CHISƆSI 'A SƆ MƆƐ NU 8:40 - Yataa 'a Dɔbɛnɛ Nama

⁴⁰ Chɛɛ Fiipi‑a a wandi yen fan gbɛ duu dɔndɔ ɔ, an mbe min chee, an dɔ, Asotɔsi. A sin ben‑da wan nɔ ma, a ɛ ta‑a sakana bai chɛndɛ chɛ sa‑a duu kan kɔ kan dɔ, aan a che Sisayea duu ɔ.

CHISƆSI 'A SƆ MƆƐ NU 8:40 ပူးပေါင်းရင်းမြစ်များ

CHISƆSI 'A SƆ MƆƐ NU 10:1

Kamin dɔndɔ ni wan nɔ Sisayea duu ɔ, min tɔ ni Kɔniyɔsi. A ni soya gbakoo dɔndɔ an na, Domi soya chɛmɛ dɔndɔ kun ma. Chɛ ni kaka dɔndɔ an na, soya chɛ n tɛ ɔ, an ni miin chee, an dɔ, Itadi mɔɛ n 'na soya nu.

CHISƆSI 'A SƆ MƆƐ NU 10:24

An che‑a wan Sisayea duu ɔ, tee dɔndɔɛ ma. Kɔniyɔsi ni wan a ma kɔn tena kaina. A sin na‑a a suun ma nyɔɛ n gbɛɛ a sɔn sɔn fan, an bɛ a dia nyɔɛ n na.

CHISƆSI 'A SƆ MƆƐ NU 11:11

A tima dɔndɔ gbe chɛ kɔɔ, nn ni ka chenɛ min na, mɔ kaima sawa n na‑a wan nɔ. An na‑a an sɔ wan, a ka Sisayea duu ɔ, an na‑a n tena.

CHISƆSI 'A SƆ MƆƐ NU 12:19

Mansa Ɛdɔdi‑a a ma kɛn, an‑na an ya a kan Pita a, chɛɛ an ma a yen ni, a faa tɛ‑a wan gbeden. Mbɛ a‑a pimbi chenɛ chɛ kun ma fɛn mɔɛ chɛ n dɔ tisa gbɛɛ ɛ. Mbɛ a‑a a fɔ, a ɔ, an ni an fa. Chɛ gbakɔ, Mansa Ɛdɔdi yii‑a wan, a ka Chudia chɛnyɛ ɔ, mbɛ a ta‑a Sisayea duu ɔ tima ɛnden ko a.

CHISƆSI 'A SƆ MƆƐ NU 18:22

A che‑a kɛn Sisayea duu ɔ, a bɔ‑a wan dɛndɛ ɔ, mbɛ a sɛ‑a Chuusaɛn. A che‑a kɛn nɔ, a‑a chɔchi mɔɛ n kɔndɔn fan, mbɛ a ben‑da, a ta Andiɔki duu ɔ.

CHISƆSI 'A SƆ MƆƐ NU 21:16

Mbɛ Chisɔsi fɛ denɛ dɔ nu, a ka Sisayea, an bea‑a wan nn fɛ. An sin‑na nn ya wan, nn ta‑a kamin dɔndɔ 'a chenɛ a, nn ni ma tena min 'na sondaya a. A tɔ ni Nason. A ka‑a Saipɔsi yii tinɛ ɔ wan, a sin‑na a kai fa Chisɔsi a tima min na, a ɔ ni yansan.

CHISƆSI 'A SƆ MƆƐ NU 21:8

Banda ɔ ka‑a kɛn, nn bɔ‑a wan nɔ, mbɛ nn na‑a Sisayea duu ɔ. Nn ta‑a wan kamin dɔndɔ 'a chenɛ a, sondaya a. A tɔ ni Fiipi, min ni ben ben sakana bai chɛndɛ chɛ ɔ yian‑da, a si Chisɔsi ma. A ni mɔ dɔndɔ an na to, mɔ wɔnfea chɛ n tɛ ɔ, Chuusaɛn mɔɛ n na‑a an boo sɔ miin ma.

CHISƆSI 'A SƆ MƆƐ NU 23:23

Mbɛ soya n kun ti chɛ, a‑a soya gbakoo fea chee, mbɛ a‑a a fɔ an ye, a ɔ, “Wo wo ma bɛn soya mɔ chɛmɛ fea a, an ta koe a Sisayea duu ɔ, ni awa sawan bɔɛ ben‑da pimbi bundenɛ a. An bɛ ni ta soya mɔ bi wɔnfea a, miin mbe soo n kɔ, a basan an mɔ chɛmɛ fea a, miin mbe tamba a dɛ.

CHISƆSI 'A SƆ MƆƐ NU 23:33

An che‑a kɛn Sisayea duu ɔ, an ta‑a wan Pɔɔ a kɔfana chɛ tena, mbɛ an‑na gboo nyɛndenɛ chɛ wɛɛ be a ma.

CHISƆSI 'A SƆ MƆƐ NU 25:1

Tee sawa gbakɔ kɛn Kɔfana Fesɔsi na‑a Sisayea duu ɔ, a 'a kɔfana wai kuu sɔ koe a, a sɛ‑a wan Chuusaɛn duu ɔ.

CHISƆSI 'A SƆ MƆƐ NU 25:13

Tima ɛnden gbakɔ, Mansa Akipa an fea a tensa musu Banisi a, an na‑a wan Sisayea duu ɔ, Kɔfana Fesɔsi kɔndɔn koe a.

CHISƆSI 'A SƆ MƆƐ NU 25:4

Mbɛ Kɔfana Fesɔsi ɔ, “Pɔɔ ɛ ma gbanɛ ɔ Sisayea. N fandi gbu wɛɛ, n mbe yɛ tena wan nɔ sanche.

CHISƆSI 'A SƆ MƆƐ NU 25:6

Kɔfana Fesɔsi‑a tee sɛin ya wan Chuusaɛn duu ɔ, chɛ ma, tee tan nyɔn sima, a e na to yii‑a Sisayea duu ɔ. A che‑a tee min na, a banda ɔ ka da ma, a si‑a wan kuti ɔ, mbɛ a‑a a fɔ, a ɔ, an ni na Pɔɔ a, a chen kɔɔ.

CHISƆSI 'A SƆ MƆƐ NU 8:25

Pita an fea Chɔn na, an ban‑da wan koe chɛ n gbɛɛ ɔ yian‑da mɔɛ n na, an‑na min dɔ sɔn a si Mansa Chisɔsi ma. Mbɛ an yɛ‑a Chuusaɛn, an mbe ta‑a sakana bai chɛndɛ chɛ ɔ yian‑da mɔɛ n na, duu sɛsɛ n dɔ Samayia chɛnyɛ ɔ.

CHISƆSI 'A SƆ MƆƐ NU 9:30

Sɔɔ suun ma nyɔɛ chɛ nu Chasi ɔ, an‑na koe chɛ kɔɔ sɔn kɛn, an yii‑a wan Sɔɔ a Sisayea duu ɔ, mbɛ an‑na a a ta Tasɔsi duu ɔ.

GBOO DOMI KO A 15:19

A yɛ to, a bɔ‑a to koe n tɔmɔsi gbau gbau n dɔ, a basan kamaya koe wa n na, n‑na miin ma. A sin, Yataa Nyina‑a gbasaya be n ma koe chɛ n gbɛɛ ma koe a. A sin chia chɛ a mu, Yataa 'a sakana bai chɛndɛ chɛ a si Chasi ma, n‑na a sa wan kan kɔ kan, a ka Chuusaɛn duu ɔ, a ta Idiikɔn chɛnyɛ ɔ.