CHISƆSI 'A SƆ MƆƐ NU 8:25 - Yataa 'a Dɔbɛnɛ Nama

²⁵ Pita an fea Chɔn na, an ban‑da wan koe chɛ n gbɛɛ ɔ yian‑da mɔɛ n na, an‑na min dɔ sɔn a si Mansa Chisɔsi ma. Mbɛ an yɛ‑a Chuusaɛn, an mbe ta‑a sakana bai chɛndɛ chɛ ɔ yian‑da mɔɛ n na, duu sɛsɛ n dɔ Samayia chɛnyɛ ɔ.

CHISƆSI 'A SƆ MƆƐ NU 8:25 ပူးပေါင်းရင်းမြစ်များ

MATIU 10:5

A fɛ den tan kun ma fea chɛ nu, Chisɔsi‑a an sɔ wan ta koe a, a 'a wai chɛ koe a. A‑a an na si wan, a ɔ, “Wo ta Chu mɔɛ n tena, an fan maen mu yɔ sa nu, miin chen gba ɔ chɛenɛ ɛ an ti n ma, koe min na mu, an‑na an kan kɔ sɔ Yataa a. Wo ma ta kaina, Chu mɔɛ n mbe ee kaina. A yɛ to, wo ma ta Samayia duu n dɔ.

DUKU 16:28

a mu min na, n dɔ kaima duu n mbe nɔ. A ni ta, a ni an na si, min mbe a ma, an bɛɛ ma na na nɛ tɔɔya chɛ ɔ, n mbe ka min dɔ.’

CHƆN 15:27

A sin gbu, wo wɛɛ, wo e n bakoe ɔ yian‑da wan mɔɛ n na. Koe min na mu, kɛn n‑na a kuu sɔ kanɛ chɛ‑a, mmɔ bɛ an mbe ben ben tena.

CHISƆSI 'A SƆ MƆƐ NU 1:8

Chɛɛ wo e gbasaya ma sɔn‑da wan, ni Yataa Nyina chɛ bea‑a wo fɛ. A tima chɛ a, wo e a ɔ yian‑da wan mɔɛ n na, wo‑a min dɔ sɔn, a si n ma. Wo e a ɔ yian‑da wan mɔɛ n na Chuusaɛn duu ɔ, wo ni a ɔ yian Chudia chɛnyɛ tɔɛ gbu gbɛɛ ɔ, ni Samayia chɛnyɛ ɔ, a che kan kɔ kan dunya gbɛɛ ɔ.”

CHISƆSI 'A SƆ MƆƐ NU 13:12

Kɔfana chɛ‑a a ɔ yen kɛn koe min ma‑a, a‑a a kai fa wan Chisɔsi a. Koe min na mu, a da ɔ gbaa‑a wan kan chɛ a, a si Mansa Chisɔsi ma.

CHISƆSI 'A SƆ MƆƐ NU 18:5

Sidasi an fea Timoti a, an na‑a kɛn a ka Masidonia chɛnyɛ ɔ, Pɔɔ‑a a 'a tima gbɛɛ be Yataa bai sa koe an na. A ni wan a fɔ tena Chu mɔɛ n ye, Chisɔsi an mu kunka mansa a.

CHISƆSI 'A SƆ MƆƐ NU 20:21

N‑na dasi gbau gbau be wan Chu mɔɛ n ma, ni miin bɛɛ ma Chu mɔ a, a si an kan kɔ sɔ koe a, an 'na ko yama n na, an ni an ya a mun Yataa ma. A yɛ to, a si an kai fa koe ma mmɔ 'a mansa Chisɔsi a.

CHISƆSI 'A SƆ MƆƐ NU 28:23

Mbɛ an‑na tee yian Pɔɔ a, an mbe bɛn tee min ma, a yia chenɛ a. An tee chɛ che‑a kɛn, an na‑a wan a tena, an da a koaen ba. Mbɛ a ka sau ma ma, aan yɛɛ ma tee a, Pɔɔ si‑a wan ko ɔ ko ma, a‑a a ɔ yian mɔɛ chɛ n na. Pɔɔ‑a bai ɔ yian fan, a si Yataa 'a mansaya ma, an yiima mun koe a Chisɔsi tena. A‑a bai chɛ bɔ sawa chɛ an dɔ, Yataa‑a miin be Mosisi ma, a basan gboo chɛ ɔ a, Yataa 'a gbonka chɛ mɔɛ n 'na gboo chɛ.

CHISƆSI 'A SƆ MƆƐ NU 28:31

A ni bai sa wan an tena, a si Yataa 'a mansaya ma. A yɛ to, a ni mɔɛ n kan fan, a si Mansa Chisɔsi Chasi ma. A nii chɛ ma nun dɔ, mɔ ɔ mɔ sin nii a a gban.

CHISƆSI 'A SƆ MƆƐ NU 8:40

Chɛɛ Fiipi‑a a wandi yen fan gbɛ duu dɔndɔ ɔ, an mbe min chee, an dɔ, Asotɔsi. A sin ben‑da wan nɔ ma, a ɛ ta‑a sakana bai chɛndɛ chɛ sa‑a duu kan kɔ kan dɔ, aan a che Sisayea duu ɔ.

1 PITA 5:12

N mbe ka gboo kunduenɛ min nyɛn‑da wo tena, Sidasi an mbe basan tena n ma. N 'na yiinachii ɔ, suun ma nyɔɛ mu a a, Chasi ɔ, n danden mu min na chɛndɛ chɛ. N toen mu n ni wo faa n ma nande, n ni a ɔ yian to wo a, mbɛ Yataa 'a koadia demanɛ gbu ɛ wan wo ko a. Wo wo boo a chii a ma gban.