CHISƆSI 'A SƆ MƆƐ NU 8:12 - Yataa 'a Dɔbɛnɛ Nama

¹² Chɛɛ Fiipi‑a sakana bai chɛndɛ chɛ ɔ yian kɛn an na, a si Yataa 'a mansaya ma, a basan Chisɔsi Chasi tɔɛ a, mɔ sɛsɛ dan‑da wan a a. Mbɛ a‑a yii chɛ an kunɛ ɔ, Yataa chia a, musu nu, an bɛ kai n na.

CHISƆSI 'A SƆ MƆƐ NU 8:12 ပူးပေါင်းရင်းမြစ်များ

MATIU 28:19

Chɛ an‑na a fɔ, wo ta mɔɛ n gbɛɛ tena dunya chɛ gbɛɛ ɔ, mbɛ wo‑a an ma n fɛ denɛ n na. Wo ni yɛ, wo ni yii chɛ an kunɛ ɔ Fa Yataa tɔɛ ɔ, n tɔɛ ɔ, a basan Yataa Nyina tɔɛ ɔ a.

DUKU 9:2

Mbɛ a‑a an sɔ Yataa 'a mansaya ɔ yian koe a kan kɔ kan mɔɛ n na, a basan gbandi mɔɛ n baun koe a.

DUKU 9:60

Mbɛ Chisɔsi wɛɛ ɔ, “Mɔɛ miin mbe yɔ mɔ faenɛ nu, an to nɔ, an ni an 'na mɔ faenɛ n tɔn. Chɛɛ i tana, a nyin i ni ta, i ni Yataa 'a mansaya ɔ yian mɔɛ n na.”

CHISƆSI 'A SƆ MƆƐ NU 1:3

A ka Chisɔsi fa tee ma, aan tee bi naanin tɛ, chia sɛsɛ a, a‑a a wandi yian fan a 'a sɔ mɔɛ chɛ n na, tima sɛsɛ ko a. Chɛ ni a ma, an ni dan a a, mbɛ a ɛ wan to fɔɛ ɔ. A‑a a ma wan, mbɛ an‑na a ma gbɛ gbadan, a sin to, an‑na chia ɔ bɔɛ chɛ wan, a si Yataa 'a mansaya ma.

CHISƆSI 'A SƆ MƆƐ NU 11:20

Chɛɛ an dɔ nu, miin na‑a an kai fa ka Chisɔsi a, a ka Saipɔsi ni Sayini duu wa ɔ, an ta‑a wan Andiɔki. Mbɛ sakana bai chɛ, a si Mansa Chisɔsi ma, an‑na a ɔ yian fan an bɛɛ a, miin nii ma ka Chu mɔ n na.

CHISƆSI 'A SƆ MƆƐ NU 18:8

Chɛ gbɛɛ ɔ, Kisipɔsi, ni a 'a chen 'na mɔɛ n gbɛɛ, an‑na an kai fa wan gbɛ Mansa Chisɔsi a. Kisipɔsi chɛ ni ya ɔ sɔɛ an na, Chu n 'na samun chɛ chenɛ a. Mɔ sɛsɛ nu Kɔyindi duu ɔ, an‑na sakana bai chɛ a min kɛn Pɔɔ a, an dan‑da wan a a, mbɛ yii chɛ‑a an kunɛ ɔ, Yataa chia a.

CHISƆSI 'A SƆ MƆƐ NU 19:5

Mɔɛ chɛ n‑na Pɔɔ da a bai chɛ a min kɛn, an‑na a ma wan, Pɔɔ‑a yii chɛ an kunɛ ɔ, Mansa Chisɔsi tɔɛ ɔ.

CHISƆSI 'A SƆ MƆƐ NU 2:38

Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

CHISƆSI 'A SƆ MƆƐ NU 2:41

Mɔ sɛsɛ dan‑da wan sakana bai chɛndɛ chɛ a, a na‑a min sa ka. An sin‑na yii chɛ wan an kunɛ ɔ, Yataa chia a. A tee chɛ a, mɔ wu sawa an sa‑a chɛ n ma, miin na‑a an kai fa Chisɔsi a.

CHISƆSI 'A SƆ MƆƐ NU 20:21

N‑na dasi gbau gbau be wan Chu mɔɛ n ma, ni miin bɛɛ ma Chu mɔ a, a si an kan kɔ sɔ koe a, an 'na ko yama n na, an ni an ya a mun Yataa ma. A yɛ to, a si an kai fa koe ma mmɔ 'a mansa Chisɔsi a.

CHISƆSI 'A SƆ MƆƐ NU 20:25

“A sin, a yen ko gbɛ, n‑na chɛ ɔ sɔn. Mbɛ n ben ben‑da wo wɛn gbɛɛ tɛ ɔ, n mbe ta‑a koɔ‑a wo tena, a si Yataa 'a mansaya ma, wo dɔndɔ wɛɛ ee na‑a n yen‑da to.

CHISƆSI 'A SƆ MƆƐ NU 28:31

A ni bai sa wan an tena, a si Yataa 'a mansaya ma. A yɛ to, a ni mɔɛ n kan fan, a si Mansa Chisɔsi Chasi ma. A nii chɛ ma nun dɔ, mɔ ɔ mɔ sin nii a a gban.

CHISƆSI 'A SƆ MƆƐ NU 5:14

Chɛ gbɛɛ ɔ, mɔ kaima sɛsɛ, an bɛ musu sɛsɛ n na, an‑na an kai fa wan Mansa Chisɔsi a, mbɛ an sa‑a mɔɛ kɔma n kaa a.

CHISƆSI 'A SƆ MƆƐ NU 8:4

Chisɔsi fɛ mɔɛ miin na fasan‑da ka a ɔ, an ben ben‑da wan, an‑na Yataa 'a sakana bai chɛndɛ chɛ ɔ yian mɔɛ n na.

GBOO DOMI KO A 10:10

Koe min na mu, ni mmɔ‑a mmɔ kai fa Chisɔsi a, an mbe mmɔ ma mɔ tandenɛ n na a tena. Mmɔ 'a danaya chɛ sin, ni mmɔ‑a a ɔ yian den, an mbe na bauncha a mmɔ ko a.

GBOO SAA KƆYINDI KO A 11:11

Chɛɛ chɛ gbɛɛ ni ma wɛɛ, mmɔ mu buɛ min dɔ ka mɔ dɔndɔɛ a Mansa Chisɔsi a, ɛ ka wan. Mɔ kaima, a ee ma dechee a wandi ko a, musu wɛɛ, a ee ma dechee a wandi ko a.

Gboo Kadesia Ko A 3:28

Wo gbɛɛ, wo bɛ Chisɔsi Chasi a, wo ma‑a gbɛ mɔ dɔndɔɛ a. Tɛ bɔ kan kɔ kan mbe ee to Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin mu yɔnɛ n na, an bɛ chɛ n na, miin mbe an fandi ko a. Tɛ bɔ ee mɔ kaima an ma, an bɛ musu n na. Mɔ tɛ bɔ ee to nɔ.

1 PITA 3:21

Chɛ ni tɔmɔsi an na, yii ɛ chɛ buɛ min dɔ mɔɛ n kunɛ ɔ, Yataa chia a, bauncha sɔn koe a sanche. A ma dechee nɔɛ ko koe an na, mɔɛ n gboo ma. Chɛɛ tooɔdia mu, mɔɛ ɛ min chɛ Yataa a, yiima a koenɛ a. An mbe na bauncha a, min ma sɔn‑da, a bɔ Chisɔsi 'a sɔ koe ɔ, a ka saya ɔ.