CHISƆSI 'A SƆ MƆƐ NU 7:52 - Yataa 'a Dɔbɛnɛ Nama

⁵² Yataa 'a gbonka chɛ mɔ kan kɔ kan nii nɔ, ni wo bemba n ta bemba n ma ko ma gbaaenɛ sa ni min ma. An‑na Yataa 'a gbonka chɛ mɔɛ chɛ n fa wan, miin na‑a a gbonka suun, a si Yataa 'a wai chɛ mɔɛ ma. Mbɛ an wai chɛ mɔɛ chɛ, min tanden mu a chen kɔɔ, ɛ na‑a wan. Chɛɛ wo gbu‑a a ma tachɛ gbɛ, mbɛ wo‑a a fa.

CHISƆSI 'A SƆ MƆƐ NU 7:52 ပူးပေါင်းရင်းမြစ်များ

MATIU 5:12

Wo bu ɔ ni dia kaka, koe min na mu, Yataa ɛ tɔnɔnɛ chenama sa tena ɔ bɛn‑da wan wo ko a banda bu ɔ. Wo wo faa bia, a mu min na, an‑na ko yawaen dɔndɔ gbe chɛ an sa suun Yataa 'a gbonka chɛ mɔɛ n ma, an‑na min sa ka wo wɛɛ ma.”

DUKU 6:23

Ni koe chɛ n si‑a wo a, wo bu ɔ ni dia. Wo buɔdia tɔmbɔɛ don, koe min na mu, Yataa ɛ tɔnɔnɛ chenama sa tena ɔ bɛn‑da wan wo ko a banda bu ɔ. Wo bu ɔ ni dia, a mu min na, an‑na ko ma gbaaen dɔndɔ gbe chɛ nyɔn sima sa wo ma, yɔ an bemba n ta bemba n‑na min sa suun Yataa 'a gbonka chɛ mɔɛ n ma.

CHƆN 16:10

An sin ma a ɔ sɔn to, koe min nyin a ma koe a, koe min na mu, n mbe yɛ tena Fa Yataa tena wan. A sin, wo ee a a tun‑da to n yen koe a.

CHISƆSI 'A SƆ MƆƐ NU 2:23

Chɛ e na to ma‑a, Yataa wandi gbu na‑a a ɔ bɛn fan gbae a faa gbɛɛ a, mbɛ tima ɛ che‑a wan Chisɔsi ni be wo ma. A sin, wo e a ma‑a wan, mɔɛ miin mbe ee don Yataa 'a sawa kɔɔ, an ni a gbangban kɔn gbengbandenɛ ma, a ni fa nɔ.

CHISƆSI 'A SƆ MƆƐ NU 22:14

Mbɛ a ɔ, ‘Yataa, mmɔ bemba n ta bemba n ni min fai, an‑na a boo sɔ bi i ma, i ni a faa ma koe ɔ sɔn. Chɛ ni a ma, i ni mɔɛ chɛ yen, min tanden mu Yataa tena gbeden, a yɛ to, i ni bai a min, min mbe bɔ‑a a da ɔ.

CHISƆSI 'A SƆ MƆƐ NU 3:18

Chɛɛ Yataa wandi na‑a min fɔ suun, an bɔ‑a ka a a. A na‑a a don fan a 'a gbonka chɛ mɔɛ n gbɛɛ da ɔ, mbɛ a 'a kunka mansa ɛ mɔnɛ ɔ bia‑a wan.

CHISƆSI 'A SƆ MƆƐ NU 3:24

Mbɛ Pita‑a a fɔ to, a ɔ, “A ka Samɛɛ ma, aan a ta, Yataa 'a gbonka chɛ mɔɛ tɔɛ n gbɛɛ na‑a bai sa wan, a si koe chɛ n ma, miin mbe ka bi ma tena sanche.

CHISƆSI 'A SƆ MƆƐ NU 4:10

Nn mbe a ɔ yian‑da wan gbɛ wo a, a basan mɔɛ tɔɛ n gbɛɛ a Isɔɛɛ chɛnyɛ ɔ, kamin chɛ ɛ sɔ ɔ nɛ, mɔɛ min 'na gbasaya ɔ. Nasaɛti duu ɔ mɔɛ chɛ mu, Chisɔsi Chasi, wo‑a min gbangban kɔn gbengbandenɛ ma, mbɛ a fa‑a. Chɛɛ Yataa‑a Chisɔsi kɔɔ sɔ wan, a ka saya ɔ. An Chisɔsi Chasi chɛ 'a gbasaya ɔ mu kamin chɛ, wo e ka min yen tena, a‑a bauncha ma sɔn.

Gboo Saa Tɛsadonika Ko A 2:15

An dɔ n‑na Yataa 'a gbonka chɛ mɔɛ n fa wan suun. Mbɛ an dɔ n sin‑na a ma, an‑na Mansa Chisɔsi wandi wɛɛ fa. Mbɛ sanche gbɛ, an dɔ n‑na ko yawaenɛ si mmɔ a, an gbu‑a nn gbain. Mɔ ɔ mɔ mu an chɛɛ ma nyɔɛ an na. Yataa faa tɛen mu an ma gbeden.

2 TIMOTI 3:4

Mɔ bun mɔɛ mu an na, mɔɛ miin mbe ee an yii na chii an mbe ma koe ma‑a, dɔ diaya faenɛ ɛ an gboo a gban. An ma to ni Yataa a, an toen mu dechee dunya ma buɔdia an na.

1 PITA 1:11

Chasi Nyina min ni an fɛ, a ni wan chia yian‑da an na a tima chɛ a. An sin na‑a an sɔɛ don fan, a ɔ gbɛ koe a, Chasi ɛ na‑a tima min kɔɔ, a basan a na buɛ gbu a. An na‑a a kɔɔ fɔ wan to, a ni tɔɔya min nyɔn dɔ bia‑a. An‑na a fɔ wan to, mbɛ basɔmaya wa an mbe an tɔɔya chɛ gbaa.

1 CHƆN 2:1

N 'na denɛ nu, n mbe gboo chɛ nyɛn tena wo tena, min mbe a ma, wo ma na dɛ ko yama ɔ. Chɛɛ ni mmɔ dɔndɔ wɛɛ dɛen fan mu gbɛ ko yama ɔ, mɔɛ ɛ wan mmɔ boo ɔ, min mbe koɔ mmɔ Fa Yataa tena mmɔ ko a. A mɔɛ chɛ mu Chisɔsi Chasi an na, a wɛn tanden mu Yataa tena gbeden.

KO Ɔ NUNDENƐ 19:10

Mbɛ n‑na n kumbai gbangban a chen kɔɔ, a fai koe a. Chɛɛ a ɔ te n ma, a ɔ, “I ma chɛ ma. Yataa an fai. N mbe wai chɛ an ko a, yɔ wo e wai chɛ buɛ min dɔ a ko a. Wo gbɛɛ, wo wɛn kai faen mu tea chɛ a, min ka‑a Chisɔsi tena. An tea chɛ, an mbe a ma, mɔɛ n ni Yataa bai sa.” Koe min na mu, Chisɔsi‑a bai min fɔ, an mu Yataa 'a sakana bai kunɛ a mɔ gbu n tena.

KO Ɔ NUNDENƐ 3:7

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”