CHISƆSI 'A SƆ MƆƐ NU 8:20 - Yataa 'a Dɔbɛnɛ Nama

²⁰ Chɛɛ Pita ɔ, “Yataa ni i a ta ta ɔ, i 'a kɔpɔɛ chɛ a i boo ɔ. Koe min na mu, ɛ wan i yii ma, mbɛ e kun fan i ni kɔpɔɛ be, min mbe a ma, Yataa ni gbasaya chɛ be i ma.

CHISƆSI 'A SƆ MƆƐ NU 8:20 ပူးပေါင်းရင်းမြစ်များ

MATIU 10:8

Wo gbandi mɔɛ n baun, mbɛ wo‑a fɔɛ a yɛ chɛ n sun da a, miin faenɛ ɛ. Wo mɔɛ chɛ n baun, gboo ma gbandi yama ɛ miin ma, mbɛ wo‑a nyina yama n gbain mɔɛ n fɛ. N‑na gbasaya chɛ be wo ma gbama an na. N ma fen bia ni wo boo ɔ. Chɛ an fɛ mu, wo wɛɛ, wo ta, wo ni mɔɛ n deman. Wo ma an dɔ tisa fen kɔ fen ko a.

MATIU 15:19

A mu min na, ko yama gbɛɛ ɛ bɔ mɔ gbu yiima an dɔ. A ni ma mɔ fa koe an na, kanka chɛ ko mu, fania fɔ mu, ni tɔ ɔ tɛ yama chɛ. A yɛ to, a ni ma waa ma basan koe a mɔɛ a, wo ee fuu ɔ min na, ni ko tɛ koe wɛɛ.

CHISƆSI 'A SƆ MƆƐ NU 1:18

“Chudasi‑a Chisɔsi ma tachɛ kɛn dechee, a‑a an kɔpɔɛ an ya, a 'a ko yama ma kɔpɔɛ chɛ, mbɛ a‑a nangbanɛ san a a. Chɛɛ a bea‑a wan duu ma an nangban chɛ ɔ, mbɛ a bu te‑a pu, a nunɛ gbɛɛ bɔ‑a ya a ma.

CHISƆSI 'A SƆ MƆƐ NU 10:45

Pita n bɛ na‑a wan Chɔpa duu ɔ, an bɛ Chu mɔɛ n na, miin na‑a an kai fa Chisɔsi a. An da ɔ gbaa‑a wan, koe chɛ ɔ yen koe a. Mbɛ Yataa ɛ kun fan, a ni a ma, a Nyina ni ma mɔɛ chɛ n bɛɛ fɛ, miin ma Chu mɔ a.

CHISƆSI 'A SƆ MƆƐ NU 11:17

Yataa wandi‑a a Nyina dɔndɔ gbe chɛ an be an ma, a na‑a min be mmɔ wɛɛ ma, mmɔ‑a mmɔ kai fa kɛn Mansa Chisɔsi Chasi a. Ni a‑a chɛ ma, n mbe ee che n kun si‑a Yataa a. Nyɔn mu n na, chɛ ma koe a?”

CHISƆSI 'A SƆ MƆƐ NU 2:38

Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

CHISƆSI 'A SƆ MƆƐ NU 8:19

Mbɛ a‑a a fɔ an ye, a ɔ, “Wo gbasaya chɛ be n ma, min mbe a ma, n bɛɛ, ni n‑na n boo bun mɔ ɔ mɔ ma, Yataa Nyina ni bea a mɔɛ chɛ fɛ.”

CHISƆSI 'A SƆ MƆƐ NU 8:22

Chɛ an fɛ mu, i kan kɔ sɔ i 'a yiinachii yama chɛ a, mbɛ i‑a samunɛ chɛ Mansa Chisɔsi tena. Kɔkɔɛ ɛ chinchin‑da wan i ma, yiinachii yama chɛ ko a.

1 TIMOTI 6:9

Chɛɛ miin toen mu an ni nyan, an mbe dɛ kan gbɛnɛ an dɔ, mbɛ an chɛɛ‑a Sitana 'a gbai a. An mbe ko sɛsɛ ma wan yiimatɛ ee min dɔ, a basan ko yama a. Chɛ ɛ an yɔn fan gbɔkɔɔ.

CHIMISI 5:3

Wo‑a sanu miin na sɔn ka, ni kain gbɛ nu, an mbe ee ma‑a fen fen na. Wo 'a nyan chɛ, wo na‑a wo fa min na, an mbe wo gboo kasaa‑a ta ɔ. Wo‑a an sa tena ɔ bɛn ka wo wandi ko a, tee chɛ ma kɔnɛ a, kaa a tɛ tee chɛ.

KO Ɔ NUNDENƐ 18:15

Yua mɔɛ chɛ nu, miin ta mu fee fen ba chɛ n na, miin‑na duu chɛ 'a nyanɛ ɔ daun ka, an mbe ee gbɛn‑da a ma. An mbe sɔ‑a wan pɔɔ, an mbe chian‑da a 'a tɔɔya ma, chɛɛ an mbe di chɛ‑a wan a ko a, aan an ya yii ni bɔn.