CHISƆSI 'A SƆ MƆƐ NU 8:7 - Yataa 'a Dɔbɛnɛ Nama

⁷ Koe min na mu, Fiipi‑a a ma wan, mbɛ nyina yama n ka‑a mɔ sɛsɛ fɛ, an ni miin fɛ. A sin, an nyina yama chɛ n ni yee tɛ wan gbankon, an mbe e na to ka‑a mɔɛ chɛ n fɛ. A‑a namaa n sɛsɛ baun fan, an bɛ tamban tɔɛ n na.

CHISƆSI 'A SƆ MƆƐ NU 8:7 ပူးပေါင်းရင်းမြစ်များ

MATIU 10:1

Chɛ gbakɔ, mbɛ Chisɔsi‑a a fɛ denɛ n chee, an mɔ tan kun ma fea ni. A‑a an chee, a‑a gbasaya be wan an ma, nyina yama n gbain koe a mɔɛ n fɛ. A yɛ to, a‑a gbasaya be wan an ma, mɔɛ n baun koe a an 'na gbandi n gbɛɛ ɔ.

MATIU 11:5

Wo a fɔ a ye, wo ta yiima ɔ, mbɛ ya te tɔɛ nu, an‑na kaina ɔ yen, wo ɔ, namaa an sɔ‑a. Wo a fɔ to, wo ta yiima ɔ, wo ɔ, gbandi yama ni miin gboo ma, an baun‑da, wo ɔ, too gbee tɔɛ nu, an‑na koe a min, wo ɔ, miin faen ni, an‑na fɔɛ ma sɔn to, wo ɔ, yɔn tɔɛ n bɛɛ, an‑na sakana bai chɛndɛ chɛ a min.

MATIU 4:24

A ma tɔɛ ta‑a wan Siyia chɛnyɛ gbɛɛ ɔ, min‑na a ma, mɔɛ na‑a a tena mɔɛ n na, gbandi sɛsɛ ni miin ma. An na‑a chɛ n na kɔsɔɛ ni miin gboo ɔ, gbɔgbɔi ni miin na be‑a, nyina yama ni miin fɛ, a basan namaa an na. Gbandi mɔ kan kɔ kan dechee, an na‑a wan an na a tena, a sin‑na an gbɛɛ a baun fan.

MAKI 9:26

A ya kɔɔɛ a, nyina yama chɛ‑a yee tɛ gbankon, a‑a a ma, gbɔgbɔi‑a den chɛ bondan bin, mbɛ a ka‑a a fɛ. Kaienɛ gbu ma‑a yɔ su, min‑na a ma, mɔɛ sɛsɛ‑a a fɔ, an dɔ, a fa‑a.

DUKU 10:17

Chɛ gbakɔ, mɔ bi wɔnfea kun ma fea chɛ n yɛ‑a wan Chisɔsi tena buɔdia wa ɔ. Mbɛ an dɔ, “Mansa, nyina yama n bɛɛ, an‑na nn da a kuiɛ n na min fan i tɔɛ ɔ.”

CHƆN 14:12

N ni chɛ ma din wo tena, mbɛ mɔɛ miin mbe an kai fa‑a n na, an mɔɛ chɛ nu, an mbe wai bonda chɛ n chɛ‑a wan, n mbe miin chɛ. A sin gbu, an mɔɛ chɛ nu, an chɛ chɛ wai n mbe koa‑a wan. Koe min na mu, n mbe yɛ tena Fa tena, nn ni ma kaina dɔndɔɛ ɛ.

CHISƆSI 'A SƆ MƆƐ NU 5:16

Mbɛ mɔ fanka fanka n na‑a wan, a ka duu chɛ n dɔ Chuusaɛn a tindanɛ. An ni kɛn na tena, an na‑a wan mɔɛ n na an boo a, miin gbandien ni, a yɛ to, ni nyina yama n ni miin fɛ. Chisɔsi 'a sɔ mɔɛ chɛ n‑na a ma wan, an gbɛɛ baun‑da.

CHISƆSI 'A SƆ MƆƐ NU 8:6

Fanka fanka wa chɛ‑a an too ma sɔ wan chɛndɛ chɛ, a da a bai ma. Koe min na mu, a‑a kamaya ko wa miin ma ka, an ni a ɔ yian tena wan, mbɛ a 'a sakana bai chɛ ka‑a Yataa tena wan.

GBOO IBU MƆƐ N KO A 2:4

Yataa wandi wɛɛ, a na‑a a ɔ yian fan, mbɛ tea mu sakana bai chɛ a. A na‑a chɛ ma kamaya koe sɛsɛ n fan dɔ. A yɛ to, a ni a ma wan to, a Nyina ni mɔɛ n dua chia sɛsɛ n na. Ni Yataa wandi toen ni chɛ ni ma, tima ɔ tima ko a, a ni ma wan.