CHISƆSI 'A SƆ MƆƐ NU 8:39 - Yataa 'a Dɔbɛnɛ Nama

³⁹ An fea chɛ gbɛɛ bɔ‑a kɛn yii chɛ ɔ, mbɛ Yataa Nyina‑a Fiipi a tuin. Kai chɛ ma a yen ni to, mbɛ a wɛɛ‑a a 'a tachɛ a tun a ma. A bu ɔ diama wa ni gbɛ, ɛ ta‑a.

CHISƆSI 'A SƆ MƆƐ NU 8:39 ပူးပေါင်းရင်းမြစ်များ

MATIU 13:44

Chisɔsi ɔ, “Yataa 'a mansaya maen fan mu yɔ min ma‑a tai chɛ ɔ. Mɔ dɔndɔ‑a a kɔnkɔn fan nyanɛ a fii ɔ. Chɛɛ a ma a ya ni, a‑a a kun ma bun fan to chɛndɛ chɛ. Mbɛ a ta‑a, buɔdia wandi a, mbɛ a‑a a boo fenɛ gbɛɛ ma tachɛ kaina chɛ gbu san koe a, nyan chɛ ɛ ka nun dɔ min dɔ.

MATIU 3:16

A‑a yii chɛ kɛn dechee Chisɔsi kunɛ ɔ, Yataa chia a, Chisɔsi bɔ‑a wan yii ɔ. Mbɛ a yen ko, banda da a ka‑a a ya a a, mbɛ a‑a Yataa Nyina yen, ɛ yii‑a yɔ bugbɔɛ, mbɛ a si‑a a ma.

MAKI 1:10

Mbɛ Chisɔsi bun‑da bɔ‑a yii chɛ ɔ, a sɛ tindi ma. Chɛ ɛ ma‑a dechee, mbɛ a‑a banda yen, a da a ka‑a dɔndɔ a. Ɛ ta ta‑a Yataa Nyina yen‑da yii‑a a kun ma, yɔ bugbɔɛ, mbɛ a si‑a a kun ma.

CHISƆSI 'A SƆ MƆƐ NU 13:52

A sin, Chisɔsi fɛ mɔɛ chɛ n gbɛɛ nɔ, buɔdia koa‑a wan an dɔ, Yataa Nyina wɛɛ sin ni wan an fɛ gban.

CHISƆSI 'A SƆ MƆƐ NU 16:34

Mbɛ a sɛ‑a Pɔɔ, an fea Sidasi a, a waa chenɛ a, a‑a an da kɔ. Buɔdia wa ni wan a ɔ, a basan a 'a chen 'na mɔɛ n gbɛɛ a. Koe min na mu, an‑na an kai fa gbɛ Yataa a.

CHISƆSI 'A SƆ MƆƐ NU 8:29

Mbɛ Yataa Nyina‑a a fɔ Fiipi ye, a ɔ, “I ma tundu gbɛdɛn mɔto gbingbi chɛ baima.”

CHISƆSI 'A SƆ MƆƐ NU 8:38

Mbɛ kamin chɛ‑a a fɔ, a ɔ, soo chɛ ni sɔ, mbɛ a sɔ‑a. Mbɛ an fea Fiipi a, an puin‑da, an yii‑a yii chɛ ɔ. Mbɛ Fiipi‑a yii chɛ mɔ chenama chɛ kunɛ ɔ, Yataa chia a.

CHISƆSI 'A SƆ MƆƐ NU 8:8

Chɛ ko a, buɔdia wa dɛgbɛ ni wan an duu chɛ ɔ.

GBOO DOMI KO A 5:2

Mmɔ 'a danaya chɛ ko a Yataa a, Chasi‑a a ma, mmɔ boo kun‑da Yataa 'a koadia deman chɛ ma, min mbe ka mmɔ ko a sanche. Mmɔ ɛ buɔdia bɔ wan gbɛ sanche, koe min na mu, mmɔ yii na tɛen fan mu gbɛ, mbɛ Yataa sɔnɛ dɔ ɛ ma‑a wan mmɔ ɔ ya ɔ ma.

Gboo Fiipai Ko A 3:3

Mmɔ wan mu Yataa 'a mɔɛ n na, tea tea ko a. Koe min na mu, mmɔ wan mbe Yataa fai a Nyina 'a gbasaya ɔ. Mbɛ mmɔ yɛ‑a, mmɔ‑a buɔdia bɔ, mmɔ ma koe a mɔ dɔndɔɛ a Chisɔsi a. Mmɔ ma mmɔ kai fa ni ko dɔ mende kan kɔ kan na, mɔ gbu ɛ che min ma‑a.

Gboo Fiipai Ko A 4:4

Wo e ka buɛ min dɔ, wo ma‑a mɔ dɔndɔɛ a Mansa Chisɔsi a, wo buɔdia bɔ tima ɔ tima ko a. Ka n mbe a fɔ to wo ye, wo buɔdia bɔ.

CHIMISI 4:16

Chɛɛ wo e min ma, wo e yonka an tɛ ben‑da, wo dandenɛ ɛ wo wandi a. Yonka chɛ gbɛɛ ma nyin.