CHISƆSI 'A SƆ MƆƐ NU 8:1 - Yataa 'a Dɔbɛnɛ Nama

¹ Sɔɔ‑a toa si, Sitibin fa koe kɔɔ. Sitibin fa‑a kɛn, mɔɛ n‑na a kuu sɔ wan ko ma gbaaenɛ sa‑a chɛ n ma Chuusaɛn, miin na‑a an kai fa Chisɔsi a. A ka Chisɔsi 'a sɔ mɔɛ chɛ n ma, mɔɛ tɔɛ chɛ n gbɛɛ miin na‑a an kai fa Chisɔsi a, an dɔ fasan‑da wan a ɔ ben‑da gbɛɛ Chudia chɛnyɛ ɔ, a basan Samayia a.

CHISƆSI 'A SƆ MƆƐ NU 8:1 ပူးပေါင်းရင်းမြစ်များ

MATIU 22:6

Chɛɛ dɔ n sin chɛ‑a wan bɔi den chɛ n ma, mbɛ an‑na an popoya, an mbe e na to an fa‑a.

MATIU 23:34

Chɛ an fɛ mu, n yen ko Yataa 'a gbonka chɛ mɔɛ n na na‑a wo tena. N mbe dɔ sɔ tɔɛ n bɛɛ a na‑a wan, a basan Yataa 'a sawa kan mɔɛ n na. Chɛɛ wo e an dɔ n fa‑a wan kɔn gbengbandenɛ ma, wo ni dɔ n fa chia dɔ mende a, mbɛ wo‑a dɔ n bosa mmɔ 'a samun chɛ chenɛ n na. A tɔɛ n sin, wo e an gbain‑da wan a bɔ duu kan kɔ kan dɔ, an mbe ta‑a kaina.

MATIU 5:13

Chisɔsi ɔ, “Wo maen fan mu yɔ kuiɛ mɔ gbu gbɛɛ ko a dunya chɛ ɔ. Chɛɛ ni kuiɛ ɔ sɛ‑a, mɔ ee che to i ni a ma a dia ni yɛ a ɔ. A ma nyin to fen kɔ fen ko a. A nyin dechee mɔ ni a a dɛ baa ma, mɔɛ n mbe tɛn tɛn a ɔ kaina.

CHƆN 15:20

N da a bai chɛ ni to wo yii ma, n na‑a min fɔ wo ye, mbɛ bɔi den mbe ee nɔ, min benden mu a kan mɔ ma. Ni an‑na a ma wan n tɔɔ‑a, wo wɛɛ, an mbe a ma‑a ka wan wo ni tɔɔ. Chɛɛ ni an dɔ nu, an na‑a an too ma sɔ wan n da a kuiɛ ma, mbɛ an mbe an too ma sɔ‑a wan wo ta wɛɛ ma.

CHƆN 16:2

An mbe wo gbain‑da wan fɛsɛ fɛsɛ, a bɔ an 'na samun chɛ chenɛ a. A sin gbu, tima ɛ che‑a wan, mɔ ɔ mɔ min mbe wo dɔndɔ wɛɛ fa‑a, ɛ ma‑a wan a yii ma, mbɛ a‑a Yataa faa ma koe an ma ka.

CHISƆSI 'A SƆ MƆƐ NU 1:8

Chɛɛ wo e gbasaya ma sɔn‑da wan, ni Yataa Nyina chɛ bea‑a wo fɛ. A tima chɛ a, wo e a ɔ yian‑da wan mɔɛ n na, wo‑a min dɔ sɔn, a si n ma. Wo e a ɔ yian‑da wan mɔɛ n na Chuusaɛn duu ɔ, wo ni a ɔ yian Chudia chɛnyɛ tɔɛ gbu gbɛɛ ɔ, ni Samayia chɛnyɛ ɔ, a che kan kɔ kan dunya gbɛɛ ɔ.”

