CHISƆSI 'A SƆ MƆƐ NU 8:3 - Yataa 'a Dɔbɛnɛ Nama

³ Chɛɛ Sɔɔ bun‑da wan ta si‑a chɔchi mɔɛ n gbu kɔɔ. A ni don fan chen kan kɔ kan na, a ɛ ta‑a mɔɛ chɛ n bia‑a, miin‑na an kai fa Chisɔsi a. A‑a musu n konkon fan, an bɛ mɔ kaima n na, a‑a an da a tɔn pimbi chenɛ a.

CHISƆSI 'A SƆ MƆƐ NU 8:3 ပူးပေါင်းရင်းမြစ်များ

CHISƆSI 'A SƆ MƆƐ NU 16:19

Chɛɛ yɔnɛ chɛ ti n‑na a ɔ yen kɛn, mbɛ an 'na kɔpɔ sɔn chia den den chɛ a, a ban‑da, an dɛ‑a wan Pɔɔ ma, an fea Sidasi a. Mbɛ an‑na an konkon, a ta mansa n tena, kuti tongbo kɔɔ.

CHISƆSI 'A SƆ MƆƐ NU 22:19

“Mbɛ n dɔ te, ‘Mansa, an‑na a ɔ sɔn fan tea gbu a, n ni koe miin si i 'a mɔɛ n na. Nn 'na samun chɛ chenɛ kan kɔ kan na, n ni ta kaina, n ni an gbasi wan, n mbe yɛ, n mbe an sa pimbi chenɛ a, a si kaifa ma, an mbe min chɛ i a.

CHISƆSI 'A SƆ MƆƐ NU 7:58

mbɛ an‑na a konkon a bɔ an duu chɛ ɔ. Mbɛ an bun‑da a ma bon bon‑da, a fa koe a. Miin ni ka sii n na, an 'na doma kun ma doma nu, an‑na an bɔ wan, mbɛ an‑na an to kamin tɔngbɔ dɔndɔ boo ɔ, min tɔ ni Sɔɔ.

CHISƆSI 'A SƆ MƆƐ NU 8:2

Mɔɛ dɔ nu, miin fɔɛ been ni ka Yataa fai koe a, an‑na Sitibin tɔn fan. An sin‑na chinchima di chɛ wan to, a si Sitibin fa koe ma.

CHISƆSI 'A SƆ MƆƐ NU 9:21

Mbɛ mɔɛ miin gbɛɛ‑a a da a kuiɛ chɛ a min ka, an na fii‑a wan. Mbɛ an dɔ, “Wuo, kamin chɛ an ni mɔɛ n fa pan Chuusaɛn, miin ni kamin chɛ fai, min mu Chisɔsi a. An ma chɛ a? A gbu sin, a na‑a nɛ ka mɔɛ chɛ n fan gbu bia koe a, ta koe a an na Chu n tɛ mɔɛ nu Yataa a, an 'na mansa n tena. Ae?”

GBOO SAA KƆYINDI KO A 15:9

Koe min na mu, Chasi 'a sɔ mɔɛ chɛ n gbɛɛ, an benden mu n ma. N gbu sin, mɔ a tenden ma n na, a chee koe a a 'a sɔ mɔɛ a. Koe min na mu, n‑na ko ma gbaaenɛ sa wan Yataa 'a mɔɛ n ma, chɔchi ɔ.

Gboo Kadesia Ko A 1:13

Chɛɛ wo gbu, wo na‑a a a min fan, n ni Chu n 'na sawa n bia buɛ min dɔ gbau gbau, a si Yataa fai koe ma. N‑na ko yawaenɛ sa wan mɔɛ n ma, a yama boo a, chɔchi ɔ. N gbu toen ni, n ni an kasaa wan.

Gboo Fiipai Ko A 3:6

Ko ɔ ko kan kɔ kan, n ta yiima ɔ, Yataa toen ni n ni min ma, n ni a ma wan n sɔɛ gbɛɛ a. N fan ni a ma, ko yawaenɛ ni sa chɔchi mɔɛ n ma. Chu n 'na sawa nan sin, min sien ni tachɛ koe ma a a teaya ɔ, mabɔ nii ma a ɔ.

1 TIMOTI 1:13

N na‑a a main fan, mbɛ n‑na ko ma gbaaenɛ si a 'a mɔɛ n na. Chɛɛ Yataa chinchin‑da wan n ma, koe min na mu, danaya nii n dɔ a tima a Chisɔsi Chasi ko a, a sin, n nii ma a ɔ sɔn n ni koe min ma tena.

CHIMISI 2:6

Chɛɛ chɛ gbɛɛ ɔ, wo e tɛndɔya koe n ma wan yɔn tɔɛ n na. Min mu ka, nyan tɔɛ chɛ nu, an fan mbe wo konkon, an mbe ta wo a kuti ɔ.