CHISƆSI 'A SƆ MƆƐ NU 9:13 - Yataa 'a Dɔbɛnɛ Nama

¹³ Chɛɛ Ananiyasi ɔ, “Mansa, mɔ sɛsɛ n‑na kamin chɛ wakoe ɔ yian fan n na. A‑a ko ma gbaaenɛ miin sa i 'a mɔɛ n ma Chuusaɛn, a koo.

CHISƆSI 'A SƆ MƆƐ NU 9:13 ပူးပေါင်းရင်းမြစ်များ

MATIU 10:16

Chisɔsi‑a a fɔ a 'a sɔ mɔɛ n ye, a ɔ, “N yen ko wo a ta‑a, wo e ma‑a wan nɔ yɔ ni sa bɔ‑a kui n tɛ. Chɛ an‑na a fɔ, wo yiima a ni sɛn. A yɛ to, wo ni tea a tachɛ ko ɔ ko ɔ, wo e min ma‑a.

CHISƆSI 'A SƆ MƆƐ NU 22:4

N‑na mɔnɛ sɛsɛ sa wan mɔɛ chɛ n ma, miin na‑a a sɔ chia chɛ fɛ, Chisɔsi‑a chia min yian, a sɔ koe a a fɛ. N‑na a ma wan, an‑na saya ma sɔn. N‑na an bia wan, kai nu, an bɛ musu n na, n‑na an sa pimbi chenɛ a.

CHISƆSI 'A SƆ MƆƐ NU 8:3

Chɛɛ Sɔɔ bun‑da wan ta si‑a chɔchi mɔɛ n gbu kɔɔ. A ni don fan chen kan kɔ kan na, a ɛ ta‑a mɔɛ chɛ n bia‑a, miin‑na an kai fa Chisɔsi a. A‑a musu n konkon fan, an bɛ mɔ kaima n na, a‑a an da a tɔn pimbi chenɛ a.

CHISƆSI 'A SƆ MƆƐ NU 9:1

Chɛɛ a tima chɛ a, Sɔɔ ni wan tun ko ma gbaaenɛ sa‑a mɔɛ chɛ n ma, miin na‑a an kai fa Mansa Chisɔsi a. A sin, a toen fan ni to, a ni an fa. Mbɛ a ta‑a Chu n 'na tɛ mɔ wa chɛ tena,

CHISƆSI 'A SƆ MƆƐ NU 9:21

Mbɛ mɔɛ miin gbɛɛ‑a a da a kuiɛ chɛ a min ka, an na fii‑a wan. Mbɛ an dɔ, “Wuo, kamin chɛ an ni mɔɛ n fa pan Chuusaɛn, miin ni kamin chɛ fai, min mu Chisɔsi a. An ma chɛ a? A gbu sin, a na‑a nɛ ka mɔɛ chɛ n fan gbu bia koe a, ta koe a an na Chu n tɛ mɔɛ nu Yataa a, an 'na mansa n tena. Ae?”

CHISƆSI 'A SƆ MƆƐ NU 9:32

Tima che‑a wan, Pita ni ben ben Chisɔsi fɛ mɔɛ chɛ n kun ma. Tima dɔndɔ a, a ta‑a wan Yataa 'a mɔɛ n kɔndɔn‑da, miin ni si ɔ Dida duu ɔ.

CHISƆSI 'A SƆ MƆƐ NU 9:41

Mbɛ Pita‑a a bia a boo ma, mbɛ a basan‑da a ma, a kɔɔ sɔ koe a, a ni sɔ. Mbɛ Pita‑a mɔɛ chɛ n gbɛɛ chee, miin na‑a an kai fa ka Chisɔsi a, a basan fuinya musu chɛ n na, mbɛ a‑a musu chɛ a yɛ an ma, a fɔɛ ɛ a sun da a.

GBOO DOMI KO A 1:7

Chɛ an fɛ mu, n mbe gboo chɛ nyɛn tena wo tena, wo gbɛɛ Domi duu ɔ. Wo ko a di Yataa ye, a sin‑na wo ya ma koe a a 'a mɔɛ n na. Mmɔ Fa Yataa, an fea Mansa Chisɔsi Chasi a, an 'na dua ni ma wo ma, a basan an 'na faachima a.

GBOO DOMI KO A 15:31

Wo samunɛ chɛ n ko a, min mbe a ma, mɔɛ miin ma dan ni ka Chisɔsi Chasi a Chudia chɛnyɛ ɔ, an ma na ko yama ma n na. A yɛ to, Yataa 'a mɔɛ miin mbe Chuusaɛn duu ɔ, n mbe demanɛ min chɛ‑a an na, an bu ɔ ni dia a ko a.

GBOO DOMI KO A 16:15

N mbe Fidɔɔkɔsi kɔndɔn tena, an fea Chudia a. N ni Neyɛɔsi kɔndɔn, an fea a tensa musu a. Mbɛ n‑na Wɔdimpasi kɔndɔn, a basan Yataa 'a mɔɛ n gbɛɛ a, an bɛ ɛ miin na.

