai‑a, Yataa Nyina‑a a fɔ wan an ye, a ɔ, “Wo a ma n ye, Banabasi, an fea Sɔɔ a, an ni ma tenchen wai chɛ ko a, n‑na an chee min chɛ koe a.”

CHISƆSI 'A SƆ MƆƐ NU 21:19

Pɔɔ‑a an gbɛɛ kɔndɔn fan. Mbɛ a si‑a ko ɔ ko ma, a‑a a ɔ yian an na, dɔndɔ dɔndɔɛ a. A‑a a ɔ yian fan, Yataa na‑a koe miin chɛ mɔɛ chɛ n ye, miin nii ma ka Chu mɔ a. Chɛ sin bɔ‑a a wan Pɔɔ 'a wai an dɔ.

CHISƆSI 'A SƆ MƆƐ NU 22:14

Mbɛ a ɔ, ‘Yataa, mmɔ bemba n ta bemba n ni min fai, an‑na a boo sɔ bi i ma, i ni a faa ma koe ɔ sɔn. Chɛ ni a ma, i ni mɔɛ chɛ yen, min tanden mu Yataa tena gbeden, a yɛ to, i ni bai a min, min mbe bɔ‑a a da ɔ.

CHISƆSI 'A SƆ MƆƐ NU 22:21

“Mbɛ Mansa Chisɔsi‑a a fɔ n ye, a ɔ, ‘Ta, koe min na mu, n mbe i sɔ tena kaina ɔ yansama wan, pande, mɔɛ chɛ n tena, miin ma Chu mɔ a.’ ”

CHISƆSI 'A SƆ MƆƐ NU 25:22

Mbɛ Mansa Akipa ɔ Kɔfana Fesɔsi ma, a ɔ, “Ɛ nyan‑da wan, n fandi gbu, n ni kamin chɛ kan dɔ kuiɛ a min.” Mbɛ Kɔfana Fesɔsi ɔ, “E a a min‑da wan sinan.”

CHISƆSI 'A SƆ MƆƐ NU 26:1

Mbɛ Mansa Akipa‑a a fɔ Pɔɔ ye, a ɔ, “Pɔɔ, n too ɛ wan gbɛ i ma, koɔ koe a i wandi ko a.” Mbɛ Pɔɔ‑a a boo ɔ fuin, a bun‑da koɔ‑a a wandi ko a.

CHISƆSI 'A SƆ MƆƐ NU 26:32

Mbɛ Mansa Akipa‑a a fɔ Kɔfana Fesɔsi ye, a ɔ, “I ni i boo ka‑a wan kamin chɛ a, ni a nii ma a 'a bai a ta koe fɔ ni Domi kun ti wa tena.”

CHISƆSI 'A SƆ MƆƐ NU 27:24

mbɛ a ɔ, ‘Pɔɔ, i ma chian. E sɔ‑a wan Domi kun ti wa chɛ chen kɔɔ. A sin yen ko, Yataa chinchin‑da i ma, a basan mɔɛ chɛ n gbɛɛ a, wo bɛ ɛ ka miin na dɛndɛ chɛ ɔ.’

CHISƆSI 'A SƆ MƆƐ NU 28:17

Tee sawa gbakɔ, Pɔɔ‑a Chu mɔɛ n kun ti n chee wan, miin ni Domi bɛnɛ ɔ. An bɛn‑da kɛn, mbɛ a‑a a fɔ an ye, a ɔ, “N suun ma nyɔɛ nu, n ma ko yama kan kɔ kan ma ni, mmɔ 'a mɔɛ n na, n ma mmɔ fa n 'na manda yɔn ni. Chɛɛ chɛ gbɛɛ ɔ, an‑na n ma wan pimbi chenɛ a sa mɔɛ a Chuusaɛn duu ɔ, mbɛ an‑na n be Domi mɔɛ n ma.

GBOO DOMI KO A 1:1

N fan Pɔɔ, Chisɔsi Chasi 'a wai chɛ mɔɛ, n fan mbe ka gboo chɛ nyɛn‑da. Yataa an‑na n chee ma koe a a 'a sɔ mɔɛ a, mbɛ a‑a a ma, n ma‑a tenchen mɔɛ a, min mbe a 'a sakana bai chɛndɛ chɛ ɔ yian mɔɛ n na.

