CHISƆSI 'A SƆ MƆƐ NU 8:30 - Yataa 'a Dɔbɛnɛ Nama

³⁰ Fiipi wɛɛ‑a bui sa wan a a mɔto chɛ tena, mbɛ a‑a a a min, mɔɛ ɛ Aisaya 'a gboo chɛ kan‑da. Mbɛ Fiipi‑a kamin chɛ ɔ tisa, a ɔ, “E gboo chɛ ɔ gbɛ tena wan chɛndɛ chɛ, e ka min kan‑da?”

CHISƆSI 'A SƆ MƆƐ NU 8:30 ပူးပေါင်းရင်းမြစ်များ

MATIU 13:19

Mɔɛ dɔ n mbe wan yɔ chia kuu a duu gboo chɛ, chin fen kuu n bea‑a min ma. Ni an‑na Yataa 'a sakana bai a min, a si a 'a mansaya ma, an mbe ee a ɔ gbɛ chɛndɛ chɛ. Mbɛ an nyina yama chɛ, Sitana, a na‑a a ya kɔɔɛ a, a‑a bai chɛ bɔ an yiima ɔ.

MATIU 13:23

Mɔɛ dɔ n sin mbe wan yɔ duu gboo chɛndɛ chɛ, chin fen kuu n bea‑a ka min ma. An gbɔ‑a wan wɔsɔkɔɔ. Dɔ n gbaa ni wan an kansanɛ ma chɛmɛ dɔndɔ, dɔ nu bi wɔdɔ, dɔ n sin ni bi sawa. Mɔɛ chɛ n bɛɛ ɛ ka wan, miin mbe sakana bai chɛndɛ chɛ a min, mbɛ an‑na a sa an faa ɔ chɛndɛ chɛ, mbɛ an‑na a ma, yɔ sakana bai chɛ‑a a fɔ buɛ min dɔ an ye, a ma koe a.”

MATIU 13:51

Mbɛ Chisɔsi‑a a fɛ denɛ n dɔ tisa, ni an‑na tai chɛ n dɔ gbɛ wan. Mbɛ an dɔ, “Mm.”

MATIU 15:10

Mbɛ Chisɔsi‑a mɔ fanka chɛ chee a tena, mbɛ a‑a a fɔ an ye, a ɔ, “Wo gbɛɛ wo wo too ma sɔ n da a bai ma, a yɛ to, wo ni a ɔ gbɛ.

MATIU 24:15

Chisɔsi ɔ, “Yataa 'a gbonka chɛ mɔɛ Danɛɛ na‑a bai fɔ wan suun a 'a gboo ɔ, a si fen ma nyamuienɛ ma, miin mbe fenɛ n yɔn. Wo wɛn mbe gboo chɛ kan‑da, wo ni a ɔ gbɛ chɛndɛ chɛ ni bai chɛ fasaien mu fen na. Fen ma nyamuien chɛ, wo e a yen‑da wan sɔ ɔ Yataa 'a kata ɔ.

MAKI 13:14

Chisɔsi ɔ, “Chɛɛ wo e fen ma nyamuienɛ n yen‑da wan, miin mbe fenɛ n yɔn, an mbe sɔ ɔ kaina, an nii ma sɔ ɔ kaina min.” (Wo wɛn mbe gboo chɛ kan‑da, wo ni a ɔ gbɛ chɛndɛ chɛ, bai chɛ fasaien mu fen na). “Ni wo‑a chɛ yen ma‑a, wo wɛn mbe Chudia chɛnyɛ ɔ, wo bui sa a a kɔnkɔɛ chɛ n dɔ, wo fɔɛ ko a.

CHƆN 4:34

Mbɛ Chisɔsi ɔ, “Min 'na dɛya mu n na, ni n‑na a faa ma koe ma, n ni a 'a wai a ban, a‑a n sɔ min na, an mu n 'na daun fenɛ a.

CHƆN 5:39

Wo e Yataa 'a gboo kan fan chɛndɛ chɛ, koe min na mu, ɛ wo yii ma, an mbe a ma‑a, wo ni kuɔ fɔ fɔɛ ma sɔn. Bai miin gbu sin nyɛnden mu gboo chɛ ɔ, an sien mu n fan ma.

CHISƆSI 'A SƆ MƆƐ NU 8:27

Mbɛ Fiipi‑a a kɔɔ sɔ, mbɛ a ta‑a chia chɛ a. Mbɛ a yen ko, a tima dɔndɔ gbe chɛ a, kai dɔndɔ ni wan nɔ, min na‑a ka Itiopia chɛnyɛ ɔ. A ni ben tena wan a chia dɔndɔ gbe chɛ a, a yɛ a waa a. Mɔ chenama ni a a Itiopia chɛnyɛ ɔ, mansa de chɛ 'a kɔpɔɛ kun ma. A na‑a ka samun chɛ tena wan Chuusaɛn, a ɛ yɛ‑a Itiopia. A ni si ɔ mɔto gbingbi an dɔ, soo n mbe min sawan. A ni kɛn si ɔ mɔto gbingbi chɛ ɔ, a ni wan gboo kan‑da, Yataa 'a gbonka chɛ mɔɛ Aisaya na‑a min nyɛn.

CHISƆSI 'A SƆ MƆƐ NU 8:29

Mbɛ Yataa Nyina‑a a fɔ Fiipi ye, a ɔ, “I ma tundu gbɛdɛn mɔto gbingbi chɛ baima.”

CHISƆSI 'A SƆ MƆƐ NU 8:31

Mbɛ a ɔ, “N mbe ee che a ɔ gbɛ‑a, mɔɔ ni mɔɛ‑a n sɔ chia ma.” Mbɛ a gbu‑a a fɔ Fiipi ye, a ɔ, a ni sɛ mɔto gbingbi chɛ ɔ, a ni si a baima.

CHISƆSI 'A SƆ MƆƐ NU 8:5

Fiipi ni mɔ dɔndɔ an na mɔɛ chɛ n tɛ ɔ, miin na fasan‑da a ɔ. A yii‑a wan duu dɔndɔ ɔ, Samayia chɛnyɛ ɔ, mbɛ a‑a bai sa a si kunka mansa ma.

GBOO SAA KƆYINDI KO A 14:19

Chɛɛ n ni chɔchi ɔ, n mbe ee bai wuu tanɛ sa, kamaya bai n dɔ, mɔ ee miin dɔ gbɛ ka dechee. A fisa, n ni bai duu gbe sa, chɛnyɛ koɛ ɔ, mɔɛ n mbe min dɔ gbɛ. Chɛ an mbe a ma, n ni an kan.

Gboo Ɛfisɔsi Ko A 5:17

Chɛ an fɛ mu, wo ma ma woo mɔɛ n na. Chɛɛ wo butuin chɛ, wo ni Mansa Chisɔsi faa ma koe ɔ gbɛ.

KO Ɔ NUNDENƐ 13:18

Yiimatɛ wa, an mbe chɛ bɔ. Mɔɛ min sin yiima tɛen mu, an mbe a ɔ gbɛ nɔmba chɛ sɔen mu fen ko a. Mɔ gbu 'a nɔmba mu. A mu chɛmɛ wɔdɔ, ni bi wɔdɔ kun ma wɔdɔɛ (666) an na.