CHISƆSI 'A SƆ MƆƐ NU 8:21 - Yataa 'a Dɔbɛnɛ Nama

²¹ E ee kun mmɔ bɛ ni wai chɛ chɛ, koe min na mu, i faa ɔ ma gbɛ ni Yataa chen kɔɔ.

CHISƆSI 'A SƆ MƆƐ NU 8:21 ပူးပေါင်းရင်းမြစ်များ

DUKU 1:6

Sakaaya tanden fan ni Yataa tena, an fea a 'a musu Disabɛti a. A sin an 'na fɔɛ gbɛɛ ɔ, an ni Mansa Yataa 'a sawa n gbɛɛ bia wan.

CHƆN 21:17

A gba sawan bɔɛ ɔ, a ɔ, “Kai Chɔn 'na denɛ Saimɔn, n ko a di wan i ye?” Chɛ nɛnɛ ɔ, Pita faa yɔn‑da wan, Chisɔsi ni sɔ ɔ tisa min chɛ‑a a a, ni a ko a di wan a ye. Chɛ ko a, mbɛ a ɔ, “Mansa, i‑a ko ɔ ko ɔ sɔn fan. I‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ, “N fɛ mɔɛ n kun ma fɛn, yɔ an mbe sa n kun ma fɛn buɛ min dɔ.”

Gboo Ɛfisɔsi Ko A 5:5

Wo dan chɛ a, mbɛ mɔ ɔ mɔ, ko yama‑a min dɔ chɛ chɛ, a ee don‑da mansaya kɔɔ, Chasi ɛ min dɔ, an fea Yataa a. Wo ma ma mɔɛ n na, miin mbe waa ma basan, an ma dɛ ni fuu ɔ tima min na. Chɛ ma, wo ni ma mɔɛ n na, miin mbe maumaya koe tɛ, an sin fenkoyaen mu, an mbe an boo fenɛ n ya yɔ Yataa.

GBOO IBU MƆƐ N KO A 4:13

A sin, Yataa chen kɔɔ, fen kɔ fen mbe ee nɔ, min mbe nun a ma. Chɛɛ ko ɔ ko kan kɔ kan, an mbe wan sa ɔ den, a ya kɔɔ. Mmɔ gbɛɛ sin, mmɔ ɛ mmɔ chɛ chɛ wai ɔ yian‑da a wan na.

KO Ɔ NUNDENƐ 2:23

Mɔɛ chɛ n gbɛɛ, miin mbe a fɛ, n mbe an fa‑a wan. A sin chɔchi chɛ n gbɛɛ, an mbe a ɔ sɔn‑da wan, mbɛ n fan‑na mɔ ɔ mɔ yii ma sɔn, a basan mɔ ɔ mɔ faa ɔ koe a. Dɔndɔ, dɔndɔɛ a mu, n mbe an gbɛɛ pawa‑a, yɔ an mbe wai chɛ‑a buɛ min dɔ.”

KO Ɔ NUNDENƐ 20:6

Yataa‑a miin na sɔ a ka saya ɔ tima chɛ a, an duaen mu chɛndɛ chɛ, Yataa 'a mɔɛ mu an na. An mbe ee saya fean bɔɛ chɛ‑a, chɛɛ an mbe ma‑a wan mɔɛ n na mɔ gbu n tɛ ɔ Yataa a, an fea Chasi a, kunka mansa. An bɛ Chasi a, an mbe ma‑a wan mansaya ɔ san wu dɔndɔ ko a.

KO Ɔ NUNDENƐ 22:19

A sin to, ni mɔ ɔ mɔ‑a fen kɔ fen ka an bai chɛ n na, miin ka‑a Yataa tena, Yataa ɛ a ta kɔ fenɛ kun ma ka‑a wan. A ta kɔ fen chɛ, min mbe ka kɔn chɛ ɔ, fɔɛ be kɔn chɛ, a basan duu wa chɛ ɔ a. An kɔ fen chɛ n gbɛɛ, miin bakoe ɔ yiandenɛ ɛ gboo chɛ ɔ.