CHISƆSI 'A SƆ MƆƐ NU 8:34 - Yataa 'a Dɔbɛnɛ Nama

³⁴ Mbɛ mɔ chenama chɛ‑a a fɔ Fiipi ye, a ɔ, “A fɔ wɛ n ye, Yataa 'a gbonka chɛ mɔɛ chɛ ɛ bai chɛ sa tena ka a si mɔɛ min ma. Ɛ a sa tena, a si a wandi an ma, chɛ ma, a sien mu mɔ dɔ mende an ma?”

CHISƆSI 'A SƆ MƆƐ NU 8:34 ပူးပေါင်းရင်းမြစ်များ

MATIU 13:36

Mbɛ Chisɔsi‑a mɔ fanka chɛ n to baa ma, a don‑da chenɛ a. A fɛ denɛ n don‑da a kun ma, an dɔ, “Tai chɛ fasai wɛ nn ye, i‑a min tɛ ka a si bin chɛ ma chin fen chɛ ya a.”

MATIU 15:15

Mbɛ Pita ɔ, “Bai chɛ fasai wɛ nn ye, i‑a min fɔ ka, a si mɔɛ ma nyamui koe ma.”

CHISƆSI 'A SƆ MƆƐ NU 8:27

Mbɛ Fiipi‑a a kɔɔ sɔ, mbɛ a ta‑a chia chɛ a. Mbɛ a yen ko, a tima dɔndɔ gbe chɛ a, kai dɔndɔ ni wan nɔ, min na‑a ka Itiopia chɛnyɛ ɔ. A ni ben tena wan a chia dɔndɔ gbe chɛ a, a yɛ a waa a. Mɔ chenama ni a a Itiopia chɛnyɛ ɔ, mansa de chɛ 'a kɔpɔɛ kun ma. A na‑a ka samun chɛ tena wan Chuusaɛn, a ɛ yɛ‑a Itiopia. A ni si ɔ mɔto gbingbi an dɔ, soo n mbe min sawan. A ni kɛn si ɔ mɔto gbingbi chɛ ɔ, a ni wan gboo kan‑da, Yataa 'a gbonka chɛ mɔɛ Aisaya na‑a min nyɛn.

CHISƆSI 'A SƆ MƆƐ NU 8:33

An‑na baa bɔ wan a ma. A sin, mɔ ɔ mɔ ma dɔn ni, a 'a tea fɔ koe a. Mɔ ee che bai fɔ‑a, a si a 'a den ma, a mu min na, an‑na a wandi gbu ta fɔɛ ya wan banda kun ma.”

CHISƆSI 'A SƆ MƆƐ NU 8:35

Mbɛ Fiipi‑a an kaina chɛ fasai kamin chɛ ye, a ni ka kaina min kan tena. Mbɛ a‑a sakana bai chɛndɛ chɛ ɔ yian kamin chɛ a, a si Chisɔsi ma.