CHISƆSI 'A SƆ MƆƐ NU 13:1

Mɔɛ n ni wan nɔ Andiɔki duu ɔ, miin ni Yataa 'a gbonka chɛ mɔɛ n na, a basan a 'a kan chɛ mɔɛ n na. Banabasi ni an mɔɛ chɛ n dɔndɔ an na, ni Simiyɔn bɛɛ, an ni min chee, an dɔ, Simiyɔn finɛ. A yɛ to, Sɔɔ wɛɛ, ni Dusiɔsi, min ka‑a Sayini duu ɔ, an fea Manaɛn na, min bɔ‑a a ɔ chen dɔndɔɛ a, an fea Mansa Ɛdɔdi Andipasi a.

CHISƆSI 'A SƆ MƆƐ NU 13:36

Defidi tana, a ta tima a, a na‑a ban fan wai chɛ‑a Yataa ye, a chia ma yɔ a ɔ na‑a bɛn buɛ min dɔ. Mbɛ saya‑a a boo kana bia, a sin sa‑a a bemba n kaa a, mbɛ a gboo tui‑a kamba ɔ.

CHISƆSI 'A SƆ MƆƐ NU 2:47

an mbe ta‑a Yataa tando‑a. A sin, mɔɛ n gbɛɛ‑a an yii na chii wan an na, mbɛ mɔ chɛndɛ mu an na. Tee ɔ tee sin na, Mansa Chisɔsi‑a an ma munda mɔɛ n na, miin ni gbɛ bauncha chia ma.

CHISƆSI 'A SƆ MƆƐ NU 22:20

A sin, an ni kɛn Sitibin wii a bɔn‑da, min ni koɔ ka mɔɛ n tena a si i ma, n fandi gbu ni nɔ wan sɔ ɔ. N ni wan n kunɛ ɔ dondon‑da, a fa koe ma. A sin mɔɛ miin ni ka a fa tena, n ni wan an 'na doma n kun ma fɛn‑da.’

CHISƆSI 'A SƆ MƆƐ NU 26:10

N‑na chɛ an ma Chuusaɛn duu ɔ. N‑na a ma wan, Chu mɔɛ n tɛ mɔɛ nu Yataa a, an 'na mansa, a‑a gbasaya be n ma, n‑na Yataa 'a mɔɛ n sa pimbi chenɛ a. Chɛ dechee nii ma, chɛɛ an ni kɛn kaa a tɛ‑a, an fa koe ma, n‑na toa si wan a kɔɔ.

CHISƆSI 'A SƆ MƆƐ NU 5:18

Mbɛ an‑na Chisɔsi 'a sɔ mɔɛ chɛ n bia, mbɛ an‑na an sa pimbi chenɛ a.

CHISƆSI 'A SƆ MƆƐ NU 5:20

“Wo ta Yataa 'a kata ɔ, mbɛ wo‑a bai sa mɔɛ n tena, a si fɔɛ nama chɛ ma.”

CHISƆSI 'A SƆ MƆƐ NU 5:33

Chɛɛ Chu kuti wa chɛ‑a bai chɛ a min kɛn, Chisɔsi 'a sɔ mɔɛ chɛ n‑na min fɔ, an faa tɛ‑a wan aan. Chɛ‑a a ma wan, an‑na a ɔ bɛn an fa koe a.

CHISƆSI 'A SƆ MƆƐ NU 5:40

Mbɛ an‑na Chisɔsi 'a sɔ mɔɛ chɛ n chee, mbɛ an‑na a ma, an‑na an boan pien. Mbɛ an‑na an na si gbau gbau, an dɔ, an ma bai ɔ bai sa to mɔɛ n tena, a si Chisɔsi ma. An‑na an na si kɛn, mbɛ an‑na an boo ka.

CHISƆSI 'A SƆ MƆƐ NU 7:38

Mosisi chɛ sin ni wan Isɔɛɛ mɔɛ n tɛ ɔ, an na sɔndenɛ ni tima min na fuinɛ ma. An bɛ ni nɔ mmɔ bemba n ta bemba n na, ni maeka chɛ wɛɛ, min koɔ‑a a tena Saina kɔnkɔɛ ɔ. A sin‑na Yataa 'a sakana bai ma sɔn fan, min mbe fɔɛ be, a a ben koe a mmɔ tena.