GBOO DOMI KO A 1:5

Yataa‑a a ma wan, Chasi 'a duaya ɔ, nn ma‑a a 'a sɔ mɔɛ a. A‑a chɛ ma, min mbe a ma, nn ni a ma mɔɛ n gbɛɛ dunya ɔ, danaya ni ma an dɔ Yataa ko a, mbɛ an‑na kooya be Chisɔsi ma.

GBOO DOMI KO A 11:13

N mbe chɛ gbɛɛ fɔ tena wo wan ko a, wo wɛn ma Chu mɔ a. N mu ka buɛ min dɔ Chisɔsi 'a sɔ mɔɛ a, wo ko a, n bu ɔ diama mu tima ɔ tima ko a, n 'na wai chɛ koe a. N ni chɛ ma din ka wo tena. Ka wɛ n mbe koɔ gbɛ wo tena, wo wan mɔɛ chɛ nu, wo wɛn ma Chu mɔɛ n na. Tima min na wɛ n mbe Chisɔsi 'a sɔ dencha ɔ wo ko a, n bu ɔ diama mu, wai chɛ ɔ.

GBOO SAA KƆYINDI KO A 15:10

Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.

GBOO SAA KƆYINDI KO A 9:16

N mbe sakana bai chɛndɛ min dɔ yian tena mɔɛ n na, a si Chisɔsi Chasi ma, an mbe ee che a ma‑a n ni yonka tɛ. A dinden fan mu n ma, a ma koe a ka. A sin, a ma ɛ chian‑da gba n ko a, ni n ma sakana bai chɛ ɔ yian ni mɔɛ n na.

Gboo Kadesia Ko A 1:1

N fan Pɔɔ, n fan mbe gboo chɛ nyɛn tena, nn bɛ mmɔ suun ma nyɔɛ n gbɛɛ n na Chasi ɔ, miin mbe nɛ. Chisɔsi Chasi 'a sɔ mɔɛ mu n na. Mɔ gbu an ma a ma ni, chɛ ni ma. Chɛɛ Chisɔsi Chasi wandi, an‑na a ma, an fea mmɔ Fa Yataa a, min‑na Chasi chɛ kɔɔ sɔ a ka saya ɔ. N mbe a nyɛn tena wo wan tena, wo wɛn mbe chɔchi n dɔ, Kadesia chɛnyɛ ɔ.

Gboo Ɛfisɔsi Ko A 3:1

Chɛ an fɛ mu, n fan Pɔɔ, n mbe samunɛ chɛ tena wo ko a. N fɛn mu ka, n mbe sa ɔ pimbi chenɛ a, koe min na mu, n mbe wai chɛ tena Chisɔsi Chasi ye wo ko a, wo wɛn ma ka Chu mɔ a.

1 TIMOTI 2:7

Chɛ ko a mu, a‑a n ya sɔ mɔɛ a, sakana bai chɛndɛ ɔ yian koe a. N ni mɔɛ n kan, Chu mɔ ma miin na, dan koe a Chisɔsi a, a basan tea sakana bai chɛndɛ a. N mbe ka tea an fɔ‑a, fania ma chɛ a.

2 TIMOTI 1:11

Sakana bai chɛ ko a mu, a‑a n ya sɔ mɔɛ a, n ni kanɛ chɛ, mbɛ n‑na a ɔ yian mɔɛ n na.

2 TIMOTI 2:4

Mɔ ɔ mɔ min mbe soya ɔ, a ma bɛnden mu tima ɔ tima don koe an na ya ɔ sɔɛ da a kuiɛ kɔɔ. A ee a boo chɛ koe n dɔ, mɔ gbama n mbe miin ma.

KO Ɔ NUNDENƐ 17:14

Soe yama chɛ, an bɛ mansa tan chɛ n na, an mbe chɛɛ bun‑da wan sa tɔngbɔɛ ma. Chɛɛ sa tɔngbɔɛ chɛ, an bɛ a fɛ mɔɛ n na, an mbe tu‑a wan an chɛɛ ma nyɔɛ chɛ n na chɛndɛ chɛ. Koe min na mu, sa tɔngbɔɛ an mu mansa wa a, mansa wa n gbɛɛ kun ma mansa. A fɛ mɔɛ nu, an mu mɔɛ chɛ n fan na, Yataa‑a a boo sɔ miin ma, mbɛ a‑a an chee. An sin, an fan kai faen mu a a.”