CHISƆSI 'A SƆ MƆƐ NU 7:58 - Yataa 'a Dɔbɛnɛ Nama

⁵⁸ mbɛ an‑na a konkon a bɔ an duu chɛ ɔ. Mbɛ an bun‑da a ma bon bon‑da, a fa koe a. Miin ni ka sii n na, an 'na doma kun ma doma nu, an‑na an bɔ wan, mbɛ an‑na an to kamin tɔngbɔ dɔndɔ boo ɔ, min tɔ ni Sɔɔ.

CHISƆSI 'A SƆ MƆƐ NU 7:58 ပူးပေါင်းရင်းမြစ်များ

DUKU 4:29

Mbɛ an‑na an kɔɔ sɔ wan a tima chɛ a, mbɛ an‑na Chisɔsi konkon a bɔ an duu chɛ gbu ɔ. Mbɛ an ta‑a a a kɔnkɔ a yansama kun tɛ, an 'na duu chɛ gbu sɔen ni min ma. An toen ni, an ni a a nyɔndɔn, a bɔ kɔnkɔɛ chɛ gbu chechee tena.

CHISƆSI 'A SƆ MƆƐ NU 22:20

A sin, an ni kɛn Sitibin wii a bɔn‑da, min ni koɔ ka mɔɛ n tena a si i ma, n fandi gbu ni nɔ wan sɔ ɔ. N ni wan n kunɛ ɔ dondon‑da, a fa koe ma. A sin mɔɛ miin ni ka a fa tena, n ni wan an 'na doma n kun ma fɛn‑da.’

CHISƆSI 'A SƆ MƆƐ NU 22:23

An‑na yee tɛ buɛ min dɔ, an ni an 'na doma n na meche meche ka wan banda a, mbɛ an yɛ‑a, an‑na gbangbanɛ a sɛ banda a, faatɛ ɔ Pɔɔ ma.

CHISƆSI 'A SƆ MƆƐ NU 22:4

N‑na mɔnɛ sɛsɛ sa wan mɔɛ chɛ n ma, miin na‑a a sɔ chia chɛ fɛ, Chisɔsi‑a chia min yian, a sɔ koe a a fɛ. N‑na a ma wan, an‑na saya ma sɔn. N‑na an bia wan, kai nu, an bɛ musu n na, n‑na an sa pimbi chenɛ a.

CHISƆSI 'A SƆ MƆƐ NU 26:10

N‑na chɛ an ma Chuusaɛn duu ɔ. N‑na a ma wan, Chu mɔɛ n tɛ mɔɛ nu Yataa a, an 'na mansa, a‑a gbasaya be n ma, n‑na Yataa 'a mɔɛ n sa pimbi chenɛ a. Chɛ dechee nii ma, chɛɛ an ni kɛn kaa a tɛ‑a, an fa koe ma, n‑na toa si wan a kɔɔ.

CHISƆSI 'A SƆ MƆƐ NU 6:11

Mbɛ an don‑da mɔɛ n too ɔ, min mbe a ma, an ni a fɔ, mbɛ an‑na a a min fan Sitibin mbe bai yama sa‑a, a si Mosisi n fea ma Yataa a.

CHISƆSI 'A SƆ MƆƐ NU 6:13

Mbɛ an na‑a mɔɛ n na, fania siiya chɛ koe a, a si Sitibin ma. Mbɛ an mɔɛ chɛ n‑na a fɔ, an dɔ te, “Tima ɔ tima kamin chɛ ɛ bai yama n fan fɔ, a si Yataa 'a kata chɛ ma, min mbe tenchen a ko a. Ɛ a fɔ to, a si sawa chɛ n ma, Yataa‑a miin be Mosisi ma.

CHISƆSI 'A SƆ MƆƐ NU 7:57

Chɛɛ an‑na yee tɛ wan, mbɛ an‑na an boo don an too ɔ, an ma na a da a kuiɛ chɛ a min to. Mbɛ a ya kɔɔɛ a, an sawan‑da Sitibin ma,

CHISƆSI 'A SƆ MƆƐ NU 8:1

Sɔɔ‑a toa si, Sitibin fa koe kɔɔ. Sitibin fa‑a kɛn, mɔɛ n‑na a kuu sɔ wan ko ma gbaaenɛ sa‑a chɛ n ma Chuusaɛn, miin na‑a an kai fa Chisɔsi a. A ka Chisɔsi 'a sɔ mɔɛ chɛ n ma, mɔɛ tɔɛ chɛ n gbɛɛ miin na‑a an kai fa Chisɔsi a, an dɔ fasan‑da wan a ɔ ben‑da gbɛɛ Chudia chɛnyɛ ɔ, a basan Samayia a.