CHISƆSI 'A SƆ MƆƐ NU 8:6 - Yataa 'a Dɔbɛnɛ Nama

⁶ Fanka fanka wa chɛ‑a an too ma sɔ wan chɛndɛ chɛ, a da a bai ma. Koe min na mu, a‑a kamaya ko wa miin ma ka, an ni a ɔ yian tena wan, mbɛ a 'a sakana bai chɛ ka‑a Yataa tena wan.

CHISƆSI 'A SƆ MƆƐ NU 8:6 ပူးပေါင်းရင်းမြစ်များ

CHISƆSI 'A SƆ MƆƐ NU 13:44

Suin tee dɔndɔɛ chɛ che‑a kɛn, ɛnden fan to‑a, mɔɛ n gbɛɛ an duu chɛ ɔ, an ni kuɛn, na koe a, an too ma sɔ‑a Mansa Yataa 'a bai ma.

CHISƆSI 'A SƆ MƆƐ NU 8:13

Saimɔn wandi gbu wɛɛ, a tima chɛ a, a‑a a kai fa wan Chisɔsi a. Yii chɛ‑a wan a kunɛ ɔ, Yataa chia a, a sin, a nii ma ka ni to Fiipi fɛ. A da ɔ na‑a gbaa wan, a na‑a kamaya ko wa sɛsɛ chɛ n dɔ yen kɛn, Fiipi ni miin ma tena. An koe chɛ n sin ni a ɔ yian tena wan, mbɛ a 'a sakana bai chɛ ka‑a Yataa an tena.

CHISƆSI 'A SƆ MƆƐ NU 8:5

Fiipi ni mɔ dɔndɔ an na mɔɛ chɛ n tɛ ɔ, miin na fasan‑da a ɔ. A yii‑a wan duu dɔndɔ ɔ, Samayia chɛnyɛ ɔ, mbɛ a‑a bai sa a si kunka mansa ma.

CHISƆSI 'A SƆ MƆƐ NU 8:7

Koe min na mu, Fiipi‑a a ma wan, mbɛ nyina yama n ka‑a mɔ sɛsɛ fɛ, an ni miin fɛ. A sin, an nyina yama chɛ n ni yee tɛ wan gbankon, an mbe e na to ka‑a mɔɛ chɛ n fɛ. A‑a namaa n sɛsɛ baun fan, an bɛ tamban tɔɛ n na.