CHISƆSI 'A SƆ MƆƐ NU 7:54

An‑na bai chɛ a min kɛn, an faa tɛ‑a wan gbeden Sitibin da a bai chɛ ma. Mbɛ an bun‑da an nyinɛ a daun‑da mɔnɛ ɔ, a si a ma.

CHISƆSI 'A SƆ MƆƐ NU 7:58

mbɛ an‑na a konkon a bɔ an duu chɛ ɔ. Mbɛ an bun‑da a ma bon bon‑da, a fa koe a. Miin ni ka sii n na, an 'na doma kun ma doma nu, an‑na an bɔ wan, mbɛ an‑na an to kamin tɔngbɔ dɔndɔ boo ɔ, min tɔ ni Sɔɔ.

CHISƆSI 'A SƆ MƆƐ NU 8:14

Chisɔsi 'a sɔ mɔɛ miin ni gbɛ Chuusaɛn, an‑na a a min fan, mbɛ Samayia mɔɛ n‑na an boo si Yataa bai kɔɔ. An‑na chɛ a min kɛn, mbɛ an‑na Pita sɔ, an fea Chɔn n na, ta koe a an tena.

CHISƆSI 'A SƆ MƆƐ NU 8:2

Mɔɛ dɔ nu, miin fɔɛ been ni ka Yataa fai koe a, an‑na Sitibin tɔn fan. An sin‑na chinchima di chɛ wan to, a si Sitibin fa koe ma.

CHISƆSI 'A SƆ MƆƐ NU 8:4

Chisɔsi fɛ mɔɛ miin na fasan‑da ka a ɔ, an ben ben‑da wan, an‑na Yataa 'a sakana bai chɛndɛ chɛ ɔ yian mɔɛ n na.

CHISƆSI 'A SƆ MƆƐ NU 8:5

Fiipi ni mɔ dɔndɔ an na mɔɛ chɛ n tɛ ɔ, miin na fasan‑da a ɔ. A yii‑a wan duu dɔndɔ ɔ, Samayia chɛnyɛ ɔ, mbɛ a‑a bai sa a si kunka mansa ma.

CHISƆSI 'A SƆ MƆƐ NU 9:31

Mbɛ a ka gbɛ a tima chɛ ma, faachima yɛ‑a wan to mɔɛ chɛ n ma, chɔchi n gbɛɛ ɔ. A ka Chudia chɛnyɛ ɔ, a ta Kadidi, ni Samayia chɛnyɛ ɔ. Yataa Nyina basan‑da wan an ma, an dɔ gbɛa koe a. A sin, an ma munda‑a wan kaka, a mu min na, an gbɛɛ ni basɔmaya wa be wan Mansa Chisɔsi ma.

GBOO DOMI KO A 1:32

An‑na a ɔ sɔn fan, mbɛ Yataa ɔ te, mɔ ɔ mɔ min mbe koe ma‑a ka buɛ chɛ ɔ, ɛ fa‑a wan. Chɛɛ chɛ gbɛɛ ɔ, an mbe a a tun tena an koe chɛ n ma koe a. A yɛ to, an sin mbe ta‑a to mɔ dɔ mende n pɛmbɛ‑a, miin mbe an ko yama dɔndɔ gbe chɛ n ma tena.

Gboo Fiipai Ko A 1:12

N suun ma nyɔɛ nu Chasi ɔ, n toen mu wo ni chɛ ɔ gbɛ. Mbɛ koe gbɛɛ, miin sien mu n na, an gbu an‑na a ma, sakana bai chɛndɛ chɛ a si Chisɔsi ma, a ta‑a ya ɔ ma.

GBOO IBU MƆƐ N KO A 11:27

Mosisi na‑a a kai fa wan Yataa a, mbɛ a bɔ‑a Ichipi chɛnyɛ ɔ. A sin, chian bɛɛ nii a ɔ, a si mansa wa chɛ faa tɛ koe ma. A na‑a ma wan dechee, yɔ Yataa ni wan a ya kɔɔ, mɔ ɔ mɔ ee min yen. A sin na‑a a ma wan, a na‑a a faa bia.