GBOO DOMI KO A 16:2

Wo wo boo si a kɔɔ chɛndɛ chɛ, yɔ Yataa 'a mɔɛ n mbe an nyɔn bia buɛ min dɔ. A sin, ni a toen mu basɔmaya kan kɔ kan na, wo a chɛ a a. Koe min na mu, a‑a ko chɛndɛ ma wan mɔ sɛsɛ a, a basan n bɛɛ a.

GBOO SAA KƆYINDI KO A 1:2

Nn mbe gboo chɛ nyɛn tena, wo wan tena, wo wɛn mbe Yataa 'a chɔchi ɔ, Kɔyindi duu ɔ. Yataa na‑a wo wɛn chee, wo ni ma tenchen a ko a. Yataa‑a wo ma a ta mɔɛ n na, koe min na mu, a‑a wo ma mɔ dɔndɔɛ a Chisɔsi Chasi a. A‑a a ma ka wan mɔɛ n gbɛɛ a, miin mbe Mansa Chisɔsi tɔɛ chee tena, mmɔ 'a mansa, ni an 'na mansa, an baun koe a.

GBOO SAA KƆYINDI KO A 14:33

Koe min na mu, Yataa ee koe ɔ basan basan, ɛ na kuiɛ dɔndɔya an na mɔɛ n tɛ ɔ. A sin mbe ka wan chɔchi n gbɛɛ ɔ, Yataa 'a mɔɛ n tɛ ɔ,

GBOO SAA KƆYINDI KO A 16:1

N mbe chɛ an fɔ tena gbɛ wo ye, a si kɔpɔ kain koe chɛ ma, Yataa 'a mɔɛ n deman koe a, wo‑a gboo nyɛn a si min ma. Chɔchi chɛ nu pan Kadesia chɛnyɛ ɔ, n‑na an sɔ buɛ min dɔ chia ma, wo wɛɛ, wo a ma ka.

GBOO SAA KƆYINDI KO A 6:5

Bai chɛ ma mauen mu, wo ko a. Mɔ dɔndɔ gbe gbu wɛɛ, ɛ wan nɔ wo tɛ ɔ, min yiima tɛen mu, bai sa koe a, wo dechee tɛ ɔ chɔchi ɔ.

Gboo Ɛfisɔsi Ko A 1:1

N fan Pɔɔ, n fan mbe gboo chɛ nyɛn tena. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. N fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, wo wɛn mbe a a tun tena wo kai fa koe a Chisɔsi Chasi a, Ɛfisɔsi duu ɔ.

Gboo Fiipai Ko A 1:1

N fan Pɔɔ, n fan mbe gboo chɛ nyɛn tena, nn fea Timoti a. Chisɔsi Chasi 'a wai chɛ mɔɛ mu nn na. Nn fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, miin ma‑a mɔ dɔndɔɛ a Chisɔsi Chasi a, Fiipai duu ɔ. A yɛ to, ni chɔchi ya ɔ sɔɛ n tena, an bɛ mɔɛ chɛ n na, miin mbe deman chɔchi ma.

Gboo Fiipai Ko A 4:22

Yataa 'a mɔɛ n gbɛɛ nɛ, a bɛɛ bɛɛ chɛ nu, miin mbe wai chɛ tena Domi kun ti wa 'a kata ɔ, an bɛɛ, an‑na wo kɔndɔn.

Gboo Kɔdɔsai Ko A 1:2

N mbe gboo chɛ nyɛn tena wo wan tena, wo wan Yataa 'a mɔɛ chɛ nu, Kɔdɔsai duu ɔ. Wo gbɛɛ, wo wɛn danayaen mu, wo maenɛ ɛ mɔ dɔndɔɛ a, wo bɛ Chasi a. Mmɔ Fa Yataa ni wo dua, a ni faachima be wo ma.

GBOO IBU MƆƐ N KO A 13:24

Wo wo 'a ya ɔ sɔɛ n gbɛɛ kɔndɔn n ye, a basan Yataa 'a mɔɛ n gbɛɛ a. Mmɔ suun ma nyɔɛ nu Chasi ɔ, miin mbe Itadi chɛnyɛ ɔ, an bɛɛ ni wo kɔndɔn.

CHUDA 1:3

N dia nyɔɛ nu, n toen ni kaka n ni gboo chɛ nyɛn a si bauncha ma, Chisɔsi‑a min be mmɔ ma. Chɛɛ n yiima dɔndɔɛ‑a a fɔ wan n ye, mbɛ n ni wo faa nande, wo ni butuinɛ chɛ, wo 'a danaya ko a Yataa a. Danaya chɛ sin, Yataa an‑na a ma, mmɔ‑a a ma sɔn, a sin mbe ee mun to.