CHISƆSI 'A SƆ MƆƐ NU 7:56 - Yataa 'a Dɔbɛnɛ Nama

⁵⁶ Mbɛ a‑a a fɔ, a ɔ, “A yen ko, n‑na banda bu ɔ yen, a da a kaenɛ ɛ. A sin, an ni min chee, an dɔ, Mɔ Gbu 'a Denɛ, ɛ sɔ ɔ Yataa boo nyima ɔ.”

CHISƆSI 'A SƆ MƆƐ NU 7:56 ပူးပေါင်းရင်းမြစ်များ

MATIU 25:31

Chisɔsi ɔ, “N fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ maeka n gbɛɛ a. Ni n sin ma‑a na‑a, n mbe ma‑a wan man‑da, mbɛ n si‑a n 'na mansa sea chɛ a, Yataa 'a manɛ ɔ.

MATIU 3:16

A‑a yii chɛ kɛn dechee Chisɔsi kunɛ ɔ, Yataa chia a, Chisɔsi bɔ‑a wan yii ɔ. Mbɛ a yen ko, banda da a ka‑a a ya a a, mbɛ a‑a Yataa Nyina yen, ɛ yii‑a yɔ bugbɔɛ, mbɛ a si‑a a ma.

MATIU 8:20

Mbɛ Chisɔsi ɔ, “Sonɛ n mbe fia ɔ, soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina n ni n suin.”

MAKI 1:10

Mbɛ Chisɔsi bun‑da bɔ‑a yii chɛ ɔ, a sɛ tindi ma. Chɛ ɛ ma‑a dechee, mbɛ a‑a banda yen, a da a ka‑a dɔndɔ a. Ɛ ta ta‑a Yataa Nyina yen‑da yii‑a a kun ma, yɔ bugbɔɛ, mbɛ a si‑a a kun ma.

DUKU 3:21

Chɔn ni tima min na yii chɛ‑a mɔɛ n kunɛ ɔ, Yataa chia a, a‑a a chɛ wan Chisɔsi wɛɛ kunɛ ɔ. Chisɔsi bun‑da samunɛ chɛ‑a, mbɛ a ya kɔɔɛ a, banda da a ka‑a.

CHƆN 1:51

Mbɛ a‑a a fɔ an ye, a ɔ, “Ka wɛ n ni chɛ ma din wo tena. Wo e a ɔ yen‑da wan, banda bu ɔ da a ni ka, mbɛ Yataa 'a maeka n yii‑a. An mbe sɛ‑a wan, an mbe yii, n na tindanɛ, n fan, Mɔ Gbu 'a Denɛ.”

CHISƆSI 'A SƆ MƆƐ NU 10:11

A‑a banda bu ɔ yen fan a a ka‑a, mbɛ a‑a fenɛ yen yii‑a dunya ɔ, yɔ koa wa, a biaenɛ ɛ a tɔnkɔn naaninɛ ma.

CHISƆSI 'A SƆ MƆƐ NU 10:16

Kuiɛ chɛ‑a bai chɛ fɔ si tena sawa, mbɛ a ya kɔɔɛ a, koa chɛ tuin‑da, a yɛ banda bu ɔ.

CHISƆSI 'A SƆ MƆƐ NU 7:57

Chɛɛ an‑na yee tɛ wan, mbɛ an‑na an boo don an too ɔ, an ma na a da a kuiɛ chɛ a min to. Mbɛ a ya kɔɔɛ a, an sawan‑da Sitibin ma,

KO Ɔ NUNDENƐ 11:19

Mbɛ Yataa 'a chenɛ, banda bu ɔ, a da a ka‑a. Mbɛ a 'a chen chɛ bu ɔ, mɔ ni kakaa yen fan nɔ. An kakaa chɛ, an ni a ɔ yian, mbɛ Yataa na‑a dɔbɛnɛ chɛ wan a 'a mɔɛ n na, Isɔɛɛ mɔɛ nu. Mbɛ banda manɛ mia mia bun‑da ben‑da, banda ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. Duu gboo samba‑a gbididi, sankɔɛ ɛ ta‑a bɔn‑da.

KO Ɔ NUNDENƐ 19:11

Chɛ gbakɔ, n‑na banda bu ɔ yen a a kaenɛ ɛ. Mbɛ a yen ko, soo gbɛ ɛ nɔ. Mɔɛ min mbe si ɔ an soo chɛ kun ma, a tɔ mu Danaya ni Tea. A sin, kaa min ɛ a a tɛ, tea an mbe ma a ɔ, a sin mbe ee ta chɛɛ ɔ fania kun ma.

KO Ɔ NUNDENƐ 4:1

Chɛ gbakɔ, mbɛ n‑na ko dɔ mende ɔ yen to. A yen ko, n‑na n ya a ta, n‑na chenɛ da a kaenɛ yen sɔ ɔ n ya kɔɔ banda bu ɔ. Mbɛ n‑na mɔɛ chɛ min kuiɛ a min a saa a, min na‑a koɔ n tena yɔ buu, n‑na a kuiɛ a min to. A ɔ, “Sɛ nɛ chɛ, min mbe a ma, n ni a ɔ yian i a, koe miin mbe na tena ma‑a.”